اشتريت قطع غيار عايز رايكم فيها

[mustafavet]

السلام عليكم
النهاردا اشتريت شوية حاجات كدا اتمني تفودوني قبل ما اركبها والاسعار علشان لسه مدفعتش
1 - بلية كاتينة كوري ب 50 جنية ماركة اسمها bear
2 - سير كاتينة ماركة دايكو ايطالي بس في حاجة في السير مش عارف دا طبيعي او لا
في السير من الداخل في 4 سلوك نحاس كدا ظاهرين طولهم لا يزيد عن 3 مللي وبسال صاحب المحل قالي ان دا بداية ونهايه السير ودا طبيعي ............. ايه رايكم وسعرة 50 جنيه
كان عنده ال جي ام ب 115 مش رضيت اشترية
للعلم انا بغير السير علي 25 الف دلوقتي لاني كنت جبته ماركة غريبه كوري برده اسمها sun والاخوة نصحوني اني منتظرش عليه كتير مع انه كويس معايا والله
3 - زيت فيسكو 2000 ب 93 جنيه بس ناوي اغيرة واجيب 5000 ب 220 زي اللي في العربية دلوقتي
4 - فلتر زيت جي ام اصلي ب 20 جنيه

عاوز برده اشتري 2 كاوتش مقاس 175 70 13
لقيت بريدجستون ب 340 للفردة
قالي كمان في انواع تايواني كويسة زي ماكس ومركتين كمان كدا ب 270 ايه رايكم؟

عاوز برده اشتري بطارية تنصحوني باية؟

سؤال اضافي ؟ امتي اغير فلتر البنزين؟؟؟؟؟؟؟؟؟؟؟؟؟؟؟؟؟ لاني بقالي كتير اوي مش غيرته وانا بمون بنزين 80 وايه ياتري اعراض تلفة؟؟؟؟؟؟؟؟؟؟

في حاجة برده غريبه احيانا بتحصل مش دايما قبل ما اقفل السيارة بلاقي صوت المروحة عالي فوق الطبيعي (مكنتش كده) هل دا ممكن يكون عيب في حاجة؟
اسف علي الاطالة
السلام عليكم

[KarimAbulEla]

الفيسكو 5000 بقى ب 245 بدلا من 220 ، لسة مغيره النهاردة

[mailo]

مش عارف أنا حاسس ليه إن الموضوع ده اترد عليه قبل كده

بص يا باشا
بلية الكاتينه تتجاب كندي وال سير يبقى جتز انجليزي ودول أحسن حاجة إن شاء الله وبيتغيروا على 40000
سلوك نحاس فالسير حاجة مطمنش وبعدين هو مش السير ده أصلا زجزاج من جوه سلوك إيه بقى
فلتر الزيت الأصلي على ماأفتكر كان ب 35 جنيه والحاجة بتغلى مش بترخص
الكاوتش يكون نفس مقاس اللي فيها عشان مايبوظش قراية العداد
ومتجبش نوع مش معروف
المروحة ليها سرعتين مش واحدة وممكن تكون كانت شغالة على السرعة ال تانية

[Mangog]

فلتر الزيت الأصلي على ماأفتكر كان ب 35 جنيه والحاجة بتغلى مش بترخص

انا جايب الفلتر الاصلى من منصور بعشرين جنيه جى ام وخد عليه 2 جنيه ضريبة يعنى 22 جنيه

[MMamdouh]

فلتر الزيت الاصلى ب20 بلبل

MMamdouh

[tarek_2005]

بيحسبهولي في امارات مصر ب 27 جم

[mustafavet]

شكرا علي ردودك ياجماعة بس انا حاطط الموضوع دا قبل الكارثة بتاع جوان وش السلندر
وللاسف غيرت الزيت قبلها
يعني زيت فيسكو 5000 ب 245 جنيه هضطر اغيره علي 5 كيلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بالذمة دا يرضي مين؟؟؟؟؟؟؟؟؟؟؟؟؟
الحمد لله علي كل شيء وان لله وان اليه راجعون
بس والله انا فلوسي حلال