احسن واحد بيصلح لانوس في المنصوره

[M_ashraf]

مساء الخير يا جماعة
دة اول موضوع انا اكتبه
ارجو اني مكنش تقيل على قلبكم
بالنسبه للناس اللي من المنصوره مين احسن ناس صلحت عربيتك الدايووو عندهم ؟؟؟؟
يا ريت كل واخد يقول على اي حد كويس علشان نستفيد
انا عن نفسي في واحد بتاع عفشه فس طلخا اسمه ياسر وده كويس وفاهم شغله
وفي ميكانيكى في اول طريق شربين في طلخا برده شاطر وامين جدا اسمه نصر
وفي كهربائي في ساميه الجمل عند السلاب اشمه ولييد شاطر جدا
انا جربت سمكره في توكيل عيسى بس مش رهييب

[M_ashraf]

واضح ان مفيش حد بيصلح لانوس في المنصوره
او ان العربيات اللانوس في المنصوره مبتحتاجش تصليح
او اني رخم ومحدش عايز يرد عليا

[MMamdouh]

او ان محدش يعرف
او ان محدش هنا من المنصورة

MMamdouh

[Abdallah]

الحقيقة انا من المنصورة بس مجربتش اى صنايعى فى اللانوس لسة بس انا اقدر اقولك على ناس كويسين وهما بيشتغلوا فى اى عربية

عبدة فواكه : من احسن العفشجية فى المنصورة ومكانه فى سور المحطة امام كوبرى العزبة
مجدى عزمى : ميكانيكى فى مساكن البشطمير والعبور مكانه تانى فتحة من العبور خد شمالك واسال هناك
العدوى : ظبط زوايا واتزان ومكانه فى العبور قبل تانى فتحة من الرصيف على ايدك اليمين

تقدر تظبط معايا فى يوم وانا اوديك للى انت عايزة ان شاء الله :)

[M_ashraf]

شكرا جدا يا باشا

[hopless]

انا بردو من المنصورة---ممكن يا جماعة حد يقول لى اللانوس اخبارها ايه..ثا بتة على الطريق؟ صاجها متين؟ تكييفها؟بتاخد مكان اوى فى الركنه و لا لا؟........ معروض عليه واحدة 2006 ب 55 الف و حالتها كويسة طبعا .
و لو حد فى المنصورة يعرف معارض كويسه.يقول لى عليها....
.انا كنت عايزة اسال عن ياريس هاتشباك..حد يعرف عنها حاجة؟
ياريت حد يساعدنى بسرعة و اكون شاكرة ليكم

[M_ashraf]

اللانوس عربيه كويسه وثباتها معقول انا جبت بيها 130 وكانت كويسه انا اصلا مش بحب اجري اوي لكن على 90 او 100 ممتازه
الصاج عادي زي العربيات الكوري عموما لكن احسن من الهيونداى اكسل مثلا وعامة معظم السيارات الجديده صاجها ضعيف حتى الياباني مع الحوادث ربنا يعافينا كله بيتبهدل
التكييف جيد جدا
الركنه ... السياره متوسطه الحجم و موضوع الركنه ده موضوع نسبي ممكن واحد يعرف يركن في مكان ضيق وواحد تاني ميعرفش بنفس العربيه
سعر السياره كويس لكن اعتقد انها مش الكامله
تتميز قطع غيار اللانوس انها رخيصه وسهلة الصيانه
في معارض كتير في شارع الترعه كويسه
الياريس الهاتشباك مبنصحش بيها السعر غالي و اعادة البيع صعبه
والله الموفق :lol:

[خالدابوالنجا]

محمد بيه اشرف
احلى سلام سلطانى للمنصوره ورجالتها
انا الحقيقه معنديش دايوو بس اعرف صنايعيه كويسه برده
فيه واح بتاع عفشه اسمه كرم ده راجل ممتاز وكل الى اتعامل معاه شكر فيه
هوه موجود فى الشارع المقابل لاسواق على الى على راس المجزر
فيه واحد سمكرى اسمه محمد وهبه ده موجود وانته رايح المجزر مدان الساعه
الشارع الى قدام فتحة المدان مباشرة على راس الشارع سوبر ماركت كبير
كان معرض سيارات تخش الشارع حوالى 100 متر
ويارب متحتاج لحد منهم

[M_ashraf]

الف شكر يا خالد باشا للاهتمام

[modux]

انا يا جماعة عشت فترة في المنصورة و كنت بصلح العربية عند

علاء بتاع العفشة عند مدرسة عمر بن الخطاب في نص شارع حسين بيه علي طووول

جامد جدا

و الميكانيكا عند حسام البحقيري او شكري في ميدان مشعل

انما الكهرباء فالحمد لله عمري ما لعبت في العربية قبل كده