عداد rpm بيرتفع وينخفض

[mamdouhedrees]

أمس روحت لميكانيكى فك البوابه والحساس ونظفهم بمنظف كربداتير وهذا للصيانه فقط.
بعد اداره العربيه لقيت مؤشر rpm على 1800 ومش نزل وصوت الموتور عالى والعربيه على السلانسيه سريعه. مره اخرى ينزل المؤشر على 800 وبعد التحرك والوقوف يكن على 1800 .
رد الميكانيكى مذهل قال ان الحساس بايظ وده عمره الافتراضى.مع العلم ان قبل ذالك كان شغال كويس جدا ويا ريت ما نظفت البوابه والحساس.
المهم انا سيبت الميكانيكى وركنت العربيه حتى اشوف ردكم اعمل ايه.

[حماده المصري]

اعتقد انك تجرب تطلع وتفكه تاني وتنشفه كويس او تنضفه تاني لو متزبطش

يبقى حظك كده مع الحساس ده لما طلع باز او الميكانيكي اتغابى مش قادر احدد

عموما انا غسلت متور عربيتي حصل نفس اللي حصل معاك بالضبط بالنسبه لل ار بي ام

ساعتين وزبطت تاني

اتقل عليها ممكن تتزبط لوحدها لما تنزل بكره

[M.Alaa92]

هل عملت ايدل ليرن؟؟؟

[ahmedjumpo]

أمس روحت لميكانيكى فك البوابه والحساس ونظفهم بمنظف كربداتير وهذا للصيانه فقط.
بعد اداره العربيه لقيت مؤشر rpm على 1800 ومش نزل وصوت الموتور عالى والعربيه على السلانسيه سريعه. مره اخرى ينزل المؤشر على 800 وبعد التحرك والوقوف يكن على 1800 .
رد الميكانيكى مذهل قال ان الحساس بايظ وده عمره الافتراضى.مع العلم ان قبل ذالك كان شغال كويس جدا ويا ريت ما نظفت البوابه والحساس.
المهم انا سيبت الميكانيكى وركنت العربيه حتى اشوف ردكم اعمل ايه.

جرب كده افصل البطارية و فيشة الايدل شوية و بعدين ركبهم تانى لعل و عسى تضبط معاك لانها كانت بتحصل اوقات معايا و كانت بتضبط بعد فصل البطارية لمدة قصيرة مثلا خمس دقائق
و استفسار هل الـ rpm بيعلى معاك فى التموير لو عربيتك عادة و لو اتوماتيك بيعلى لما تجيب الـ n ؟

[mamdouhedrees]

جرب كده افصل البطارية و فيشة الايدل شوية و بعدين ركبهم تانى لعل و عسى تضبط معاك لانها كانت بتحصل اوقات معايا و كانت بتضبط بعد فصل البطارية لمدة قصيرة مثلا خمس دقائق
و استفسار هل الـ rpm بيعلى معاك فى التموير لو عربيتك عادة و لو اتوماتيك بيعلى لما تجيب الـ n ؟

شكرا لأهتمامكم.
بالنسبه لrpmعند اداره االعربيه وهى موره(العربيه مانويال)مره يطله ل 1800 ويثبت. ومره اخرى ينزل ببط ثم عند التجربه وادوس بنزين وهى موره يرتفع ويثبت.
ان شاء الله هنزل بعد العصر وفك البطاريه لمده خمس دقائق وفيشه الأيدل.

[mamdouhedrees]

هل عملت ايدل ليرن؟؟؟

انا عملت أيدل ليرن.بفتح الكونتاكت خمس ثوانى وقفله خمس ثوانى ثلاث مرات.
ثم تشغيل الوتور بدون أحمال ثلاث دقائق.ثم فتح التكييف حتى مستوى 4 ولأناره والكاسيت ولمبه الصالون والنور العالى والشبوره لمده دقيقاتان. ثم طفى الأحمال وطفى المحرك.

[M.Alaa92]

طب حقولك حاجة طلع الحساس و رش علية wd40 و ع المكان اللى داخل فية الحساس و شيل الزوايد بمنديل ورق و اعمل ايدل ليرن و جرب

[alynubira]

المشكله ان الحساس فعلا شكله باظ
المشكله دى حصلت مع واحد صاحبى جدا والميكانيكى قعد ينضف الحساس 3 يوم ومع ذلك زى ماهى
قالوا امشى بيها 200 كيلو وتعالى
بس ان وديت العربيه عند ميكانيكى تانى غير فلتر البنزين وجرب ببطاريه تانيه اتظبطت سنه وبعد حوالى 100 كيلو اتظبطت وبقت تمام الحمد لله

[ahmedezzat78]

نظف الحساس تانى و اتأكد ان الجوان بتاعه موجود

واعمل ايديل ليرن تانى

[abo_lamar]

حصل عندي برضه نفس الموضوع ده و بعدين سبت العربية يومين وجيت ادورها لقيتها ظبطت

[mamdouhedrees]

نظف الحساس تانى و اتأكد ان الجوان بتاعه موجود

واعمل ايديل ليرن تانى

شكرا لتعاونكم جميعا.
انا نزلت اليوم واكدت على الفيشه الداخله للحساس. وقلت اجرب ادور العربيه .لقيت ان المؤشر كويس.خدت العربيه ورحت مشوارين حوالى 20 كيلومتر والمؤشر بقى تمام.
نستنتج ان الواحد ما يؤخذشى بكلام الميكانيكيه لاننى كنت ممكن اغير الحساس وهو سليم.
مره أخرى شكرا لجميع المشاركات لان توقعهم سليم.

[tarek_2005]

يا شباب في فرق بين كلمة حساس وبلف
الحساس لاينظف ابداً
البلف ينظف

البلف هو "" بلف الايديل ""
الحساس هو "" tps & o2 & كرنك & map ""
الحساسات لا تنظف ابداً بل تتلف لو وصلها اي نوع من المنظفات

[ahmedjumpo]

شكرا لتعاونكم جميعا.
انا نزلت اليوم واكدت على الفيشه الداخله للحساس. وقلت اجرب ادور العربيه .لقيت ان المؤشر كويس.خدت العربيه ورحت مشوارين حوالى 20 كيلومتر والمؤشر بقى تمام.
نستنتج ان الواحد ما يؤخذشى بكلام الميكانيكيه لاننى كنت ممكن اغير الحساس وهو سليم.
مره أخرى شكرا لجميع المشاركات لان توقعهم سليم.

يا باشا الحمد لله ان المشكلة طلعت بسيطة و اتحلت و ربنا يباركلك فى العربية

[M.Alaa92]

يا شباب في فرق بين كلمة حساس وبلف
الحساس لاينظف ابداً
البلف ينظف

البلف هو "" بلف الايديل ""
الحساس هو "" tps & o2 & كرنك & map ""
الحساسات لا تنظف ابداً بل تتلف لو وصلها اي نوع من المنظفات

الف شكر ع التوضيح و الافادة استاذ طارق