مشكلة إستهلاك البنزين فى دايو لانوس 2

[BraveHeart_13]

[[B]COLOR="Navy"]أنا معايا دايو (أول إنتاج كورى-كورى فى اللانوس 2) موديل 2000
العربية بتشرب البنزين بشراهة برغم كل الصيانات اللى عملتها عشان لو حد هيقترح عليا حل مايكونش من الحاجات اللى بالفعل عملتها ولسة ماتحلتش المشكلة
أولا: العربية فى أحسن الأحوال بتعمل 120 كم/صفيحة بالتكييف داخل البلد
ثانيا: ماجربتهاش على الطريق السريع أو من غير تكييف لأنها ماكملتش معايا أسبوعين من ساعة ما اشتريتها
ثالثا: فيما يلى كل المحاولات اللى عملتها لإصلاح المشكلة أو كصيانة وتجديد للسيارة بصفة عامة:
1 - تغيير زيت الموتور السابق بزيت موتور شيل هيلكس 5000
2 - فلتر زيت
3 - طقم دبرياج كامل GM من الوكيل (ديسك - إسطوانة - بلية - فورش)
4 - موبينة تكرير كهرباء
5 - أويل سيل موبينة
6 - طقم بوجيهات
7 - طقم سلك بوجيهات GM
8 - رادياتير جديد بالكرتونة وقربة مياه جديدة (دول عشان كان فيهم عيوب ومستهلكين تماما مش عشان البنزين)
9 - عمل Scan كامل للسيارة والتأكد من كفاءة جميع الرشاشات والحساسات
10- إعادة تنظيف كل الحساسات وبخاصة حساس البنزين وبوابة البنزين بالـ WD40
11- تغيير قلب طرمبة البنزين بواحدة جديدة بتاعة هيونداى أكسنت لضمان جودة المصدر وإنه كورى فعلا مش صينى وبيتباع على إنه كورى
12- ضبط الـ RBM على 850 لفة/دقيقة للسلانسيه على جهاز الكومبيوتر

:: كل ما سبق هو ما جعل السيارة الآن تستهلك 120 كم/صفيحة بالتكييف داخل البلد بعد أن كانت قبل الشغل دة بستهلك 80 كم/صفيحة بالتكييف داخل البلد أيضا !!

رجاء لمن يعرف فعلا حل لهذه المشكلة إذا كان فى شئ تانى ممكن يتعمل ولسة ماعملتوش .. مع الشكر المسبق لكل من يهتم ويقوم بالرد
[/COLOR]
[/B]

[MMamdouh]

طالما مجربتش العربية على الطريق السريع بالطريقة المعتادة يبقى متحكمش على الاستهلاك

MMamdouh

[aliyosef]

طالما مجربتش العربية على الطريق السريع بالطريقة المعتادة يبقى متحكمش على الاستهلاك

MMamdouh

+10

[mamdouhedrees]

بدايه الأستهلاك داخل البلد والزحمه عالى هذا منطقى لأن الموتور شغال بدون حركه.
لو عايز تعرف الأستهلاك الصحيح أعمل الأتى.

أنتظر حتى يكون عندك مشوار طويل مفتوح - فول السياره حتى زور التنك(حتى ما ينزل قليل من البنزين من زور التنك) صفر عداد المسافات (تحت العداد الرئيسى)وأعمل بها مشوار طويل مفتوح .فى الأخر أعد تفويل التنك حتى الزور زى المره السابقه.
أقسم عدد الكيلومترات السفلى فى العداد على عدد اللترات التى وضعتها المره الثانيه تعطى لك معدل الأستهلاك فى اللتر.

[mailo]

هو ده شيء طبيعي لازم تسافر عشان تعرف تحسب استهلاكك كويس

أنا عندي التنك من أوله لاخره مبيعملش 300 كيلو عشان أنا مشواري معادي مهندسين فـصباح الزحمة يعني والإستهلاك وكمان أنا بشغل التكيف أول مابركب العربية مابفصلش صيف أو شتاء

بس بعد العيد ده كانت كل الطرق فاضية قوي ربع التنك عمل 130 كيلو
اللي أنا مابعملهمش في نص التنك فالعادي

[mostafablidy]

على مااعتقد 120 ك داخل القاهرة كويس ومعدل طبيعى

[tarek_2005]

الاستهلاك كدا طبيعي داخل البلد جربها علي الطوالي واحسب الاستهلاك وبعدين احكم