مشكله غريبه فى لانوس 2010 رجاء المساعده

[emad_pc]

كنت راجع من العمل وفى الزحام توقف المحرك وعند محاوله الاداره لم تستجيب السياره ابدا ..قمت بركن السياره وحاولت مره اخرى التابلوه يطفىء تماما عند محاوله التشغيل ولا يوجد اى صوت لمارش او خلافه الا صوت تكتكه يصدر من ريلاى موجود فى العلبه التى تحتوى على الحساسات مكتوب عليه 94580702 deco علما بأن السياره دارت بالزق وعندما وصلت للمنزل ابطلت المحرك وعندما حاولت تشغيله تكرر ما حدث .. ما المشكله ولكم جزيل الشكر
ملحوظه .. فى اليوم السابق لذلك تم تغيير عدد 2 فيوز لان الاشارات لم تكن تعمل وموتور مرايه الراكب ايضا ... رجاء مساعدتى

[AHMEDCAR]

اكشف على البطاريه

[emad_pc]

شكرا لمشاركتك يا أ/ احمد هل من الممكن ان تكون البطاريه سبب كل ذلك دون اى مقدمات
عندما توقف المحرك اول مره فعلا كانت الكهرباء ضعيفه جدا حتى الزجاج كان يرتفع لمسافه 1 سم ويتوقف
عموما انا اشكرك جدا

[XGoGoX]

لأ ياصاحبي البطاريه بريئه وسليمه
الدينامو أكيد في مشكله
روح للكهربائي يكشف عالدينامو

[XGoGoX]

الدينامو هو إللي بيولد طاقة شحن للبطاريه
ولو فيه مشكله أو كهربته مش شغاله مش هايشحن البطاريه
وبالتالي العربيه تقف منك

[emad_pc]

اشكرك اخى الكريم على توضيحك للأمر ولكنى اعتقد ان المشكله اقتربت من الكتاوت على ما اظن لأن لو المشكله فى الدينامو والبطاريه مفرغه لن تستمر السياره فى الدوران ولن تعمل كل الملحقات الكهربيه .. مجرد استنتاج وأشكرك مره أخرى

[XGoGoX]

لأ ممكن تدور بالزق وتمشي بيك شويه
ولو وقفت في إشاره أو أي حاجه تبطل
أصلي تعرضت لنفس المواقف وطلعت المشكله من الدينامو
بس كنت غيرت بطاريه وغلطت
علشان كده بقولك بلاش تتسرع وتغير البطاريه

[tarek_2005]

الديناموا والبطارية منظومة واحدة ويجب الكشف عليهم الاثنين معاً ولكن لو عيب ديناموا كانت لمبة البطارية نورة في التابلوه وده دليل علي تلف الديناموا او ضعف شحنه والسائل لم يذكر اي شيئ عن انارة لمبة البطارية اثناء سيره بالسيارة اذا الدناموا مستبعد حتي يثبت عكس ذلك والشك الان كل الشك في البطارية

[XGoGoX]

نادي على الشاهد الأول
سين :: هل لمبة البطاريه منوره في التابلوه ؟

[emad_pc]

وحدوا الله يا جماعة.. لو لمبة البطاريه مش منوره يبقى الأمر ايه ؟

[XGoGoX]

ههههههههههههههه
أنا بهزر ياعم عماد
وبعدين لو لمبة البطاريه مش منوره يبقى العربيه ماشيه تمام ومفيش أي مشكله
إنما طالما واقفه وعطلانه يبقى لازم تكون منوره
بس تعرف منين إن المشكله في الدينامو ولا البطاريه
دي بقه شغلة الكهربائي

[emad_pc]

بصراحه عاوز اعرف العطل تقريبا قبل ما اروح لكهربائى عشان لو طلع من اياهم وبيفتوا ابقى عارف وأوفر على نفسى العناء والوقت بدل ما يقعد يكشف وفى الاخر يقولى العربيه دى عاوزه نجفه

[tarek_2005]

ممكن لمبة البطارية تنور والعربية ماشية تمام لو اتقطع سير الديناموا ولكن في اللانوس حتحس ان البور فصل علشان سير الباور هوا هواه سير الديناموا بس دا مثال علي اضائة لمبة البطارية في التابلوه والعربية ماشية وكلامي كان ان السائل لم يذكر ان لمبة البطارية اضائة في التابلوه وهوا مروح بالعربية يعني وهوا ماشي بيها مش مبطلها

[tarek_2005]

ما تروحش لكهربائي ولكن روح لبتاع بطاريات يقيس البطارية والديناموا

[XGoGoX]

المفروض يكونلك كهربائي واحد متعود تروحله وده بناء على راحتك معاه
وكذالك في التخصصات التانيه
سمكري بوهيجي ميكانيكي عفشجي

خلي لنفسك حد ثابت تكون واثق فيه
ده هايوفر عليك عناء كبير في الوقت والتكاليف