حراااااااااااااااااام كفاية تناااااااااااااقض بقا

[eng_yeso]

دة احنا شعب غريب يفتى ويتكلم من مزاجة ومن غير ما يكون جرب الحاجة دلوقتى يا جماعة انا عايز اشترى نوبيرا 2001 اوتوماتيك او 2002 يعنى المهم قريت ما قال مالك فى الخمر عتنها انها زبالة وفتيسها فية مشاكل وبتاكل بنزبين وعفشة زبالة وكلام كتير اوى وفى النقيض تماما فى ناس باردو بتقول فيها شعر طيب انا اصدق مين بس انا خلاص احترت وكمان فى ناس تقولك اصل دى كورى ودى مصلرى طيب اية الفرق اصلا ؟؟
انا خلاص مش فاهم حاجة ومش عارف اقرر بجد فعشان كدة قولت اسئل هنا فى المنتدى ناس محترمة وفاهمة وعندها خبرة والاهم انها تكون راكبة العربية ومش بتقول كلام فى الهوا وخلاص وياا ريت الاقى اجابة عند اى حد اشتريها ولا لأ؟؟؟؟؟؟؟؟؟؟؟؟

[tarek_2005]

بص يا باشا السيارة كاي جهاز من صنع الانسان
ويستعملها الانسان
حسب استعمالك
ياما هتحافظ عليها وتصونها (( هتصونك ))
هتقل ادبك عليها وتهينها (( هتهينك ))
مقدرش اقول اكتر من كدا

صيانة في مواعيدها قيادة بالطريقة التي صممت من اجلها === عمل طويل بدون مشاكل
اهمال الصيانة وقيادة (( مفترية )) === عمر قصير ومشاكل عديدة

[osama.m]

شوف يا باشا العربية زي باقي العربيات .. معظم الناس بتفتي وخلاص .. الفتيس الاوتو زية زي اي واحد تاني عايز صيانة .. على فكرة الاوكتافيا و السيراتو و غيرهم الفتيس الاوتو لو متعملش صيانة هيظهر فية مشاكل
اهم حاجة انت تقتنع بالعربية و لو ناوي عليها يبقى تدور على عربية تكون حالتها كويسة
ومبروك مقدما

[Hany A Fattah]

اكيد اللى معاه عربيه بالنسبه له هيا احسن حاجه فى الدنيا
علشان تحدد انت ممكن تاخد جوله فى اهم موضوعات القسم وانت تشوف بتفسك ايه المشاكل اللى بتظهر فى العربيه وتقدر تحدد اذا كانت كويسه ولا لأ

[kagawa]

صديقي

ها قول لك اللي انت عايز تعرفه عن تجربه لاني بعشق العربيه النوبيرا الاوتو

اولا 2001 احسن موديلات النوبيرا لانها تقفيل كوري من الجلده للجلده

فاذا لقيت 2001 بيتي ومش شقيانه خدها وانت مغمض وسيبك من اللي يقولك لا دي رشه بره
ودي مش عارف مغيره رفرف كل الحاجات دي لا تؤثر
اوتوماتيك النوبيرا زي الفل اهم حاجه انك ماتغيرش الزيت بتاع الفتيس ودلوقتي حتي لو فيه عطل مش زي زمان الفتيس كله يتغير لا .. الجزء اللي بيغطل بس هو اللي تغيره
تشتري حاجه اسمها ربير كيت تركبه مكان الجزء الخربان وكله يبقي تمام تاني
والسعر يبدا من 800 جليه الصيني الي 2000 جنيه الكوري
صدقني لو ركبت النوبيرا الاوتو مش ها تعرف تركب حاجه بعدها بسهوله

وبالتوفيق ان شاء الله وانا تحت امرك في اي سؤال

.

.

[aliyosef]

عجبانى قوى جمله ما قال مالك فى الخمر
شوف عربيه نضيفه تريحها وتريحك
النوبيرا عربيه قيمه فى ركوبتها
كل اللى بيحكم على النوبيرا ماركبهاش اصلا سمع من واحد صاحب ابن خالت صاحبه
انا عن نفسى سوقت نوبيرا اوتو مسافه لاتزيد عن عشرين كيلو من كتر ماعجبتنى روحت اشتريت واحده العربيه معايا من شهر 4 2011
كل اللى قابلنى فيها غيرت المقصات لأن اللى كان راكب فيها كان زباله
وحاجه تانيه اسمها pm swithc وده بيتحكم فى دواره العربيه وكان ب50 جنيه يعنى مشاكل تافهه زيها زى اى عربيه
استهلاك الوقود جوه البلد مفيش حكم عليه خاااااااااااااااااالص يعنى ممكن تعمل 5 كم فى اللتر وممكن 8
بره البلد على اى طريق سريع مش اقل مش اقل من 12 ك فى اللتر الواحد والاستهلاك ده لقياده لاناعمه ولا رياضيه يعنى 110/130 كم فى الساعه
انا لسه جاى من السويس دلوقتى فولت الصبح وتوكلت على الله عملت 263كم اخدت بنزين 21 لتر 92
شوف نوبيرا اركبها وجربها وقرر
وربنا يديك اللى فيه الاحسن

[MaZaGAngeE]

أختي جابت العربية 2004 أوتو لحد 2008 و باعتها عاملة 95000 كيلو و لا مرة الفيتيس عمل معاها حاجة ... و العربية كانت ممتازة معاها و مرتاحة جدا لحد ما باعتها و جابت صني 2008 زيرو و بعد كده زعلت انها باعت النوبيرا لأنها كانت اريحلها و اوسع من الصني ....

