سؤال الى خبراء الجوليت

[Mahmoud.Fathy]

ياجماعة انا عندي زرارين الازاز الكهربا ال2 اللى ورا بايظين ..... كل اما اروح اشترى من عند حد يقولى بتوع الجوليت غير اللانوس ..... هم مش المفروض هم هم ولا فيهم حاجة مختلفة .....؟؟؟؟؟؟ وممكن الاقيهم فين ؟؟؟؟؟

[elpasha1]

الجوليت زى اللانوس
انا اول مرة اعرف ان فى اختلافات فى الزراير
وعامه اخلع واحد منهم وهاتة استيراد طالما مفيش منة جديد

[semsem_saad]

ياجماعة انا عندي زرارين الازاز الكهربا ال2 اللى ورا بايظين ..... كل اما اروح اشترى من عند حد يقولى بتوع الجوليت غير اللانوس ..... هم مش المفروض هم هم ولا فيهم حاجة مختلفة .....؟؟؟؟؟؟ وممكن الاقيهم فين ؟؟؟؟؟

فعلا الجوليت 1 مش زى اللانوس لأن اللانوس 1 مافيهاش زجاج كهرباء خلفى فبالتاى الزرارين دول مش موجودين ...واللانوس 2 والجوليت 2 شكل الازرار فى الأمام والخلف بيكون زى بعض لكن مختلف عن ال 1
وعموما علشان ماأطولش عليك زى ماالزميل تفضل وقال أنت هتشتريهم إستيراد لأن مافيش منهم جديد ...
وأماكن الإستيراد كتير ومنهم أشهر واحد ( سوسو ) فى الهرم المريوطية

[semsem_saad]

كنت عايز أضيف حاجة مهمة الزراير الأمامية فى الكونسولة جنب الهاند بريك فيها لوك من أدام بيغلى أو يشغل الأزرار فى لاخلف ياريت تتأكد أنة مافيهوش مشكلة والوحدة دى سليمة لأن ممكن العيب يكون منها

[bondjames]

على ما أفتكر إنها فعلا مختلفة
لو جولييت 1

[Mido_Vip]

خد بالك لو الفيشة بتاعت زراير الباب الخلفى مش راكبه الزراير بتاعت الكنسولة مش هتفتح غير الاثنين الامامى بس

[Mahmoud.Fathy]

لا يا جماعة عربيتي مش جوليت 1 .... هر جوليت 2 موديل 2001 ..... هل فعلا هي هي زراير اللانوس 2 ؟؟؟؟ ولو محتاجهم استيراد ممكن الاقيهم فين فالوكالة ؟؟؟؟؟ عند مين هناك ؟؟؟؟؟

[Mahmoud.Fathy]

متابع يا شباب

[Mahmoud.Fathy]

في انتظار المزيد من الخبراء

[semsem_saad]

لا يا جماعة عربيتي مش جوليت 1 .... هر جوليت 2 موديل 2001 ..... هل فعلا هي هي زراير اللانوس 2 ؟؟؟؟ ولو محتاجهم استيراد ممكن الاقيهم فين فالوكالة ؟؟؟؟؟ عند مين هناك ؟؟؟؟؟

لو عريبتك جوليت 2 هيبقى نفس مكان الزراير ورا وقدام هما نفس زراير اللانوس 2 مافيش أى إختلاف .......
وفية أكتر من واحد بيبعهم إستيراد ويستحسن تاخد القديم معاك لإن بتاع الإستيراد ممكن يكون هو إلى مش فاهم ويديك حاجة غلط ...
أماكن بيع الإستيراد ...سوسو فى المريوطية وأنت فى الهرم من جنب فندق مينا بالاس كأنك رايح طلعة الدائرى هتلاقية قدام على اليمين مكان كبير جدا وجنبة واحد تانى مش فاكر اسمة وسوسو دة أشهر واحد ....كمان فية فى شارع الهرم ومبى القديم تدخل الشارع دة على اليمين أول شارع ( رضا بتاع إستيراد كورى ) وعندك فى شارع العشرينى ....تقريبا أبو هاشم