شراء وتعديل لانوس 2012

[ratedrko]

انا كان عندي لانسر قرش بس عملت بيها حادثه و بعتها و خسرت جامد بس ان شاء الله نويت اشتري شفروليه لانوس 2012 بعد مقارنه مع الفيرنا واستقريت عليها.. عندي بس كام سؤال بسيط لإني ناوي اظبطها واحده واحده .. انا عندي كاسيت سي دي كينوود محترم و سماعات بيضاويه نظيفه هركبهم بدل اللي جايني فيها هل هيكونو على قدها والله هضطر اغير ال كوبسته واروح لسروجي يعملي واحده جديده ؟ و هشتري سماعتين مدورين قدام برده ... و هركب سينسور باركينج ووحدات رفع ان شاء الله برده ... السؤال المهم بقى ييجي عليها جنط مقاسه كام منغير ما أغير العفشه و في نفس الوقت مش ترزع في المطبات والحفر و تكون ناعمه والثبات يكون احسن .. هل مقاس 15 يكون كويس ولو جبته عريض هيكون كويس ؟ شكرا جزيلا و أنا طولت عليكو .. و سألت عليها الاختلاف بينها و بين 2011 زجاج فاميه ز الاريال في الزجاج اللي ورا زي العربيات الحديثه قطعه بتكون متركبه .. وشكرا

[Haitham10]

والله هي عربيه جميله واثبتت نفسها
بس هتبقي صعبه ليك اوي بصراحه لان اللانوس عيبه حاجة واحدة بس فنظري
شكله من 97 ل2012 واحد .. يعني بقالها 15 سنة صعب بجد
والفيرنا بتكسبها في النقطة دي لكن كخامات وحاجات تانية اللانوس افضل ماعدا الموتور...

وقدر الله وماشاء فعل للانسر .. بس قولي جرالها ايه وبعتها بكام

واللانوس لو جنطها الاصلي 14 ممكن تحط 15 عادي

وفي ممدوح باشا خد منه وامشي معاه في اللانوس هيفيدك بالعلم مش بالفتوة وربنا يزيده ويوفقك ان شاء الله ومبروك مقدما ً

اخوك هيثم

[tarek_2005]

اختيار موفق
الجنط الاصلي بيبقي 13 وممكن تغييره ب 14 ودا علشان تعديل الفرامل لو حابب تعمله

[ratedrko]

الانسر كانت عايزه نص قدماني بسق و قوايم و طابلوه بعتها ب50 الف بلعافيو هيا مكنتش فو بس كانت اي بي اس
وشكرا استاذ طارق بس ايو تعديل الفرامل ده ؟

[tarek_2005]

بتغير الطنابير والكليبرات والتيل والماستر العمومي وبتغير الفرامل الخلفية الي سكاكين بدلاً من قباقيب علشان اداء فرامل افضل من فرامل السيارة الاصلي