لمبة التشك فصلت؟؟؟

[mohmswailam]

كل سنة وانتوا طيبين
بعد ما اتحركت بالعربية حوالى 10 متر لقيت العربية بطلت
قلت مش مشكلة عادى ادور تانى وفعلا العربية دارت ومشيت برضو 10 متر وبطلت (بسم الله الرحمن الرحيم دى فيها عفريت ولا ايه)
المهم حاولت ادور تالت بس المرة دى حلفت ماهى دايرة والمشكلة انى لاحظت المرة دى ان لمبة التشيك مش بتنور اصلا
احنا اول يوم العيد وطبعا مش هتلاقى ميكانيكى بسهولة
المهم نزلت قلت اشيك على الفيش والوصلات
وبعدما شيكت على الفيش اللى فى الكبوت والى جنب الكمبيوتر جوه العربية
جيت ادور بسم الله دارت وزى الفل
بس انا دلوقتى عاوز اعرف فصلت ليه ولمبة التشيك منورتش ليه وممكن اعمل ايه عشان ده ميحصلش تانى

علما بان العربية موديل 2010 وعاملة14000 كم
وكنت لسة ممونها قبلها بيوم بعد ماكانت بتشطب بنزين.

[el_geoushy2000]

بلاش التمويين لما تشطب بنزين لان ساعتها الطلمبة بتدفع اخر بنزين فى قعر التانك واللى بيكون معاه العكاره ودى بتلخبط العربية خالص

[asemx1]

اديها منظف انجيكشن مع التفويله وهتبقى زى الفل

[mohmswailam]

ألف شكر على الردود يارجالة وتسلم الايادى
بس مش المفروض لمبة التشيك تفضل منورة على طول مش تطفى خالص كده؟؟
شكرا مرة تانية

[محمد الشامي]

لمبه التشيك بتفضل منوره والعربيه مبطله , ولمجرد انك بتدور العربيه بتلاقي اللمبه بتطفى خلال ثانيتين على الاكثر , ولو حصل غير كده يبقا في خلل ما في احد الحساسات , او في فيشه حساس اتخلعت من مكانها

ونصيحه :-
ماتخليش مستوي البنزين في التانك يقل عن النص خالص , يعني اول ما تلاقي مؤشر البنزين وصل عند النص فولها او حط فيها حتى 10 لتر بنزين , عشان تحافظ على طلمبه البنزين اطول فتره ممكنه , لان غير كده يبقا انت بتقضي عليها بدري , وده بالاضافه لكلام الزملاء بخصوص الشوائب الموجوده في التانك

[mohmswailam]

لمبه التشيك بتفضل منوره والعربيه مبطله , ولمجرد انك بتدور العربيه بتلاقي اللمبه بتطفى خلال ثانيتين على الاكثر
كلام سليم بس اللى حصل انها منورتش خالص والعربية مبطلة وانا فاتح الكونتاكت وحتى وانا بحاول ادور
, ولو حصل غير كده يبقا في خلل ما في احد الحساسات , او في فيشه حساس اتخلعت من مكانه

عموما ألف شكر يا بشمهندس