بوبينة ولاا؟؟؟؟؟؟؟؟؟؟؟؟؟؟

[karwan]

السلام عليم ورحمه الله وبركاتة
كل عام وانتم بخير
مشكلة سريعة ارجوا الحل امبارح كنت جاي من الاسماعيلية الساعة12 ظهرا والجو نارا المهم جيت اشغل التكيف لقيت العربية بتنتش والrpm يوطى على الاخر كأن العربية هاتبطل المهم قفلت التكيف ومشيت لقيت برضه ان في تنتيشة بس لما باجري بالعربية بتروح ( فوق ال100) لما وصلت قلت ممكن تكون طرمبة فصلت قبل الفلتر لقيت البنزين نازل كتير وكويس
بعدها قلت افصل سلوك البوجيهات واحد واحد لقيت مافيش مشاكل بس لاحظت ان الشرارة بتاعت السلك الاول والرابع جامدة اكتر من التاني والتالت
هو ده يبقى عطل بوبينة ؟ وأحسن حل ليها ايه
وعذرأ للاطالة

[karwan]

ايه ياحضرات كله منفض ليه الموضع صعب للدرجاتي

[tuttoo]

حط العربية علي سكنر اول حاجة

[Hany A Fattah]

ضعف الشرارة ممكن يكون من الكابلات

[mailo]

ممكن مشكلة الشرارة تكون من السلك نفسه

[mostafa mahmod]

الاول غير السلوك ( كده كده هتغيرها حتى لو جبت موبينه جديده ))

و شوف لو الشراره تمام يبقى كان عيب سلوك لو زى ما هى ضعيفه يبقى موبينه

[samy33]

بص بقى يا سيدى هى الببوبينة عن تجربة نفس اللى حاصل معايا وغيرتها بوحدة استيراد من الحرفيين ب 200 جنيه gm بس فى الحقيقة انا حاسس انا الاصلية اللى باظت كانت احسن

[haimaN]

نفس العيب كان عندى وكانت مشكلة بوبينة
بس انا مشيت بيها كده اكتر من سنة ههههه
بس غيرتها وللاسف سعرها الاصلى غالى جدا
من الشرقاوى اللى فى جسر السويس
575 لسه شاريها من كام يوم
بس هاتحس بفرق كبير لما تغيرها

[karwan]

الحمد لله طلعت سلوك بوجيهات

[ahmedezzat78]

الحمد لله بسيطه