[alynubira]

صديقي

ها قول لك اللي انت عايز تعرفه عن تجربه لاني بعشق العربيه النوبيرا الاوتو

اولا 2001 احسن موديلات النوبيرا لانها تقفيل كوري من الجلده للجلده

فاذا لقيت 2001 بيتي ومش شقيانه خدها وانت مغمض وسيبك من اللي يقولك لا دي رشه بره
ودي مش عارف مغيره رفرف كل الحاجات دي لا تؤثر
اوتوماتيك النوبيرا زي الفل اهم حاجه انك ماتغيرش الزيت بتاع الفتيس ودلوقتي حتي لو فيه عطل مش زي زمان الفتيس كله يتغير لا .. الجزء اللي بيغطل بس هو اللي تغيره
تشتري حاجه اسمها ربير كيت تركبه مكان الجزء الخربان وكله يبقي تمام تاني
والسعر يبدا من 800 جليه الصيني الي 2000 جنيه الكوري
صدقني لو ركبت النوبيرا الاوتو مش ها تعرف تركب حاجه بعدها بسهوله

وبالتوفيق ان شاء الله وانا تحت امرك في اي سؤال

.

.

معلش الفتيس كله ب 1100 جنيه ليه اشتريله ريبير
والفتيس لازم يتغير الزيت كل 40000 كيلو

[M.Alaa92]

بص الخلاصة قالهاك استاذ طارق احب اضيف حاجات كمان عليها لو يسمحلى :)

لازم تعرف ان اهم حاجة و انت بتشترى عربية الكشف الكويس عليها و ع الفتيس كمان
لو حالتها نضيفة بس الفتيس تعبان شوف صيانتو تتكلف كام و اعملها انت او جيبلك واحد استعمال تربية ع ايدك
و تغيرلو الزيت و الفلتر ف مواعيدو و تسوق بالراحة مش شد و جرى ع طوول والا حيتقصف عمرو
حتلاقى العملية معاك 100/100 و العربية محافظة عليك
وخلى بالك النوبيرا الوحيدة اللى ف السوق الاوتو بتاعها ارخص من المانيوال :)

[kagawa]

معلش الفتيس كله ب 1100 جنيه ليه اشتريله ريبير
والفتيس لازم يتغير الزيت كل 40000 كيلو

معلش الفتيس ابو 1100 ده جديد ولا اللي بيقولوا عليه استيراد ويشتغله شهرين وبعدين

........ يضرب



.........

[eng_yeso]

يا جماعة بجد عاجز عن الشكر ليكم كلكم بجد ناس محترمة ومتعاونة جدا
وفى انتظار تشريف باق ى الاعضاء للموضوع

[HAMADA_PEGO]

فعلن العربيه النوبيرا محترمة جدا جدا و لله فعلن مريحانى و شنطة كبيرة بتاعت سفر عربية سابتة على الطريق يمكن العيب الوحيد فيها العفشة بس انت لازم تعرف ان شوارع مصر الحدم لله تبوظ اجدع عفشة و مفيش فيها مشاكل من ناحيه الاتوماتك بس انت لازم تهتم بتغير الزيت الفتيس فى معادة

[eng_yeso]

انا لسه جاى من السويس دلوقتى فولت الصبح وتوكلت على الله عملت 263كم اخدت بنزين 21 لتر 92
شوف نوبيرا اركبها وجربها وقرر
وربنا يديك اللى فيه الاحسن
[/quote]




على فكرة انا شغال فى السويس وانا اصلا من القاهرة ويا ريت لو حضرتك سويسى اتشرف بمعرفتك اكون سعيد جدا

[kashtoot]

بص يا باشا السيارة كاي جهاز من صنع الانسان
ويستعملها الانسان
حسب استعمالك
ياما هتحافظ عليها وتصونها (( هتصونك ))
هتقل ادبك عليها وتهينها (( هتهينك ))
مقدرش اقول اكتر من كدا

صيانة في مواعيدها قيادة بالطريقة التي صممت من اجلها === عمل طويل بدون مشاكل
اهمال الصيانة وقيادة (( مفترية )) === عمر قصير ومشاكل عديدة

الله ينور عليك كلام 100 100

[elnakshabandy]

معلش الفتيس كله ب 1100 جنيه ليه اشتريله ريبير
والفتيس لازم يتغير الزيت كل 40000 كيلو

كلام صح



حافظ على العربيه من غير ماتعمل كىك داون بدون داعى

واستخير ربنا والله الموفق