حصل معايا الاتى؟؟؟؟

[zaza2002]

انا كنت ماشى بليل فى امان الله والعربيه الحمدلله ليس فيها اى شئ او حتى اعراض لاى مشكله وفجأة واثناء نزولى من احد الكبارى وبدأت اهدى بالعربيه خالص لان الطريق كان واقف المهم لقيت العربيه ماتت مرة واحده الكهربة قطعت نهائى كأن حد شال كابل البطاريه بالظبط مفيش اى حاجه شغالة خالص المهم عشقت ولسه حفتح الباب وانزل لقيت الكهربه رجعت تانى والتابلوه نور روحت مدور وماشى طبعا قلقيت جدا وكل اللى جه فى بالى ان ممكن تكون البطاريه هى السبب المهم على اقرب واحد بتاع بطاريات ووقفت بعتلى صبى صغير معاه الجهاز (والجهاز اصلا بايظ) ولما حاكتله اللى حصل ( وده كانت غلطتى) المهم قالى ده البطاريه ودعت تعالى خدلك بطاريه جديده وفعلا كنت خلاص حشترى بطاريه لكن قولت اسال حد تانى احتياطى المهم تانى يوم روحت لواحد كهربائى بس معروف وشاطر جدا المهم كشف على البطاريه وقالى انها سليمه او بمعنى انها تمشى ومتعملش كده وكشف على كل الفيوزات وبردو قالى سليمه طيب ايه يا عم اللى حصل قالى الله اعلم بس كهربة العربيه سليمه فقلت اسألكم يمكن حد حصل معاه الموقف ده او حد يفيدنى ايه اللى ممكن اكشف عليه لانى خايف ان الموضوع ده يحصل تانى ولكم جميعا جزيل الشكر مقدما

[sikonsadek]

اكشف على قواطيش البطارية والكبلات اللى وصلة ليها واكشف كمان على علبة الفيوزات الى من ناحية السواق فى الكبوت ولو جايب العربية مستعملة من حد شوف يمكن كان عامل زرار فصل كهرباء عمومى فى ناس بتعملة كامان من السرقة دة الحاجات اللى تخلى الكهربء تفصل نهائى غير ذلك الله واعلم ولو جد حاجة ياريت تعرفنا

[besso33]

الموضوع ده حصل معايا قبل كده وكان السبب ان البيه الميكانيكي او الكهربائي اللي بيشتغل في العربية وبيفصل سلك الارضي بتاع البطارية وبعد ما يخلص شغله مش بيكلف نفسه عناء انو يربط الكابل كويس وممكن مع السير يحصل فك جزئي للكابل ويرجع تاني مكانه في لحظة علشان كده اتاكد دايما ان الكابلات تبقي مربوطة كويس

[m0hsen]

بس هو مش طول ماهى العربية دايرة كل حاجة بتاخد كهربتها من الدينامو ؟؟؟؟