صوت طقطقه لما بلف الدركسيون علي الاخر

[kwasfy]

الأخوه الانوسيين
عندي صوت طقطقه لما بلف الدركسيون علي الاخر في الاتجاهين يمين و شمال
ده ممكن يكون ايه و الدريكسيون تقل شويه .. الكاوتش 13 مظبوط علي 28 هواء
برجاء الافاده و تقبلو مني جزيل الشكر..
لانوس 2 . 2001

[wael_power]

احتمال كبير يكون كبالن لو الصوت صادر من ناحية الكاوتش وانت ماشي بتلف يمين او شمال
لو مش كوبلن ممكن تكون علبه دركسيون بس ديه تبان وانت واقف وبتلف يمين وشمال

[kwasfy]

احتمال كبير يكون كبالن لو الصوت صادر من ناحية الكاوتش وانت ماشي بتلف يمين او شمال
لو مش كوبلن ممكن تكون علبه دركسيون بس ديه تبان وانت واقف وبتلف يمين وشمال

باشا شكرا للرد صوت الطقطقه بيحصل و العربيه واقفه
و الطقطقه بتيجي في الاخر

[kwasfy]

يعني كده ها احتاج علبة دركسيون ولا ايه .. ممكن تتصلح

[maka]

بطاحات

[wael_power]

بس يا باشا اتاكد صوت الطقطقة طالع منين بالظبط من ناحية العجل ولا صدر العربية عند علبة الدركسيون
لو من صدر العربية يبقي علبه دركسيون ويفضل يتغير لو بايزة
لو من تحت عند العجل يبقي لازم كشف عند متخصص لان في احتمالات تانية وممكن يكون كوبلن برده بس يكون في اخر ايامه

[ahmedezzat78]

بيض المقصات قافش عشان كده الطقه دى بتيجى فى أخر المشوار

احتمال تانى تكون البطاحات

[kwasfy]

بيض المقصات قافش عشان كده الطقه دى بتيجى فى أخر المشوار

احتمال تانى تكون البطاحات

مهندس احمد الف شكر علي الرد..
انا بيتهيقلي كده لان الصوت بيجي في اقصي الشمال و العربيه واقفه .. بس حضرتك تفتكر ايه اللي يخلي البيض يقفش..





..

[kwasfy]

بس يا باشا اتاكد صوت الطقطقة طالع منين بالظبط من ناحية العجل ولا صدر العربية عند علبة الدركسيون
لو من صدر العربية يبقي علبه دركسيون ويفضل يتغير لو بايزة
لو من تحت عند العجل يبقي لازم كشف عند متخصص لان في احتمالات تانية وممكن يكون كوبلن برده بس يكون في اخر ايامه

باشا اشكرك ع الرد ..
انا كنت لسه فاكك علبة الدركسيون و مغير جوان لانه كان بينزل زيت و علبة الباور كانت بتنقص .. دلوقتي العيب ده مش موجود .. الصوت بيجي من تحت رجلي من عند العجل




.............

[kwasfy]

باشا كنت عايز اعرف سعر البطاحات و الكبالن بالتركيب

[ahmedezzat78]

مهندس احمد الف شكر علي الرد..
انا بيتهيقلي كده لان الصوت بيجي في اقصي الشمال و العربيه واقفه .. بس حضرتك تفتكر ايه اللي يخلي البيض يقفش..





..

هيه البيضه بتبقى خفيفه فى النص و ثقيله على الأوضاع اللى بتيجى عليها قليل

انا عندى المشكله دى و الحل المؤقت هو انك تحط زيت بالمزيته داخل كاوتشه شحم بيضه المقص

الحل الجذرى هو تغير البيض

[kwasfy]

هيه البيضه بتبقى خفيفه فى النص و ثقيله على الأوضاع اللى بتيجى عليها قليل

انا عندى المشكله دى و الحل المؤقت هو انك تحط زيت بالمزيته داخل كاوتشه شحم بيضه المقص

الحل الجذرى هو تغير البيض

باشا طيب ممكن تقولي علي العفشجي بتاعك علشان الناس بتشتغلني انا في القاهره



..............

[tarek_2005]

موضوع تزيت البيضة ده مش حلو وخطر جداً لانك بتساعدها علي انها تملص من مكانها ومعلش سامحني في استخدام الفاظ دارجة بين الصنايعية (( تملص ))

[kwasfy]

موضوع تزيت البيضة ده مش حلو وخطر جداً لانك بتساعدها علي انها تملص من مكانها ومعلش سامحني في استخدام الفاظ دارجة بين الصنايعية (( تملص ))

يا كبير ماتحرمش منك .. طيب قولي علي الحوار ده حلوو ايه و فين و كاااااام اهم حاجه طبعا ..

[tarek_2005]

لابد من عفشجي ممتاذ وامين علشان سهل اوي اقولك غير كذا وكذا وانا مش غرمان حاجة وفي الاخر العيب هيروح بس هتدفع كتير لابد من تحديد مكان الصوت هل من البطاحة هيظهر من اعلي المساعد لو من بيضة مقص هتظهر من اسفل السيارة لو من بارات دركسيون هتظهر وانتا واقف امام الاطار
ثانياً 28 قليل اوي علي الكاوتش ودا يتلف الكاوتش وحمل علي علبة الدركسيون والعفشة ارفعه ل 32 كما هوا موصي به في الكاتلوج وسيبك من كلام بتوع الكاوتش انه هيخلي العربية تدبدب في المطبات والكلام غير العلمي دا انا مالئ الكاوتش عندي نيتروجين وظبطه علي 32