العربيه اللانوس بتسقف مع البنزين 90 ايه الحل

[maged]

انا عندى لانوس 2 2000 كامله وكنت بحط بنزين 92 ودلوقتى لما غلى البنزين وقالو ان ال 90 بيقعد اكتر قلت اجرب خصوصا ان تنك البنزين مكتوب عليه 90
وكانت العربيه فيها نص التانك 92 وفولت عليهم 90 ومع ذلك لاحظت بعد 80 كيلو مشى وسط البلد خلال 4 ايام ان العربيه بدأت تسقف احيانا
يعنى ممكن شويه تسقف وبعدين تبطل تسقيف وتمشى عادى مع تثبيت طريقة السواقه
ودلوقتى بقول اذا كانت العربيه مصممه تمشى ببنزين 90 يبقى بتسقف ليه رغم ان نص التانك بس 90 والباقى 92
طيب لو التانك كله 90 ياترى هيحصل ايه عايز اعرف رأيكم احط تانى 90 ولا خلاص ارجع لل 92 احسن عشان يمكن البنزين ال90 بتاعنا غير البنزين اللى يقصده الخواجه

[fahd_628]

خليك على 92 مفرقتش 1 جنية كل 10 لتر و اشترى دماغك

[ahmedateya]

انا عندى لانوس 2 2000 كامله وكنت بحط بنزين 92 ودلوقتى لما غلى البنزين وقالو ان ال 90 بيقعد اكتر قلت اجرب خصوصا ان تنك البنزين مكتوب عليه 90
وكانت العربيه فيها نص التانك 92 وفولت عليهم 90 ومع ذلك لاحظت بعد 80 كيلو مشى وسط البلد خلال 4 ايام ان العربيه بدأت تسقف احيانا
يعنى ممكن شويه تسقف وبعدين تبطل تسقيف وتمشى عادى مع تثبيت طريقة السواقه
ودلوقتى بقول اذا كانت العربيه مصممه تمشى ببنزين 90 يبقى بتسقف ليه رغم ان نص التانك بس 90 والباقى 92
طيب لو التانك كله 90 ياترى هيحصل ايه عايز اعرف رأيكم احط تانى 90 ولا خلاص ارجع لل 92 احسن عشان يمكن البنزين ال90 بتاعنا غير البنزين اللى يقصده الخواجه

هوة عريبتك كاملة ولا فاضية؟
لو كاملة المفروض متسقفش...على حد علمي

[saifsaadmohamed]

انا عربيتى لانوس 99 و حطيت فيها 90 و الحمد لله مفيش مشكلة فيها

[MMamdouh]

البريزة مش فرق خالص

و غالبا هما عملوا حاجة فى ال90 لان زمان ايام مكان مفيش 92 كنت بحط 90 و العربية مبتسقفش

MMamdouh

[araby]

أنا حصل معايا الموضوع ده بالضبط
والظاهر لازم نحط بنزين92 وامرنا الي الله
وعلي فكرة انا عربيتى كاملة وموديل 2005

[Akram]

أعتقد ممكن يكون بسبب فيشة الأوكتين ,
ممكن تروح لميكانيكي بيفهم في اللانوس و تخليه يشوف فيشة الأوكتين و في الغالب مش هتلاقيها محطوطة في مكانها ,
و محمد ممدوح ممكن يفيدنا أكتر في القصة دي ,
على العموم انا ليا واحد صاحبي معاه لانوس 2006 كاملة و هو على طول بيحط 90 و معندوش مشاكل ,
و ده اللي شجعني إني أحط 90 من اسبوعين و الحمد لله مفيش مشكلة ,
الفكرة مش موضوع البريزة الفرق ,
لكن ليه ممكن أدفع أكتر لما ممكن ادفع أقل ,
و بدون مشاكل ولا تسقيف .

[mmezzat]

انا عندى لانوس 2 2000 كامله وكنت بحط بنزين 92 ودلوقتى لما غلى البنزين وقالو ان ال 90 بيقعد اكتر قلت اجرب خصوصا ان تنك البنزين مكتوب عليه 90
وكانت العربيه فيها نص التانك 92 وفولت عليهم 90 ومع ذلك لاحظت بعد 80 كيلو مشى وسط البلد خلال 4 ايام ان العربيه بدأت تسقف احيانا
يعنى ممكن شويه تسقف وبعدين تبطل تسقيف وتمشى عادى مع تثبيت طريقة السواقه
ودلوقتى بقول اذا كانت العربيه مصممه تمشى ببنزين 90 يبقى بتسقف ليه رغم ان نص التانك بس 90 والباقى 92
طيب لو التانك كله 90 ياترى هيحصل ايه عايز اعرف رأيكم احط تانى 90 ولا خلاص ارجع لل 92 احسن عشان يمكن البنزين ال90 بتاعنا غير البنزين اللى يقصده الخواجه

انا قالولي زمان ان فرق الأوكتين بيعمل فرق في درجة حرارة الموتور , ويمكن التسقيف دة بسبب ان الموتور لسة متعودش


انا لسة شاري من أبويا لانوس 2004 فاضية , وكان بيحط فيها 90 , لسة ممون امبارح 92 لأنها مبيقتش فارقة (بلاش بيبسي كانز لو عاوز توفر ) , بصراحة لقيت فرق كبير في السحب خصوصا في الأول و التاني

هوة عريبتك كاملة ولا فاضية؟
لو كاملة المفروض متسقفش...على حد علمي

كلامك يوحي بان فيه فرق في الموتور ! وانا شاكك في الموضوع دة من زمان , ياريت توضح !

البريزة مش فرق خالص

و غالبا هما عملوا حاجة فى ال90 لان زمان ايام مكان مفيش 92 كنت بحط 90 و العربية مبتسقفش


MMamdouh

معاك حق في البريزة , انا لما حطيت 92 لقيت فرق واضح ومن أول محطيته ! ودة خلاني برضة أقول مش معقول ال2 أوكتين الفرق دول هما اللي هيفرقوا , عشان كدة انا شاكك ان البنزين 90 مش بيتعمل كويس في مصر (انا بمون من موبيل وتوتال)

[abzoabzo]

انا سالت ميكانيكا ثقة قالى غير فلتر البنزين

[maged]

شكرا على الردود
انا عربيتى كامله
الموضوع مش فرق السعر الموضوع الاهم هو ان البنزين ال90 بيقعد اكتر بجد وانا حاليا بحسب الصفيحه هتدينى كام كيلو على البنزين ال90
موضوع الفيشه انا كنت ناوى اشيلها والاستاذ ممدوح وصفلى مكانها لكن لما حصل موضوع البنزين وغيرت ل 90 قلت خلاص اسيبها زى ما هى لغاية ما نشوف هعمل ايه لكن انا مشفتهاش محطوطه ولا اللى باعلى السياره شايلها من الاول لانى لسه مافكتش العلبه الموجود بها الفيشه

[maged]

اخيرا ظهرت النتيجه وهى انه بالنسبه لى كانت العربيه بتدى 200 كم وسط البلد فى الصفيحهمن بنزين 92 وايضا اعطتنى نفس المسافه مع بنزين 90 لكن مع اداء سىء لذلك قررت ان اعود لاستعمال البنزين 92 واشترى دماغى