لمبة الزيت مش بتطفي

[shaddadfalcon1]

البارح بعد مادورت العربيه الصبح لمبة الزيت فضلت منوره قمت مطفي العربيه ومدور تاني قامت طافيه
وانا راجع من الشغل علي الزراعي هديت عند كمين قامت منوره وبعد مامشيت طفت تاني

النهارده الصبح كل ماادور العربيه تفضل منوره لحد تقريبا رابع مره ابطل وادور قامت طافيه
طلعت الزراعي بعد حوالي 10 كيلو قامت منوره - ابطل وادور مفيش فايده
رحت بها من كفرالدوار لحد العامريه رايح جاي وهي منوره
علما باني الصبح كاشف علي الزيت ومظبوط وانا لسه مغير زيت من 1200 كيلو شيل الاصفر والفلتر بقاله 5000 كيلو

كلمت الميكانيكي قالي غير فلتر الزيت وذود ربع كيلو ولو عملت تاني ابقي هاتها ابص عليها

الحراره مظبوطه ومفيش اي ريحه غربيه ومفيش تاثير علي السحب يعني العربيه ماشيه عادي خالص

دلوني الله يكرمكم وهل غلط اني امشي بها كده ولايه

ولو كانت طرمبة زيت مثلا سعرها كام

[tarek_2005]

طالما سافرت بها وربنا سترها معاك دا مكنة الزيت بايظة وهي المسئولة عن طفي اللمبة والكهربائية بيسموها (( ساعة الزيت )) غيرها والدنيا هتبقي تمام

[shaddadfalcon1]

طالما سافرت بها وربنا سترها معاك دا مكنة الزيت بايظة وهي المسئولة عن طفي اللمبة والكهربائية بيسموها (( ساعة الزيت )) غيرها والدنيا هتبقي تمام

طيب دي ايه تاثيرها لو متغيرتش دلوقتي؟

[tarek_2005]

ممكن يحصل مشكلة لاقدر الله في دورة زيت المحرك وانتا فاكر انها مكنة الزيت بايظة وتمشي بالعربية وتحرق الموتور لاقدر الله
لمبة الزيت لو نورت المفروض انك لا تحاول ادارة المحرك مرة ثانية الا بعد معرفة السبب واصلاحه موضوع سفرك واللمبة منورة دا مش عايز اقول حاجة ااخذ عليها بس اكتفي بانك خاطرت مخاطرة كبيرة جدا بحياتك وبالسيارة الي انتا راكبها
لانك لاقدر الله لو عيب فلتر مسدود مثلاً كان الموتور هيقفش منك والله اعلم انتا هتبقي ماشي ساعتها علي سرعة كام وفي انهي حارة وحالة الطريق حواليك ايه

لمبة الزيت لا يتم التهاون في التعامل معها ويجب اصلاح العطل قبل التفكير في ادارة محرك سيارتك مرة اخري

[shaddadfalcon1]

شكرا ليكم
ان شاء الله معلش بقي هروح بيها علي الميكانيكي وده مشورا 25 كيلو بس علي الزراعي فباذن الله هحاول امشي بيها براحه

[shaddadfalcon1]

بس هو فعلا ممكن يكون فلتر؟ اصله بقاله يادوب 5000 ومحلصتش قبل كده خالص

[ahmed_mido1889]

ممكن طرمبه الزيت ضعيفه لو بتنور في السلانسيه فقط

[shaddadfalcon1]

ممكن طرمبه الزيت ضعيفه لو بتنور في السلانسيه فقط

لا دي دلوقتي منوره علي طول في السلانسيه والطوالي

[shaddadfalcon1]

سعرها كام ياجماعه وازاي اتاكد انها طرمبة الزيت

[shaddadfalcon1]

رحت بنزينة موبيل اللي في سموحه اغير فلتر والصنايعي قالي ابص عليها الأول ونزل تحتها شال فيشه قالي اللمبه منوره قلت لا وفضل يعمل شوية حاجات وقالي دي ساعة الزيت عايزه تتغير

اشتريت واحده وانا مروح ب 30 جنيه بس لسه مركتهاش

[Italiano81]

المشكله ده ليها كذا سبب
1-ساعه الزيت
2-الفلتر
3-طرمبه الزيت ( بتكون ضعفت فا مش بضخ الزيت فى كل مكان فى الموتور)
4-ممكن السبايك تكون متخربشه
على فكره اوعى تستهون بلموضوع ده لانى استهونت وكلفنى عمره كامله ولو تقدر جيب الميكانيكى لحد العربيه وماتمشيش بيها 25 ك

[shaddadfalcon1]

المشكله ده ليها كذا سبب
1-ساعه الزيت
2-الفلتر
3-طرمبه الزيت ( بتكون ضعفت فا مش بضخ الزيت فى كل مكان فى الموتور)
4-ممكن السبايك تكون متخربشه
على فكره اوعى تستهون بلموضوع ده لانى استهونت وكلفنى عمره كامله ولو تقدر جيب الميكانيكى لحد العربيه وماتمشيش بيها 25 ك

هو الظاهر انها ساعة الزيت لاني مشيت بها كتيير وجريت بيها كتيير ومفيش اي حاجه غير طبيعيه

يعني ماشي بيها في عز الحر اكتر من 200 كيلو من اول الموضوع ده ماحصل ومفيش اي مشاكل وبعد بكره رايح بيها برج العرب

[إبراهيم المصرى]

الحمد لله ربنا سترها معاك المردى خلى بالك بعد كده ملكش عذر لمبة الزيت لما تنور مفيهاش هزار ولا الحراره لما تعلى وربنا يسترها معانا جميعا

[newcar2011]

الحمد لله ربنا سترها انا لو منك كنت حطيت على اللمبه شريط لاصق اسود علشان مشوفهاش وريحت نفسى اصلا انا معنديش لمبه اصلا

[shaddadfalcon1]

ركبت البارح الساعه الجديده وكله تمام الحمد لله