السلك الواصل بين حساس الماب و المانافول

[abo_lamar]

السلام عليكم و رحمه الله

كنت بسأل عن السلك الرفيع اللي واصل حساس الماب الموجود على صدر العربية بجسم المانافول .... ايه وظيفته بالضبط ؟
لأني كنت بغير فلتر البنزين من يومين عند مركز خدمة وبعد ما خلصنا و بدوز العربية لقيت لمبه check engine منورة ودوخنا مش عارفين السبب لغايه ما اكتشفنا ان السلك ده اتخلع من ناحية المانافول ولما ركبناه تاني اللمبة اتطفت على طول .

وشكراً

[yasser2015]

والله انا حصلت معايا نفس المشكلة دي وبرده دخت انا والكهربائي علشان نعرف اللمبة منورة ليه لدرجة اننا كشفنا عليها كمبيوتر علشان يعرف منين العيب بس انا مش عارف الحساس ده وظيفته ايه بالظبط بس بتحس ان العربية مش مظبوطة وصوت الماكينة متغير

[MMamdouh]

الحساس دة بيقيس الضغط السالب (الفراغ) داخل المنافولد و من خلال القراءة دى الكونترول بيعرف كمية الهوا اللى جوة المنافولد قد اية و على اساسها بيقدر كمية البنزين المطلوبة

بالتالى طبيعى لازم يبقى فيه اتصال مباشر بين الحساس و المنافولد و دة اللى بيحققة الخرطوم... فى عربيات تانية بيبقى الحساس راكب على المنافولد بشكل مباشر و مفيش خرطوم

MMamdouh

[SBkr]

بالظبط فعلا دة خرطوم بينقل الضغط السالب من المانفولد موش سلك وخلي بالك دة في النوبيرا 2 الكوري نادر وغالي لو باظ منك أنا فكيتة ورشيت فية منظف ودة غلط كبير في حين انة من جوة سيليكون يعني سيحتة خالص والعربية مادارتش لحد ما جبت واحد بدالة إستعمال وهوة زي بتاع الإوبترا بالظبط بس في النوبيرا المصري معرفش شكلة اية