عايز اسقط موتور للانوس

[احمد ابراهيم]

السلام عليكم
انا عايز اسقط ماكنة فى عربيتى اللانوس بدون تعديل فى اى شئ يعنى اشيل موتور احط التانى مكانة و عايز يكون الموتور ده 1600 cc و يا سلام لو يبقى زى الالنترا او النيو اكسنت cvvt
يا ترى ايه العربيات اللى مواتيرها بالمواصفات دى
دا طبعا لانى زهقت من سحب البطة البلدى و كمان لما بشغل التكييف بتقلب كارووووو
و شكرا جدا على وقتكم و هتعبكم معايا بقى بس ده العشم

[Angel_wolf]

لو 1600 هيبقى فى الغالب متور النوبيرا
انا صحبى مسقط 2000 سى سى بتاع الليجنزا بس معدل قاعدة من قواعد المتور

[osama.m]

اول حاجة مينفعش تسطق موتور من شركة تانية .. يعني انت عندك كل مواتير الدايو تنفع غير كدا لا
لو 1.6 يبقى موتور النوبيرا و دا 2 كامة ومع وزن اللانوس هيعمل معاك شغل جامد

[mostafa mahmod]

طب و هتعمل ايه فى الفرامل
اذا كان و هى بطه و مبنعرفش نوجفها ( مع الاعتذار لرامى قشوع )
ايش حال لو ركبت فيها ال 1600 او ال 1500 ال 2 كامه

[M.Alaa92]

طب و هتعمل ايه فى الفرامل
اذا كان و هى بطه و مبنعرفش نوجفها ( مع الاعتذار لرامى قشوع )
ايش حال لو ركبت فيها ال 1600 او ال 1500 ال 2 كامه

اصلا الانوس برة بتنزل 1600 :) هو اللى ممكن يعملو انو يعدل الفرامل و خلصت على كدة

بس عشان يبقى ف امان ممكن يسقط عفشة نوبيرا مع الموتور و الفرامل كمان و ياريت الفرامل اللى ورا تبقى بتاعت الليجانزا( سكاكين) ححيبقى تمام اوى ى ى ى

[احمد ابراهيم]

طب و هتعمل ايه فى الفرامل
اذا كان و هى بطه و مبنعرفش نوجفها ( مع الاعتذار لرامى قشوع )
ايش حال لو ركبت فيها ال 1600 او ال 1500 ال 2 كامه

ساعتها هعمل تعديل الفرامل باذن الله زى ما الكبير قايل عليه
بس اكمل السؤال : هل ينفع اسقط موتور افيو مثلا او اوبترا على اساس انهم شيفروليه ؟؟؟؟ بردو بدون اى تعديلات يعنى فك و تركيب

[M.Alaa92]

ساعتها هعمل تعديل الفرامل باذن الله زى ما الكبير قايل عليه
بس اكمل السؤال : هل ينفع اسقط موتور افيو مثلا او اوبترا على اساس انهم شيفروليه ؟؟؟؟ بردو بدون اى تعديلات يعنى فك و تركيب

بص هو اللى اتجرب هو النوبيرا
انما الافيو هو هو نفس الموتور ال 1500
الاوبترا الصراحة معرفش
ع العموم لو قلقان من استهلاك البنزين ممكن تركب رشاشات الفيرنا حتوفر معاك

[mostafa mahmod]

لا بص بقى يا باشا انت تحط الماتور ال 1500 ال 2 كامه ده تقريبا بيطلع قوه 100 و حاجه حصان ( مش فاكر كام بالظبط ) و ده هيبقى اعلى هورس باور من ال 1600 بتاع النوبيرا 1
و تعدل الفرامل قدام و ورا زى ما قال ممدوح باشا و متهيالى هيبقى فيه شويه تعديلات تانيه من شكمان و قواعد و الذى منه و جنط 14 و كده الحياه بقت لوز اللوز

انا نفسى اعمل كده بصراحه بس دى فلوس كتيره اووووووووووووووووووووى ياجدعان

[احمد ابراهيم]

كده يبقى اللى وصلتله لغاية دلوقتى انى اغير بموتور نوبيرا 1600 2 كامة و طبعا هيبقى بالفتيس و الكنترول + اغير الفرامل امامى و خلفى + تغيير جنوط ب 14 او 15 و هيبقى معاهم تغيير طقم الكاوتش طبعا

بالصلاة على النبى كده الحسبة دى تخش فى كام باكو كده ؟؟؟؟؟؟
و شكرا لتعبكم معايا يا رجالة

[mahmoudysf]

تقريبا 5000

[احمد ابراهيم]

تقريبا 5000

انا بتهيالى اكتر لان طقم الكاوتش و الجنوط لوحدهم بمبلغ و تعديل الفرامل مبلغ و الموتور بفتيسه بكنتروله بسلطاته بابا غنوجه بمبلغ بردو انا بتهيالى ممكن تدخلها فى 8000 -9000

[mostafa mahmod]

اه و انا متهيالى كده كمان هتخش فى كتير اوى
هى الحل انك تعمله حاجه حاجه
يعنى الاول تجيب الجنط مع الكاوتش
و بعد كدع تعدل الفرامل
ثم الى تسقيط الماتور
ثم هيطلاعلك حاجات فى النص لازم تغيرها
و ربنا معاك

[shaddadfalcon1]

انا نفسي اجيب لانوس رايحه في داهيه خالص من عفشه لموتور لكهرباء بس يكون جمسهها كويس من غير خبطات ولا برومه واعدل عشفه سبور وجنوط 15 وفرامل وفرش واضاءه وبودي كيت ومكنه واديها الرشه التمام واعيش
ساعتها اعتقد ان تمنها هيبقي نفس تمن لو جبت حاجه استعمال نظيف او اكتر شويه بس هتبقي عربيه احلي من كل العربيات اللي لحد 100 الف

[احمد ابراهيم]

بتهيالى لو الموضوع هياخد مثلا اكتر من 10000 يبقى الواحد يبيع العربية و يجيب بقى فئة تانية و ليكن جولف 4 مثلا

[MMamdouh]

كده يبقى اللى وصلتله لغاية دلوقتى انى اغير بموتور نوبيرا 1600 2 كامة و طبعا هيبقى بالفتيس و الكنترول + اغير الفرامل امامى و خلفى + تغيير جنوط ب 14 او 15 و هيبقى معاهم تغيير طقم الكاوتش طبعا

بالصلاة على النبى كده الحسبة دى تخش فى كام باكو كده ؟؟؟؟؟؟
و شكرا لتعبكم معايا يا رجالة

انت لا محتاج فتيس ولا ضفيرة ولا كونترول ولا تعديل فرامل خلفى

MMamdouh