طنابير النوبيرا

[amagdy]

السلام عليكم ,
أنا لسة جايب نوبيرا 2008 و عاملة 6000 كم بس, و غيرت طناير , إه الحكاية دي هي طنابير النوبيرا وحشة ,و لو حصلت الحكاية دي تاني و التنابير باظت أغيرها من التوكيل برده علشان الضمان و لا في أنواع طنابير أحسن و تستحمل ممكن أجيبها من بره التوكيل
شكراً

[MMamdouh]

الطنابير المصرى زبالة

احسن طنابير البريمبو ب280 جنية

MMamdouh

[amagdy]

شكرا يا أستاذ ممدوح ,
طيب لو غيرت الطنابير بره التوكيل العربية مش هاتخرج من الضمان

[pampino]

لا يا باشا عادى غيرهم برة اوفر ليكالوكيل حرامية وغير كدة الطنابير اللى عندهم مصرى فا هتبوظ تانى

[amagdy]

شكراااااااااااا

[mohamed ibiza]

غيرها بره و متتابعش معاهم اصلا توكيل تعبان كمان الطنابير المصري دي فل عليها اوي 6000 كيلو دي كده تمام جدا و الطنابير البريمبو هتعد اكتر و هتعيش اكتر بس اصلا طنابير النوبيرا وحشة و مش معمرة اكتر حاجة ملاكها بيشتكوا منها الطنابير في النوبيرا

[amagdy]

متشكر جداً علي الاهتمام , التوكيل غيرها المرة دي مجانا و إعتبارها عيوب صناعة , المرة الجاية إن شاء الله و ياارب تبقي بعد مدة طويلة أركب النوع اللي بتنصحوا به
شكراااااااااااا

[أبو ياسين]

لو لا قدر الله حصل كده تانى
ممكن تشترى الطنابير و تروح بيها للتوكيل يركبوها

[medo_msmsa]

ايه ده يا جماعة في طنابير بتقعد 6000 بس؟؟؟؟؟؟؟؟
ده لو التيل المفروض يقعد اكتر من كده !!!!!!!!

[amagdy]

يمكن علشان كده إعتباروها نزلة بيظة أصلا مع العربية و غيروها مجاناً

[mohamedhamdy82]

الاستاذ محمد ممدوح كاتب ان الطنابير المصرى اللى بتنزل فى العربيه زباله وان الطنابير البريمبو انضف منها وب 240 بس .... ده انا سألت فى التوكيل من حوالى شهر على سعر الطنابير لو الواحد هيغيرها بره الضمان تكون بكام قالولى ب 600 جنيه !!!!!
هل الكلام ده صح ؟؟
انا كنت بسأل مجرد دردشه بشوف سعرها كام اصلى انا كمان عاوز اغيرها علشان العربيه عندى لسه زيرو بردو بس لما بضرب فرامل لما اكون عديت سرعه 80 بلاقى رعشه فى العربيه والمهندس قالى الطنابير عندك فيها ( دندره ) بس انا مش فاضى اغيرهم . بس انا عارف انهم هيغيروها على حسابهم عاشان العربيه لسه 4000 كم فقط ...

[amagdy]

انا قلولي في التوكيل من كل 1000عربية نوبيرا و احدة بتطلع الطنابير بتاعتها سليمة , يظهر بجد!!! , انا رائي انك تغيرها في التوكيل طالما مجاناً لانك كده كده هنغيرها تاني و تكون خرجت (الطنابير)من الضمان(؟؟) تعملها أحسن و أرخص بدل متغير علي حسابك الأن و ترجع تغير علي حسابك بعد فترة .