بدون ضحك

[sokasoon]

انا اسف بصراحة أول ماسمعت كده ضحكت .....انا مبحبش اصلا اللانوس نهائي نهائي
وانا لو منك اروح للتوكيل واخلي العمال والمهندسين كلهم يتكهربوا عشان تعرفهم ان العربية دي وحشة فيدولك فلوسك وتشتري عربية غيرها
وكمان مهما كان المشكلة في حضرتك لازم اللي بيصنعوا العربية يكونوا عارفين بيعملوا ليه تحسبا لاي حاجة زي كده

طيب انا مابتكهربش ليـــه

صدقنى انا من ساعة ما اشتريت العربية ماتكهربتش ولا مرة

[Khalid_Mostafa]

فية حل نهائي للمشكلة دي وهو بتلاحظوة في عربيات النقل وعادة
في عربيات نقل الوقود ، وهو عبارة عن سلسلة صغيرة مثبتة بالشاسية
وبتلمس الأرض من وقت للثاني يعني في المطبات مثلا علشان ماتعملش
صوت مزعج وبنفس الوقت تسرب الكهرباء بقدر الأمكان

إحب اصحح المعلومة دي وهي ان السلسله الي بتبقي في الشاسيه دي لأغراض الأمان عشان لو عامود الكردان فرك في اثناء السرعه العاليه ووقع ووصل للأرض ممكن العربيه تتقلب و عشان كده كل النقل عاملها مش نقل الوقود فقط وحتي كمان النصف نقل وتقريباً القانون بيجبر علي ده

اما موضوع الكهرباء الإستاتيكية فمتعلقه بالشخص وتقريباً من الي إيديهم بتعرق علي طول او حاجه زي كده ...يعني كلنا بنتشحن بالكهرباء بس مش كلنا بنفرغ الكهرباء دي

[MMamdouh]

إحب اصحح المعلومة دي وهي ان السلسله الي بتبقي في الشاسيه دي لأغراض الأمان عشان لو عامود الكردان فرك في اثناء السرعه العاليه ووقع ووصل للأرض ممكن العربيه تتقلب و عشان كده كل النقل عاملها مش نقل الوقود فقط وحتي كمان النصف نقل وتقريباً القانون بيجبر علي ده

اما موضوع الكهرباء الإستاتيكية فمتعلقه بالشخص وتقريباً من الي إيديهم بتعرق علي طول او حاجه زي كده ...يعني كلنا بنتشحن بالكهرباء بس مش كلنا بنفرغ الكهرباء دي

لا دى غير دى

السلسلة اللى انت بتتكلم عليها بتبقى بعرض الشاسية و ماشية من تحت الكردان و بتبقى فى معظم ان لم يكن كل العربيات النقل

السلسلة اللى احنا بنتكلم عليها بتبقى فى عربيات نقل المواد القابلة للاشتعال و دى بتبقى فى طرف العربية من ورا و مدلدلة على الارض

MMamdouh

[ahmediz2000]

انا برضه اتكهربت كذا مرة وانا بفتح الباب وبسمع صوت كمان (صوت طرقعة كده)

[boty50]

إحب اصحح المعلومة دي وهي ان السلسله الي بتبقي في الشاسيه دي لأغراض الأمان عشان لو عامود الكردان فرك في اثناء السرعه العاليه ووقع ووصل للأرض ممكن العربيه تتقلب و عشان كده كل النقل عاملها مش نقل الوقود فقط وحتي كمان النصف نقل وتقريباً القانون بيجبر علي ده

عزيزي خالد

السلسة اللي بنتكلم عليها وذكرتها في مشاركتي هي عبارة
عن سلسلة في اخر العربية عادة بتتربط في الأكصدام الخلفي الحديد

وليس وسط العربية النقل واللي بتكون تقريبا نصف دائرة حول عمود الكردان

اقصد انا بتكلم عن سلسلة تانية خالص

[al_manara]

في بخاخ انتي ستاتيك اشتريه ورشه على الكراسي علشان متعملش شحنة ستاتيكية في جسمك .


Thanks
Eng.Sherif Shaker

دي كهربا استاتيكية بتيجي من نوع الملابس الي بتلبسها مع احتكاكها بخامات الكراسي يعني اكيد انت عندك فرش العربية قماش او قطيفة وفي الغالب هتلاقي اللبس بتاعك فية بوليستر كتير
وكمان جرب تلبس ملابس قطنية وافتح الشنطة هتلاقي نفسك مفيش كهربا نهائي وهتلاقي انها بتحصل اما تلبس ملابس فيها بوليستر