كباس اللانوس

[biomedo]

طبعاً كلنا عارفيين ان اللانوس تكييفها مبيفصلش وده تعديل صغير ممكن يتعمل في العربيه و الموضوع مشروح في الفديو ده و هو ببساطه توصيل حساس حراره في صالون العربيه بكباس التكييف و اللي ممكن يفصل يفصل التكييف عند الوصول لدرجة حراره معينه

Repair your own car's air conditioner cheaply- YouTube

الموضوع ده انا محاولتش انفذه و محاولتش اعرف الحاجه دي بتتباع في مصر ولا لاْ
بس انا كنت عاوز اطرحه للمناقشه
علشان الفايده تبقى اعم
اعتقد انه ممكن يوفر في البنزين و لو مش هيوفر في البنزين على الاقل التكييف ميبقاش شغال علطول عالفاضي و مبيفصلش

[tarek_2005]

فكرة كويسة بس تعتقد ان في الجو بتاعنا في النهار هل هتحتاجه وهل هيشتغل انا معاك انه بليل ممكن يكون ليه فايدة كبيرة لكن بالنهار ملهوش اي لزمة
والفيديوا دا بحاول يستبدل الكمبيوتر بتاع التكيف بيه علشان توفير التكلفة وتجنب التعقيد وفي حالة تلف كمبيوتر التكيف

[swimmer25]

فكرة كويسة بس تعتقد ان في الجو بتاعنا في النهار هل هتحتاجه وهل هيشتغل انا معاك انه بليل ممكن يكون ليه فايدة كبيرة لكن بالنهار ملهوش اي لزمة
والفيديوا دا بحاول يستبدل الكمبيوتر بتاع التكيف بيه علشان توفير التكلفة وتجنب التعقيد وفي حالة تلف كمبيوتر التكيف

بس معظم العربيات يا طارق باشا بيبقي راكب فيها الحساس ده وبيكون راكب علي ريش الثلاجة الداخلية

[tarek_2005]

بس معظم العربيات يا طارق باشا بيبقي راكب فيها الحساس ده وبيكون راكب علي ريش الثلاجة الداخلية

كلام جميل وعلي عيني وراسي بس الي صمم عربيتنا لقاه ملهوش لزمة عندنا ولغاه زي موضوع فلتر التكييف
عايز تركبه انتا حر دا اختيارك انتا

[biomedo]

فكرة كويسة بس تعتقد ان في الجو بتاعنا في النهار هل هتحتاجه وهل هيشتغل انا معاك انه بليل ممكن يكون ليه فايدة كبيرة لكن بالنهار ملهوش اي لزمة

يعني من الناحيه العمليه ممكن ميكونش ليه لازمه في النهار بس حتى لو ممكن تشغله بليل بس مع مرور الوقت هيطول العمر الافتراضي للكباس و هيوفر في البنزين

والفيديوا دا بحاول يستبدل الكمبيوتر بتاع التكيف بيه علشان توفير التكلفة وتجنب التعقيد وفي حالة تلف كمبيوتر التكيف

انا مكنتش مركز مع الجزئيه ديه اكتر مكنت مركز مع انه ممكن يكون في مفتاح زكي "يفصل و يشتغل مع الحراره" يتوصل عالتوالي مع الاشاره اللي جايه من كمبيوتر العربيه

بس معظم العربيات يا طارق باشا بيبقي راكب فيها الحساس ده وبيكون راكب علي ريش الثلاجة الداخلية

يا ترى بيفرق في اداء العربيات دي
انا كنت راكب عربيه تويوتا ياريس و كنت مراقب ال ار بي ام مع التكييف و العربيه مموره و كان تقريبا بيشتغل ثانيه و يفصل ثانيه و اما حسبتها مع نفسي قولت اكيد هيوفر في استهلاك التكييف للبنزين على الاقل بنسبة 50%

كلام جميل وعلي عيني وراسي بس الي صمم عربيتنا لقاه ملهوش لزمة عندنا ولغاه زي موضوع فلتر التكييف
عايز تركبه انتا حر دا اختيارك انتا

انا كان قصدي من الموضوع دراسة الفكره حتى لو مش هتطبق فعلياً

و على فكره مش كل حاجه متصمما عليها العربيه هي الانسب هندسياً
كتير بيدخل عامل التسويق و توزيع الاوبشنس على الموديلات المختلفه
و كتير بتدخل ظروف البلد اللي مصمماها (مش لازم الظروف المناخيه بس ممكن كمان طبيعة السواقه في البلد دي) في التصميم
و كتير بيدخل عامل البيئه و نسب التلوث

العربيه لانوس 1 موديل 97 اللي هو اول انتاج لللانوس كانت متصممه بفلتر تكييف و كان ليه مكان بس مكانش راكب فعلياً و اتشال المكان ده من الموديلات اللي نزلت في المصنع الكوري بعد كده

فمصمم العربيه كان مصمم العربيه اصلاً بامكانية اضافة فلتر تكييف و اتشالت الامكانيه دي بعد كده