مشاكل محتاجه لوحش ميكانيكا مهيبر زي عربيتي النوبيرا

[FAR!D]

السلام عليكم
انا لسه شاري نوبيرا استراد اروبي 99 و قلت ارتاح بأه من العربيات و ارفها بعد مكان معايا فلشيا و كانت بتكدرني بجد المهم فيه مشاكل و اريد حلا بجد:
1-العربيه و انا ماشي بتنتش و لما ادوس الدبرياش توطى جامد و كأنها حتبطل و لمبه التشيك بتنور و لما ادوس بنزين جامد ورا بعض تبدأ الموتور يعلى تاني بعد كام دوسه كده و اللمبه تطفي و ساعات بتبطل فعلا ولازم ا\ور من الكونتاكت و لما حتطها علي الجهاز قرا مره حساس كرنك و مره حساس شكمان
2- الحراره بتعلى في التو و اللحظه لما اكون بجري جامد و ادوس فرامل مع دبرياش و ممكن اوي توصل للاحمر و المروحه بتكون شغاله عادي و لما اديها كام دوسه بنزين تبدء تنزل تاني
3-الميه بتنقص شويه صغار و انا وسط البلد و لاما اكون على طريق سفر بتنقص جامد و ساعات بتبقى زي الفل
ها ياوحوش الدايو هناك من خبير للجنان ده لاني انا و الميكانيكي اتجنيت انا من اسكندريه على فكره و شغلي كله سفر

[aliyosef]

السلام عليكم
انا لسه شاري نوبيرا استراد اروبي 99 و قلت ارتاح بأه من العربيات و ارفها بعد مكان معايا فلشيا و كانت بتكدرني بجد المهم فيه مشاكل و اريد حلا بجد:
1-العربيه و انا ماشي بتنتش و لما ادوس الدبرياش توطى جامد و كأنها حتبطل و لمبه التشيك بتنور و لما ادوس بنزين جامد ورا بعض تبدأ الموتور يعلى تاني بعد كام دوسه كده و اللمبه تطفي و ساعات بتبطل فعلا ولازم ا\ور من الكونتاكت و لما حتطها علي الجهاز قرا مره حساس كرنك و مره حساس شكمان
اعتقد ممكن يكون فعلا حساس الكرنك لأنه لو ماعدش كويس مش هايبعت اشاره للموبينه وممكن تبطل كمان ودا تحليل من خلال قرأه الاسكنر
2- الحراره بتعلى في التو و اللحظه لما اكون بجري جامد و ادوس فرامل مع دبرياش و ممكن اوي توصل للاحمر و المروحه بتكون شغاله عادي و لما اديها كام دوسه بنزين تبدء تنزل تاني
شوف ساعه الحراره ممكن تكون بايظه وبتستهبل وبتسجل قرايات غلط للمؤشر
3-الميه بتنقص شويه صغار و انا وسط البلد و لاما اكون على طريق سفر بتنقص جامد و ساعات بتبقى زي الفل
اعمل كبس لدوره التبريد وشوف التنفيس منين
ها ياوحوش الدايو هناك من خبير للجنان ده لاني انا و الميكانيكي اتجنيت انا من اسكندريه على فكره و شغلي كله سفر

[alynubira]

مشكلتك ان عربيتك برميم
العربيه عايزه بوابه وكمبيوتر

[FAR!D]

شكرا ليكم ياحضرات و لو في حد كان عنده المشكله ديه يقول حلها ازاي و لو فيه حد يقدر يشخص الاعطال ديه كويس يقول

[alynubira]

لو تكيفك تاتش تبقى عربيتك برميم
وغير البوابه والكمبيوتر

[mo3tazanas]

اية ياجماعة هى العربية البرميم وحشة قوى كدة وال اية؟

[Hany A Fattah]

مش وحشه بس البوابه الكهربا مافيش حد بيصلحها

[FAR!D]

لو تكيفك تاتش تبقى عربيتك برميم
وغير البوابه والكمبيوتر

شكرا لردك هيا فعلا برميم بس حلك ده وجع باطني البوابه لوحدها ب 1400 جنيه بس ممكن يكون حاجه غير البوابه لان لقيت واحد دخل عليا عند الميكانيكي نفس المشكله بس بتطور اي بتمشي مخنوقه جدااااااااا وتقريبا مبتمشيش و ظبطت بتغير طلمبه البنزين بس انا برضوا مش حجازف زي ماكنت بعمل في الفليشيا و اجيب طلمبه ب 350 و في الاخر تطلع مش هيا و لا ايه ياشباب

[mo3tazanas]

متابع معاك وياريت تقول لنا عملت اية

[HATEMFOUAD]

هو مس حساس الكرنك لأن لو حساس الكرنك العربية ممكن متدورش أصلاً شوف الكمبيوتر لأنه واضح أنه ملخبط فتغييره أفضل ، وربنا يوفقك لحل المشكلة

[mahmoudysf]

شكرا لردك هيا فعلا برميم بس حلك ده وجع باطني البوابه لوحدها ب 1400 جنيه بس ممكن يكون حاجه غير البوابه لان لقيت واحد دخل عليا عند الميكانيكي نفس المشكله بس بتطور اي بتمشي مخنوقه جدااااااااا وتقريبا مبتمشيش و ظبطت بتغير طلمبه البنزين بس انا برضوا مش حجازف زي ماكنت بعمل في الفليشيا و اجيب طلمبه ب 350 و في الاخر تطلع مش هيا و لا ايه ياشباب

طيب ما تخلي الميكانيكي يختبر قوة دفع الطرمبة