ساعدونى فى حل المشكلة لانى اتقفلت من العربية

[maka]

الموضوع و ما فيه انى من حوالى اسبوع و انا بنزل العربية فى الجراج كان مليان ميه نزلت و كانت شغالة المهم فصلت كبل البطارية السالب و بعدين افتكرت انى نسيت اقفل الازاز لمست السلك بالقطاش لكن عمل شرز و من ساعتها و هى اتجننت و ادورها تدور ثوانى و تبطل و ادوس فرامل نور التابلوه ينور المهم بعدفترة اكتشفت ان العربية عملة قفلة لانى كنت بوصل ارضى مع جسم العربية بلمبة اللمبة كانت بتنور و ساعتها البطارية بحس جوها بفوران و الحمد لله انها منفجرتش , النهاردة رجعت من السفر و اكتشفت ان اللى بيعمل قفلة جهاز الانزار لان عند فكه الدنيا بترجع طبيعية و القفلة بتتفك لكن العربية مش عاوزة تدور لا المارش بيدور و لا الطلمبة بتزن لكن الباقى شغال كويس الانوار و الازاز و الكاسيت و السنتر

انا خايف تكون القفلة حرقت الكارت و اثرت على حاجة , افتونى اعمل ايه لحل المشكلة ؟؟؟

[maka]

اى افكار و اقتراحات يا جدعان ؟؟

[aliyosef]

جرب بطاريه تانيه

[tarek_2005]

راجع علي فيوزات الرشاشات وفيوز وحدة ال ecm اي شيك علي الفيوزات بالكامل وبعدين شيك علي فيشة الكهرباء الواصلة لل ecm وفي فيشة تحت كرسي الجالس بجوارك راجع ليها وجففها لو بها ماء

[maka]

هى ايه الـ ecm ؟؟؟ لو قصدك الكنترول فانا بالفعل فكيت فيشته و ركبتها

هراجع على الفيوزات استاذ طارق و هتابع مع حضرتك

[tarek_2005]

ecm = الكنترول

[maka]

تسلم طارق باشا النهاردة خدت العدة و روحت رجعت الفيوزات كلها ثم ركبت البطارية و بزرت بالافو و تاكدت من عدم وجود قفلة ثم سميت الله و دورت و دارت الحمد لله

بكرة باذن الله هراجع على ضفيرة الانذار و اشوف ايه الاشارات الخارجة من المديول و ربنا يوفق

استفسار اخير : التكيف قبل الواقعة دى باسبوع مبيجبش هواء بارد انا اتاكدت من ان الكباس بيعشق بسمع صوته و بيرفع الـ rpm لكن مفيش هواء بارد تماما فهل كده مفيش فريون و لا المشكلة منين

تحياتى