عندى مشكله استهلاك بنزين فى اللانوس

[ahmed_120s]

انا لسة جايب لانوس 1 99 العربية بتاكل بنزين بطريقة غريبه تقريبا بتعمل 80 كيلو فى الصفيحه ارجوكم حد يفيدنى اية الحل وهل ممكن اغير الرشاشات برشاشات موديل تانى زى الفيرنا وسعر الرشاشات دى كام ارجوكم حد يفيدنى بسرعة

كمان عندى مشكله تانية ان عندى لما اجى ادى للعربيه الغيار الاول العربية بتمشى من غير ما ادوس بنزين يعنى انا كانى دايس على دواسه البنزين حتى والعربية دايرة بس ومش واخده اى غيار وهل ان ده من الحاجات اللى بتاثر على اكل البنزين وانا روحت للمكانيكى بيقولى ان دة الطبيعى بالنسبة للانوس ان العربية تمشى معاك من غير مدوس بنزين
افيدونى ارجوكم

[elnakshabandy]

اعمل بحث على اسعار قطع غيار فى الموقع

العربيه بتتحرك منغير ما تدوس على البنزين ممكن يكون عيب ديسك واسطوانه

كل عام وانت بخير
وانتظر رد باقى الرجالة

[l0new0lf]

العربيه بتتحرك منغير ما تدوس على البنزين ممكن يكون عيب ديسك واسطوانه

مفتكرش انه عيب ديسك و اسطوانه المفروض العكس

هتلاقى المكنه عاليه على السلانيسه
ال ار بى ام عندك على السلانسيه كام؟ ولا معندكش عداد ار بى ام؟

[ahmed_120s]

لا انا معنديش ار بى ام طيب واكل البنزين من اية يا جماعه دا المهم عندى

[jojowork1]

الرشاشات وحساس الاكسوجين
هل سحب العربيه وحش ممكن يكون في عيب في الاسطوانه والدسك وده بردوا بيئثر علي استهلاك البنزين
عندك اي مشاكل في بلي العجل او فرامل قافشه مثلا كل ده يبان في سسحب وخفه العربيه في الجري
طبيعي جدا انك لما بتشيل رجلك من علي الدبرياش وانت واخد غيار العربيه تتحرك معاك كل الحديث كده ولا كانت العربيه تطفي زي العربيات القديمه ده اذا كنت انا فاهم سؤالك صح

[ahmed_120s]

بس يا جماعه محدش قالى اعملاية فى مشكله استهلاك البنزين انا اتخرب بيتى من كتر البنزين

[jojowork1]

اكشف علي العربيه بالكمبيوتير وشوف حساس الاكسوجين وبعدين الرشاشت اخبرهم ايه وخلي ميكانيكي كويس يشوفلك الاسطوانه والدسك والبلي اكشف اذا كان في تسريب في دوره البنزين

[ahmed_120s]

شكرا على كل اللى ردوا وكل سنة وانتوا طيبين

[elpasha1]

بص يا باشا بالنسبة للرشاشات هات رشاشات اكسنت 1500 فى حدود 350 جنية
اما بالنسبة لباقى الموضوع فانا معرفش

[MMamdouh]

حط العربية على سكانر و شوف الرشاشات و حساس الشكمان... لو حساس حتغيرة... لو رشاشات هتجيب بتوع الBMW

و موضوع مشى العربية من غير الضغط على دواسة البنزين دة طبيعى

MMamdouh

[l0new0lf]

انا اعرف ان مواتير اللانوس نازل منها نوعين واحد فيه حساس شكمان و التانى مفيهوش
الى عندك انهى نوع؟؟

[mero100]

هل الاسكانر بيبين حاله حساس الاكسجين؟

[MMamdouh]

yes

MMamdouh

[tarek_2005]

80 كم في الصفيحة اذا ولابد من كل بد هناك تسريب في دورة البنزين اتاكد من كلبسات ركوب الفلتر ومن الكلبسات الي علي خرطوم الطرمبة وعلي الخرطوم الواصل لمسطرة الرشاشات وبص كويس تحت العربية شوف في بنزين بينقط ولا لاء

[khaled_Saga]

موضوع المشى من غير دوسة بنزين ومن غيار ده غريب ومعرفش تفسيره ايه مش طبيعى بالمرة! عارف لو مدى غيار ممكن اقولك العربية باردة والار بى عالى شوية فتمشى.

عموما اسباب استهلاك البنزين كذا حاجة ولازم ميكانيكى كويس وامين يكشفلك عالعربية عشان يحدد العيب فين بالظبط ميدبسكش فى كذا حاجة:

1. رشاشات بتسيل فطبيعى عاوزة تتغير وانصحك هات الجى ام وجداد ابعد عن الاستيراد ورشاشات الفيرنا والقرف ده
2. حساس شكمان ولو بايظ بردو هات الجى ام جديد وابعد عن الاستيراد
3. اكشف على طقم الدبرياج
4. بوجيهات وسلوك بوجيهات بس مستبعد لان البوجيهات مهما كانت مش مظبوطة متحرقش بنزين كتير اوى كده!

هل العربية مخنوقة معاك؟؟ سحبها ضعيف؟؟

احساسى بيقولى ان فيه تسريب فى دورة البنزين اللى تخلى الاستهلاك بشع بالشكل ده