الفتييييييييييييييس

[star1991]

النهارده فتيس النوبيرا بتاعتي فوت

وموش عارف اعمل ايه اجيبلها فتيس غيره ولا


اقلبها مانيوال

لو حد يعرف تكلفه قلبها مانيوال كام؟؟؟؟؟؟؟؟
شكرا

[Hany A Fattah]

يعنى ايه فوت ؟

[aliyosef]

يعنى ايه فوت ؟

+1

[Shiref_mohamed]

لو يناسبك المانيوال اقلبها ... وبالمرة ترفع من سعر إعادة البيع لو حبيت تبيع
لو مش هيناسبك هات فتيس اوتو استيراد بس معرض انه يبوظ تاني برضه

[MITSUKERO]

انا هقولك رأيي الشخصي و انت حر

اول حاجة الفتيس الاوتوماتيك المفروض انه بيتصلح عادي المشكلة عندنا ف مصر ان الميكانيكية مش بيقروا ولا بيتعلموا و واخدين الصنعة وراثة و طبعا كل يوم علي العربيات بيذيد و بيتغير و بالتالي لميكانيكي الفاهم هو اللي بيبقي اشتغل في توكيل مع مهندسين و اتعلم منهم و ده انا شفته بعيني في توكيل ميتسوبيشي مع ميكانيكي اسمه سعيد عبد التواب والله بحس انه مهندس و بيتكلم انجليزي كويس و عارف اسماء قطع الغيار و اي فتيس اوتومتيك قبل ال cvt بيفكة و يصلحة عادي جدا في التوكيل او بره لو عنده وقت

الخلاصة : دور علي ميكانيكي فاهم و شاطر و يسلام لو ورشة فيها مهندس و خليه يقولك سبب تفويت الفتيس زي ما انت قولت و ممكن في الاخر يكون فيه حاجة بسيطة جدا عايزة تتنضف ب dw40 ولا حاجة او قطعة صغيرة عايزة تتغير او تتصلح و انت تتسرع و تلاقي نفسك بدل ما انت راكب عربية اوتوماتيك راكب عربية مانيوال و تصرف فلوس كتير جدا علي تغيير العربية من الوضع القديم للوضع الجديد و السبب مجهول

اتمين اني اكون اضفت حاجة و يارب تلاقي حل كويس لمشكلتك

[star1991]

اللي حصل معايا كنت ماشي تمام التمام بالعربيه فجاه لقيتها بتقطع بطلتها ودورت عادي اشتغلت ومشيت شويه ولقيتها بتنقل متاخر وفيه صوت طالع منها عرفت فيما بعد انه صوت الفتيس
وقفت بالعربيه علشان الامور متتفاقمش وروحت لميكانيكي مقطور طبعا
طلع جرب العربيه الفتيس بينقل 4 نقلات وتمام التمام ولحد140كم سرعه مفيش مشاكل
فجاه العربيه تتخنق والار بي ام يعلى لوحده وتلاقي العربيه متسحبش لحد ماتقف
تبطلها وتدورها عادي تشتغل تاني وتمشي مع ظهور صوت الفتيس
المهم الميكانيكي قال عاوزه فتيس قلت استنى شويه واخد راي ناس تانيه زي حضراتكم
في هذه المشكله كان الكاسيت سكت لوحده كده معرفش ليه فصل خالص
النهارده الصبح لقيت مفاجاه الكاسيت اشتغل لوحده برده وطلعت اجرب العربيه لقيتها شغاله تمام
والفتيس تمام والصوت اللي كان طالع منه اختفى بس العربيه مخنوقه شويه

واحد قالي ممكن تكون مشكله كهرباء في العربيه والفتيس ممكن يكون سليم
المهم انا مش عارف اعمل ايه

وعاوز اقولكم ان الفتيس بينقل كل النقلات مظبوط
والزيت كويس ومش محروق ومش باين فيه روايش
وبعدين تفتكروا فيه فتيس بايظ بينقل؟؟؟؟؟؟

