سؤال بخصوص العفشه والفرامل

[jojowork1]

ازيكم يا جماعه وحشتوني اوي ووحشني المنتدي انا ليا فتره مش بدخل عشان ظروف السفر والشغل
معلش بقي ندخل في الجد ليا سؤالين كده
الاول العفشه عندي في لانوس 2000 بتخبط زي صوت رزعه من وره عند الشنطه في المطبات الكسر او مطبات الهوا يعني مش المطبات العاديه عملت كل حاجه تقريبا فضيت الشنطه خالص وربط العفشه وحد بتاع عفشه بص عليهم وقالي ان المشكله ديه هاتبقي في بلي العجل ورا انا بصراحه تعبت من فتي الصنايعيه ياريت لو حد يقولي ايه الاسباب اللي ممكن تعمل الترزيع ده من ورا
السؤال التاني هو مش سؤال بظبط بس هي فكره لو تنفع حد من الكبار يخترعلنا فيها انا ركبت عربيه واحد صحبي الينترا الشكل الجديد اتومتك لسه باخد العربيه عشان اجربها بلمس الفرامل العربيه اتنكتت مكانها انا زهلت من قوه الفرامل ديه مكنتش متخيل ان في عربيه كوري ممكن اشوف فرامل بالقوه ديه هل في فكره او تعديل ممكن يتعمل يخلي الفرامل بالقوه ديه وعلي فكره انا عارف التعديل اللي كان عامله مهندس محمد ممدوح بس انا مش قصدي نقوي التيل انا قصدي نقوي الدواسه يعني انا ممكن العربيه تفرمل كويس بس لازم ادوس علي الدواسه جامد لاكن في العربيه ديه اللمسه بتخلي العربيه تتنكت يعني لو رميت ريشه علي الدواسه العربيه هاتقف فهل في فكره مثلا لتعديل السيرفو او الماستر او اي حاجه تكون تساعد علي كده
شكرا مقدما

[tarek_2005]

موضوع الرزعة دي في الجنبين ولا جنب واحد
انا عندي كان في الجانب اليمين فقط وعملت كل شيئ لدرجة ان محمد ممدوح لما زهق مني قلي علي الكاسيت وانتا ماشي وانساها بس الميكانيكي بتاعي اصر علي انه عيب مساعدين واربعة عفشجية قالوا ان المساعدين تمام المهم رحت غييرت المساعدين عند الميكانيكي انتهي الصوت تماماً وطلع ان الصوت لما المساعد بيتفرد للاخر وبعدين يبداء ينضغط مرة اخري الاويل سيل الداخلي بتاعه هوا الي بيعمل الصوت علشان كدا الصوت كان بيظهر في النقر وبيختفي لو اخذت مطب صناعي بهدوء لكن لو اخزت نقرة مهما كان الهدوء في السرعة وحنية اخذه كان بيظهر الصوت
فرامل اي سيارة اوتوماتك من شعرة بتقف في مكانها ومش عارف ليه لغاية دلوقت ايه الفرق بين فرامل الاوتوا والمانيول يعني لو قارنة فرامل اي سيارتين من نفس الموديل والنوع واحدة مانيول والثانية اوتوا الاوتوا فراملها افضل مليون مرة وانا عن نفسي برجع ده للفتيس اكثر من منظومة الفرامل

[jojowork1]

شكرا يا باشا منور الموضوع وبجد انبسط او ما شوفت اسمك في الردود
شكرا علي الردود المحترمه كلها
موضوع الرزعه ده كان في الجمب اليمين حاليا مش بحس في انهي جمب بحس الخبطه في النص او في النص اللي ورا كله مره واحده لدرجه اني فكرت حاجه في الشنطه وفضتها خالص وبردوا مفيش فايده
بنسبه لموضع الفرامل عاوزين حد يشوفلنا اختراع كده في السرفوا والماستر ولا اي حاجه

[tarek_2005]

يبقي اختبر المساعدين الاول وبعدين عربيتك كاملة ولا هاف علشان ممكن تكون علبة الكانستر عايزة تتنظف والصوت ده صوت التنك (( عددا البنزيتن بيتاثر بالصوت ولا لاء ))

[jojowork1]

عربيتي كامله وفيها علبه كانستر بس مش بلاحظ تاثير علي العداد طيب لو العلبه ديه عاوزه تتنظف اعرف ازاي وانظفها ازاي

[amoor89]

لو الصوت صوت رزعة بيبقى %90 مساعدين ورا للاسف كان عندى الموضوع ده فى عربيتى وغيرت طقم مساعدين خلفى وانتهت المشكلة تماما ونصيحة حاول تمشى براحة على قد ما تقدر فى الشوارع المكسرة لان المشى على سرعة عالية فيها بتقضى على المساعدين
تحياتى

[symasyma]

السلام عليكم
إمبارح كنت عند الميكانيكى علشان فرامل العربيه (لانوس كامله) وبعدين وانا بتكلم معاه على قوتها قاللى إن فرامل الاوتوماتيك بتكون شبه لازقه علشان كده فراملها بتبقى جامده، ولما سألته ليه قاللى لان كل شغل الاوتوماتيك بيكون بالفرامل علشان كده بتكون قريبه جدا أوو شبه لازقه على الطنابير,
أرجو أكون أفدت.

[tarek_2005]

السلام عليكم
إمبارح كنت عند الميكانيكى علشان فرامل العربيه (لانوس كامله) وبعدين وانا بتكلم معاه على قوتها قاللى إن فرامل الاوتوماتيك بتكون شبه لازقه علشان كده فراملها بتبقى جامده، ولما سألته ليه قاللى لان كل شغل الاوتوماتيك بيكون بالفرامل علشان كده بتكون قريبه جدا أوو شبه لازقه على الطنابير,
أرجو أكون أفدت.

كلامه غير منطقي لانك ممكن ترجلش الفرامل الخلفية بحيث تبقي ملاصقة للطنابير
ولكن كما ذكرت لك سابقاً ان الفتيس له دور في فرامل الاوتوماتيك وانه بيحمل الموتور علي العجل بشكل ما

[jojowork1]

طيب ازاي يا جماعه اقدر اجرب المساعدين

[tarek_2005]

طيب ازاي يا جماعه اقدر اجرب المساعدين

مفيش تجربة غير التغيير

[jojowork1]

اشكرك يا استاذ طارق ده كرم كبير عليك منك كل الردود ديه