حد يفيدنى

[mohelmy]

السلام عليكم احبابى
انا بحمد الله اشتريت لانوس 2008 وهى والحمد لله تمام بس فيه موضوع واحد هو اللى قالقنى انها عند ال 90 واكتر بيكون فيها رعشة فى الطارة مع حدفة خفيفة لليمين هاتقولولى ترصيص عملت كدة فعلا اتظبطت اسبوع ورجعت تانى زى الاول هو مش المفروض العربيةالزيرو تكون حاجة زى دى مش موجودة ولا ايه؟
مع ملاحظة انى كان معايا اكسنت 99 وكانت فى منتهى الثبات حتى 130 كم

[ahmedsrs]

شوف الجنوط ممكن مطب جامد يعوجهم وكل شويه تحتاج ترصص

[Akram]

راجع على الزوايا و الترصيص مرة تانية في التوكيل و ان شاء الله هتختفي

[mero5005]

ممكن تدينى فكره عن تكييفها فى كلمه بسيطه حلو او وحش واخباره ايه لما تدوره على سحب العربيه؟

[mohelmy]

تكييفها كويس لكن ايه علاقة دة بالموضوع ؟؟ وان كنت ملاحظ ان سحبها اول مشيها بيكون بطىء نسبيا عن الاكسنت اللى كانت معايا؟ يا ترى دة عادى ولا مش ؟؟

[ahmedsrs]

سحب الآنوس فى الأول بطى عادى بس لما ال ر بى ام يوصل ل 3000 لفة بتدى تسارع كويس

[Shiref_mohamed]

بص يا باشا انصحك تروح لمركز ظبط زوايا وترصيص كويس بمعنى ايه كويس
يعني يكون ليه سمعه ومعروف والناس بتشكر فيه
ثانياً تكون الأجهزة بتاعته حديثه لأن في ناس عندها اجهزة ظبط زوايا عتيقة بتلخبط الزوايا مش بتظبطها والكلام ده حصل معايا فعلا عربيتى لانوس 99 اشتريتها من 3 شهور المهم كانت مظبوطه جداً وثابته جدأ جدأ المهم ليا واحد صاحب اخويا عنده مركز ظبط زوايا جبير جمبنا راح اخويا قالى تعالى نوديله العربية يشيك عليها ويكشف على الشاسيه قلتله ماشي مهو احنا مش خسرانين حاجه المهم رحت وركبو الجهاز على العربية وهو شكله جهاز من ايام سيدنا خشبه ولاقيت الواد طالعلى وبيقولى بسم الله ماشاء الله يابيه العربية زى الفل ومافيهاش مللى واحد في الزوايا وقالى هنراجع بس على ترصيص الكاوتش وفعلا لقيو فرده عاوزة ترصيص وخرجت من عندهم والعربية من بعدها مش مظبوطه خالص ولغايه دلوقتي بس