ايه رايكم وايه العمل؟؟؟؟؟

[mahmoudysf]

ودي العربية لحد بيفهم

[star1991]

ودي العربية لحد بيفهم

ان شاء الله وهاقولكو على التفاصيل

[star1991]

ايه ياجماعه محدش قابل المشكله دي قبل كده
انا النهارده روحت التجمع الخامس حوالي 70 كيلومتر من عندي
والعربيه تمام
وخايف اروح لحد يشتغلني ويعمل نصبه عليا


اعمل ايييييه

[elnakshabandy]

المشكلة ان شاء الله مش فتيس ولا حاجه
ده سلك الكيك داون علء
وعلى العموم لوبقالك كتير مغيرتش زيت روح غيره ونظف المصفه اوغير الفلتر
عندواحد بيصلح الفتيس الاوتو مش ميكانيكى
رمضان كريم

[zoom1984]

ايه ياجماعه محدش قابل المشكله دي قبل كده
انا النهارده روحت التجمع الخامس حوالي 70 كيلومتر من عندي
والعربيه تمام
وخايف اروح لحد يشتغلني ويعمل نصبه عليا


اعمل ايييييه

الفتيس لو بايظ عمره ماينقل النقلات كلها مظبوط زى ماحضرتك ذكرت
المشكله ممكن تكون كهربا وده لان الاوتو بيعتمد بشكل كبير على الكهرباء بس لو البطاريه عندك تمام يبقى مش من الكهرباء وممكن يكون سلك الكيك داون عايز يتغير والافضل من وجهة نظرى تفصله أحسن زى ما انا عامل وممكن تكون مشكلة فى حساس الفتيس أو ان كومبيوتر العربيه واخد أوامر خطأ فبرجل الفتيس معاك
ولكن لو دلوقتى مفيش مشكله ماتقلقش وماتروحش لأى ميكانيكى لانه هيشتغلك

[tarek_2005]

لم تذكر الفتيس بتاعك كهرباء ولا هيدروليك لان النوبيرا الاوتوا نزل منها المواصفات الاوربية فتيس كهرباء والعادية فتيس هيدروليك لو الفتيس كهرباء احتمال كبير تكون مشكلة عرضية ولن تعود مرة اخري

[star1991]

لم تذكر الفتيس بتاعك كهرباء ولا هيدروليك لان النوبيرا الاوتوا نزل منها المواصفات الاوربية فتيس كهرباء والعادية فتيس هيدروليك لو الفتيس كهرباء احتمال كبير تكون مشكلة عرضية ولن تعود مرة اخري

الفتيس هيدروليك نوبيرا 2003 المصري
الفتيس اللي عندي اللي بيقوله عليه مقاس او كيك داون مش الكهرباء

النهارده روحت للميكانيكي قلت اطمن فك الكارتيره وقاللي هنغير الزيت ونضف الصفايه
فك وطلع الصفايه لقاها مسدوده وقاللي اللي سدها ورق الكلاتشات محروق والفتيس لازم يتغير
قلتله ينضف الصفايه ويغير الزيت واتكلت على الله
والعربيه تمام وبتنقل في ميعادها ومظبوطه


مش عارف اعمل ايه عاوز رايكم

وايه موضوع الكلاتشات المحروقه هي لو بايظه او محروقه العربيه هتنقل ؟؟؟


المهم لو الفتيس بايظ او الكلاتشات محروقه العربيه تنقل ولا الميكانيكي بيشتغلني؟؟؟

[mahmoudysf]

يعني العربية ظبطت بعد الصيانة دي ولا لا
لو اتظبتت يبقى خلاص متحيرش نفسك

[star1991]

العربيه ظبطت 100% بس كلام الميكانيكي حيرني
قالي متسافرش وكلا تشات محروقه وحوارات كده
فانا مش مقتنع ان كلاتشات محروقه وفتيس بايظ يمشي وينقل نقلات مظبوطه
فخلاني في حيره بكلامه ده