مشكله فى دايو لانوس

[lanos_power]

السلام عليكم يا قسم الدايو
المشكله كالاتى
1-بحس بتقطيعه فى الدركسيون و انا بلفه الكلام دا و انا ماشى طبعا خصوصا و هو بيرد لوحده
2- تقطيعه فى حركه الار بى ام
3- غربله فى الدركسيون من 90 و طالع وانا اعتقد انها ترصيص بس انا قولت اقول العيوب كلها عشان ممكن يكون بين العيب الاول و التالت علاقه

[tarek_2005]

1 - اكد علي زيت الباور وسير الباور
2 - اكد علي فيشة العدادات من الخلف
3 - رصص وبعدين جرب

[misho2008]

الله ينور يا استاذ طارق

[lanos_power]

ملحوظه
الفيشه متاكد عليها اكتر من مره
الار بى ام رجع طبيعى بعد غسلت الموتور بالغاز و بعدين رجع باظ تانى
زيت الباور مستواه تمام
فى دلوقتى موضوع انا عندى الفرده اليمين قدام غير الفرده الشمال نفس المقاس اه بس نقشه مختلفه بس الالفرده اليمين جبتها مستعمله فهل دا ممكن يعمل مشكله

[blazer]

لو فرده الكاوتش فيها عيب هتعمل غربله جامده على سرعه 90 لان الموضوع دا حصل معيا وطلعت الفرده الاماميه شمال جايبه سلك

[tarek_2005]

1 - راجع علي فيشة البوبينة
2 - استبدل فردتين الكاوتش الامامي بالخلفي علي سبيل التجربة

[lanos_power]

انا هجرب تغيير الفردتين الاماميين و اشوف اما فيشه البوبينه فانا اراجع عليها ازاى؟

[tarek_2005]

تاكد انها واصلة تمام وليس بها تهريب او (( بوش )) بالبلدي بين اطراف الفيشة وسنون نتاية الفيشة الي في البوبينة

[haytham_felica]

هوا الكوتيش ال يعمل كدة و بعدان فى حد يجيب فردة مستعملة و يحطها ادام و كمان النقشة مختلفة و اكيد الفرد الورا ضيعيين طبعا عشان كدة حطات المستعملة ادام
فنصحتى ليك هات فرد جديدة ادام و متضحيش بحياتك عشان فردتان جداد

[lanos_power]

لا يا هيثم باشا الورا مش ضايعين بالعكس الاتنين اللى ورا و الشمال ادام كويسين خصوصا انى مش من هواه التخميس ولا بحب اضرب فرامل جامده و اكتر حاجه تنرفزنى انى ابقى سايق و اخلى العجل يصفر فى الارض بس الظروف جت كده و الكاوتش ادام مش وحش على فكره دا بتاع واحد صحبى و العربيه مكنش فيها مشكله الغربله دى الا من ساعت لما رجعت من الصفر(فضلت واقفه شهرين) قبل كده كانت زى الفل

[haytham_felica]

طيب يا باشا طلع الورا ادام بس بشرط يكونو من نفس النقشة بس و اظبط زاواية و رصص من جديد و اولى النتيجة

[إبراهيم المصرى]

علبة الدركسيون او مكنة البور وممكن يكون السير قرب والله اعلم
وبالتوفيق ان شاء الله

[lanos_power]

الحمد لله انهارده حليت مشكله التقطيعه فى حركه الدركسيون و الغربله لما بدل الفردتين اللى قدام باللى ورا بس بتاع الكاوتش قالى ان الفرده اللى كنت اتكلمت عليها ملوحه مش عارف ازاى بس دلوقتى مجرد ما اجيب ال80 الاقى فى خشونه فى العربيه مع صوت

[MMamdouh]

انت عايز طقم كاوتش

MMamdouh

[lanos_power]

ازاى يا ممدوح باشا دا هى فرده واحده الباقى كله جديد
الباقى معملش سنه معايا