العربية بتعوم أووووووي

[abo_lamar]

السلام عليكم يا رجالة المنتدى الكبار

من حوالي شهر غيرت جوز الكبالن وبعدها ظبطت زوايا بس اكتشفت بعدها ان العربية بتعوم وانا ماشي على سرعات عالية بعد 90 كم/ س رجعت للراجل تاني وظبطت زوايا تاني وبعد ماجربتها لقيت نفس المشكلة , رحت لمحل تاني وحكيت القصة للراجل الجديد قالي طيب اطلع اجرب العربية معاك , طلعنا وهو اللي كان سايق وبعدها قالي ياباشا المشكلة عندك في الباور الطارة لما بتلف يمين او شمال المفروض بترد تاني مع نفسها وعندك بتفضل ثابتة ولازم انتي اللي ترجعها تاني بأيدك وده سبب عومان العربية عندك .
طبعا الكلام ده مادخلش نفوخي بشلن فقولت اسألكوا يمكن يكون الراجل ده كلامه صح ولا حاجة ؟؟
أعمـــــــــل أيـــــــــــه يا رجـــــــــالة ؟؟

[mailo]

متهيألي بعد ال 90 ماحدش بيستنى الطاره ترجع لوحدها عشان ماحدش بلفها قوي كده

معرفش إيه اللي عندك بس مظنش إن السبب اللي قالهولك ده سليم

[tarek_2005]

اسباب عومان السيارة كثيرة جداً واغلبها بيبقي نتيجة بوش في قطع موضوع عدم ردة الطارة لوحدها دا ثقل في حركتها ولا يؤدي للعومان
العومان اسبابه علي سبيل الذكر وليس الحصر

1- جلب مصات
2 - بيض مصات
3 - بيض علبة الدركسيون
4 - بوش في علبة الدركسيون
5 - بوش في الطارة
6 - تلف الاطارات
7 - عيب مساعدين
8 - ..............
9 - .............

الخلاصة روح لعفشجي بيفهم واهم حاجة يكون راجل ثقة علشان يحدد العيب وميفضلش يغير في اجزاء حتي اتمام الاصلاح

[misho2008]

استاذى الفاضل انا عندى نفس المشكلة وكنت عرضتها فى المنتدى ومحدتش من الشباب رد عليا اللى انا غيرتو فى العربية كالاتى(العربية لانوس 2 -2001 )
1- 4 مساعدين kyp
2- 4 كاوتش يوكوهاما يابانى مقاس 13
3- 4 جنوط 13 اندونيسى
4- مقصات امامية كاملة وليست جلب فقط
5- بارات الدركسيون
6- صوابع ميزان امامى
7- اويل سيل علبة دركسيون اللى فى الدواسة
9- ظبط زوايا اكثر من 4 مرات


ولسة فى عومان بعمنى ان لما تسيب الدركسيون بعد ال 90 تحس انو بيروح يمين وشمال بس مش زى ما تكون العربية محتاجة ترصيص لا تحس ان الدركسيون سايب

انا فى الحقيقة خبرتى بالنسبة للاستاذة فى المنتدى الغالى قليلة واعتقد انو بعد كل دة العيب ممكن يكون فى الجنوط
مستنى راى اخوانى وصحابى بالمنتدى

[semsem_saad]

السلام عليكم يا رجالة المنتدى الكبار

من حوالي شهر غيرت جوز الكبالن وبعدها ظبطت زوايا بس اكتشفت بعدها ان العربية بتعوم وانا ماشي على سرعات عالية بعد 90 كم/ س رجعت للراجل تاني وظبطت زوايا تاني وبعد ماجربتها لقيت نفس المشكلة , رحت لمحل تاني وحكيت القصة للراجل الجديد قالي طيب اطلع اجرب العربية معاك , طلعنا وهو اللي كان سايق وبعدها قالي ياباشا المشكلة عندك في الباور الطارة لما بتلف يمين او شمال المفروض بترد تاني مع نفسها وعندك بتفضل ثابتة ولازم انتي اللي ترجعها تاني بأيدك وده سبب عومان العربية عندك .
طبعا الكلام ده مادخلش نفوخي بشلن فقولت اسألكوا يمكن يكون الراجل ده كلامه صح ولا حاجة ؟؟
أعمـــــــــل أيـــــــــــه يا رجـــــــــالة ؟؟

أولا زى ماقال الزميل طارق ياريت تكشف على العفشة الأمامية من ( بيض وجلب وبارات ومسمار ميزان ) لكن معاهم فية حاجة مهمة أسمها كاوتش ميزان أسفل علبة الدركسيون تحت على الجنبين ده مهم جدا ونادرا لما حد بيكشف علية وعايز أأكد أنة مش مسمار الميزان الصغير لاء فى ميزان كبير مرتبط بالمسمار ده لية كاوتش جوة ممكن يسبب العوامان دة ...
ولو المشكلة مش منة ياريت بقا تكشف على العربية من الخلف مساعدين طبعا ....وبعدها فية الدفرنسية الخلفى وبيسموة ( دنجل ) نادرا طبعا أنه يبوظ لكن دة بردوا فية جلب وممكن تسبب المشكلة دى ...وبالتوفيق وقولنا عملت أية وبالتوفيق