استلمت لانوس 2012

[ramy_ahamid]

السلام عليكم و رحمة الله و بركاته
دة أول مشاركة ليا ، بس أنا عضو فى المنتدى من فترة كبيرة
انا لسة مستلم شيفروليه لانوس كاملة 2012 من 4 أيام بالضبط
لو فيه حد عايز يستفسر منى عن أى حاجة انا فى الخدمة

[medododo]

ألف مبروك
ربنا يديك خيرها
ويكفيك شرها
ممكن أعرف منك ايه حكاية الاضافات الجديدة اللي الاعلانات كانت بتتكلم عنها

[kashtoot]

ربنا يديك خيرها
ويكفيك شرها و يباركلك فيها

[haytham_felica]

الف مبروك و ربنا يبعد عنك عيون الناس
ممكن اعرف جبتها منين و سعرها بعد المعرض بقى كام و هيا منيوال ولا اتومتيك و ايه ملاحظاتك على العربية و هيا قسط ولا كاش

[mostafa mahmod]

مبروك عليك يا باشا

[tarek_2005]

الف مليون مبروك عليك
ويارب يبارك لك فيها ويعطيك خيرها ويكفيك شرها

[Ahmed Nasser]

يارب يبارك لك فيها ويعطيك خيرها ويكفيك شرها

[hazemhassan]

1000 مبرووك وربنا يديك خيرها ويكفيك شرها

[Abdm]

ألف مبروك وربنا يستر طريقك وطرقنا جميعا ويديك خيرها ويكفيك شرها .
الآضافات تقريبا أريل كهربائى مدمج مثبت على الزجاج الخلفى
زجاج فامية خلفى وجانبى .

[wael6]

بسم الله ماشاء الله
ربنا يباركلك فيها يارب
ومنتظر منكم تقرير وافي للسيارة باذن الله تعالى
وشكرا جزيلا

[ASD peugeot]

الف مبروك ربنا يديك خيرها ويكفيك شرها
انا سبقت واشتريت 2011 وعرفت ان الفرق هيكون في الفاميه وانه بتثبت في الرخصه عاوز اتأكد من صحه الكلام ده

[m0hsen]

وايه اخبار سخان الازاز وفين المفتاح اللى بيشغله

[Abdm]

الف مبروك ربنا يديك خيرها ويكفيك شرها
انا سبقت واشتريت 2011 وعرفت ان الفرق هيكون في الفاميه وانه بتثبت في الرخصه عاوز اتأكد من صحه الكلام ده

أيوة حضرتك تمام هو فعلا الفامية والآريال المثبت على الزجاج الخلفى وبيتثبت على الرخصة حقيقى

والكلام دة موجود بردة فى الفيرنا وأغلب موديلات 2012 . المشكلة الحقيقية فى المخالفات اللى العساكر بيسجلوها أو الآمين من غير ما يشوف الرخصة ومش عامل فرق بين اللى العربية نازلة كدة فبريكة ورسمى واللى مركب مش رسمى لغاية أخر السنة ونشوف المخالفات وربنا يستر هنعمل تظلم والا الكمبيوتر هيلغى المخالفات أتوماتيك للى ماشى قانونى

وايه اخبار سخان الازاز وفين المفتاح اللى بيشغله

السخان موجود وزرارة موجود فى التابلوة على اليمين جنب زرارير الأنتظار والتكييف

والله الموفق والمستعان

[ASD peugeot]

انا مش عارف فين زرار السخان ده عندي هل هو حاجه زياده في 2012 عن عربيتي اخر 2011 ولا ايه وبيسخن اي زجاج وايه فايدته وهل فيه اي فروقات تانيه وشكرا ليكم.

[Abdm]

انا مش عارف فين زرار السخان ده عندي هل هو حاجه زياده في 2012 عن عربيتي اخر 2011 ولا ايه وبيسخن اي زجاج وايه فايدته وهل فيه اي فروقات تانيه وشكرا ليكم.

السخان موجود وزرارة موجود فى التابلوة على اليمين جنب زرارير الأنتظار والتكييف وعلية علامة شرط خطوط بخار ماية وهو موجود فى الفل أوبشنز و مش عارف موجود فى الهاف أوبشنز ولا لآ

ومش عارف كان فى موديلات 2011 ولا لآ لكن هو علشان تسخين الزجاج الخلفى لما يكون فى شبورة جامدة أو ثلج . وهو غالبا لا يستخدم .... وما فيش أى فروقات تانية غير اللى ذكرتها سابقا

والله الموفق والمستعان