ما هى فائدة ال d3 و ال 2 و ال 1 فى فتيس لانوس الاتوماتيك

[ahmedabady2005]

السلام عليكم
انا عندى دايو لانوس 2 فتيس اتوماتيك
ياريت حد يفهمنى ايه فايدة d3 و 2 و 1 و كمان فى زرار صغير كده تحت الزرار بتاع تغيير الفتيس ده ايه فايدتة ؟
و معلش كمان حتقل عليكوا فى سؤال تانى .... سيارة والدى من نوع دايو ليجانزا بس الفتيس فيها مافيهوش d4, d3 الفتيس بتاعها عبارة عن d و 3 و2و 1
ايه الفرق بين النوعين ؟
و شكرا لكل اعضاء المنتدى الكرام

[horas3000]

دي يا زعيم و بكل بساطه الغيارات
ال 1 هو الاول و 2 التاني و هكذا
و دول بتلجا اليهم لو احتجت تثبت النقله زي لو طالع مطلع عالي و محتاج عزم للعربيه
اما الزرار فسامحني معرفوش لاني مش فاكر الدايو بس هو عموما مش هيطلع من ال shift lock او ال overdrive و الاولاني ده عشان تعرف تنقل لو البطاريه نامت و التاني عشان تخلي اعلي نقله هي التالت و ده برضه لو محتاج سحب و عزم
اما الفرق بين اللانوس و الليجانزا فهو فرق تسميه لا اكتر هما هما نفس الوظائف

[ahmedabady2005]

دي يا زعيم و بكل بساطه الغيارات
ال 1 هو الاول و 2 التاني و هكذا
و دول بتلجا اليهم لو احتجت تثبت النقله زي لو طالع مطلع عالي و محتاج عزم للعربيه
اما الزرار فسامحني معرفوش لاني مش فاكر الدايو بس هو عموما مش هيطلع من ال shift lock او ال overdrive و الاولاني ده عشان تعرف تنقل لو البطاريه نامت و التاني عشان تخلي اعلي نقله هي التالت و ده برضه لو محتاج سحب و عزم
اما الفرق بين اللانوس و الليجانزا فهو فرق تسميه لا اكتر هما هما نفس الوظائف

شكرا جزيلا على التوضيح
يعنى افهم من كده ان ال1 و ال2 زى الغيار الاول و التانى فى المانول ؟
فعلا واحد زمان قالى ع الزرار الصغير ده اسمه اوفر درايف ده يا ترى فايدتة ايه ؟
تقبل تحياتى

[zoom1984]

فعلا زى ما الاستاذ حورس قال فى موضوع الغيارات يعنى انا معايه نفس النوع لما بكون ماشى فى طريق بطيئ لايتعد40 كيلو باستخدم d 3 وفيما فوق طبعا d 4 بس اوعى تنقل من التالت للرابع ورجلك على دواسة البنزين والزرار الصغير ده فعلا أوفر درايف ويستخدم فى المناورات ( الغرز)

[horas3000]

شكرا جزيلا على التوضيح
يعنى افهم من كده ان ال1 و ال2 زى الغيار الاول و التانى فى المانول ؟
فعلا واحد زمان قالى ع الزرار الصغير ده اسمه اوفر درايف ده يا ترى فايدتة ايه ؟
تقبل تحياتى

بالظبط كده وزي ما قلت بيستخدم لو محتاج عزم اكتر من سرعه


الاوفر دريف و بكل بساطه بيستخدم في الطرق الطويله و طرق السفر او ال cruzing بمعني اصح
و مهمته انه يخلي العربيه في غيار اعلي من السرعه اللي بتمشي بيه العربيه
يعني مثلا هتلاقي العربيه جايبه الخامس و انت ماشي علي 100 اللي في العادي بيجي علي التقله التانيه
ده بيؤدي الي ان ال rpm يقل فالمتور يريح و صوته يهدي و طبعا توفير بنزين
ده كده شرح مختصر

و الزار ده عشان تقفله لو عزت لانه بيبقي دايما شغال

و هنا في معلومات اكتر عنه و عن طريقه عمله

http://en.wikipedia.org/wiki/Overdrive_(mechanics)

[ahmedabady2005]

بالظبط كده وزي ما قلت بيستخدم لو محتاج عزم اكتر من سرعه


الاوفر دريف و بكل بساطه بيستخدم في الطرق الطويله و طرق السفر او ال cruzing بمعني اصح
و مهمته انه يخلي العربيه في غيار اعلي من السرعه اللي بتمشي بيه العربيه
يعني مثلا هتلاقي العربيه جايبه الخامس و انت ماشي علي 100 اللي في العادي بيجي علي التقله التانيه
ده بيؤدي الي ان ال rpm يقل فالمتور يريح و صوته يهدي و طبعا توفير بنزين
ده كده شرح مختصر

و الزار ده عشان تقفله لو عزت لانه بيبقي دايما شغال

و هنا في معلومات اكتر عنه و عن طريقه عمله

http://en.wikipedia.org/wiki/overdrive_(mechanics)

معلومات جديدة فعلا
و شكرا جدا على ردك القيم

[horas3000]

معلومات جديدة فعلا
و شكرا جدا على ردك القيم

العفو يا زعيم

[م.محمد علاء]

الاولاني ده عشان تعرف تنقل لو البطاريه نامت

يعني ايه؟؟؟تتزق مثلا؟!؟!؟!

[horas3000]

يعني ايه؟؟؟تتزق مثلا؟!؟!؟!

لا في عربيات زي الكورولا مثلا لو البطاريه نامت مش هتعرف تحرك الفتيس اصلا (طبعا كلامي عن الاوتو) فزرار ال shift lock بيخليك تحركه زي من ال P لل N مثلا عشان لو عايز تطلع العربيه قدام شويه او ورا شويه

[م.محمد علاء]

لا في عربيات زي الكورولا مثلا لو البطاريه نامت مش هتعرف تحرك الفتيس اصلا (طبعا كلامي عن الاوتو) فزرار ال shift lock بيخليك تحركه زي من ال p لل n مثلا عشان لو عايز تطلع العربيه قدام شويه او ورا شويه

تمام كده..أنا كنت فهمت حاجه تانيه :)