دعوة للنقاش : قطع الغيار الاصلية ما بين ابو الحسن و منصور شيفروليه

[maka]

هل حد لاحظ فرق جودة فى قطع الغيار الاصلية ما بين ابو الحسن و توكيل منصور شيفروليه ؟؟

لان فيه تفاووت فى الاسعار ملهوش مبرر

يعنى البطاحة الاصلية فى التوكيل ب 131 و فى ابو الحسن 120

لكن الرادياتير الاصلى فى التوكيل ب 460 و فى ابو الحسن ب 550

و ده اللى فكره

المفروض ان التوكيل اغلى فى الكل و ابو الحسن ارخص فى الكل

لكن التفاوت ده مش لقيله تفسير

و فى انتظار ارئكم و مناقشتكم

[ramyraby]

ممكن حاجة تكون استيراد ابو الحسن نفسة ؟

[newcar2011]

التوكيل اضمن

[zaza_lanos]

ابوالحسن مبيستوردش كل حاجته من منصور واسعاره ابتدت تستعبط فعلاً

[tarek_2005]

فرق ضريبة المبيعات الي ممكن يكون ابو الحسن بيزوغ منها في بعض مبيعاته لكن التوكيل ميقدرش يزوغ منها

[maka]

ابوالحسن مبيستوردش كل حاجته من منصور واسعاره ابتدت تستعبط فعلاً

+1

و الفرق بينه و بين التوكيل قريب جدا مقابل ان التوكيل مضمون عنه لانه مجرد محل

فرق ضريبة المبيعات الي ممكن يكون ابو الحسن بيزوغ منها في بعض مبيعاته لكن التوكيل ميقدرش يزوغ منها

طاب تفسر بايه يا طارق باشا ان الردياتير فى التوكيل ارخص و الفرق يقارب الـ 100 جنيه

[tarek_2005]

التوكيل الي تبع منصور بداء يلجاء للاستيراد من الصين ودا واضح في موديلات 2011 و 2012 يعني العربية بتنزل ببوينة صيني وطقم دبرياج صيني واعتقد طرمبة بنزين صيني لضغط التكلفة لكن ابو الحسن ممكن بيستورد الكوري ودا عامل فرق ثمن الردياتير الي اناتا اشرت اليه

[Abdm]

اللى هيحكم الموضوع دة هو حد يكون بيتعامل مع التوكيل وأشترى حاجة من عندة ويتأكد ويشوف بلد الصنع وما تكونش أصلية ويروح عند أبو الحسن ويشوف نفس القطعة دية هى هى ويشوف بلد الصنع ويشوف هى أصلية ولا مش أصلية ويقارن الآسعار كمان هيعرف مين الآفضل والآحسن و الآوفر .

يا ريت لو فى حد عمل الحكاية دية يقولنا تجربتة علشان الجميع يعرف ويستفيد . وجزاكم الله خيرا
والله الموفق والمستعان

[maka]

التوكيل الي تبع منصور بداء يلجاء للاستيراد من الصين ودا واضح في موديلات 2011 و 2012 يعني العربية بتنزل ببوينة صيني وطقم دبرياج صيني واعتقد طرمبة بنزين صيني لضغط التكلفة لكن ابو الحسن ممكن بيستورد الكوري ودا عامل فرق ثمن الردياتير الي اناتا اشرت اليه

يا باشا ابو الحسن مش بيستورد , ثانيا هو حاطط يافطة كبيرة عليه علامة شيفروليه و كاتب تقريبا موزع معتمد , ثالثا كنت مرة عاوز حاجة فقالى بكرة هروح اجيبها و بالدردشة مع اللى واقفين فى المحل قالى هروح اجيب البضاعة من موزع اسمه تقريبا ياسر , رابعا لاحظت ان بعض القطع بيبقى على التاكيت علامة مائية و البعض لا

انا مش بعيب فيه لكن ساعات الواحد بيلاحظ حاجات بتثير علامات استفهام

و اخيرا المفروض المورد الرسمى لقطع الغيار الـ gm يبقى منصور لانى متوقعش ان جنرال موتورز تورد لحد تانى بخلاف وكيلها

تحياتى طارق باشا

[MMamdouh]

مش شرط كل حاجة تيجى من منصور... لو كدة يبقى كل الطلمبات و البوبينات اللى فى السوق تبقى صينى

MMamdouh

[maka]

مش عارف , بس استحالة شركة ام تورد بضاعة لحد غير وكيلها

[mahdyez]

انا مره اشتريت طقم دبرياج من عنده وكان وحش وللاسف اقعد يماطل ويقلى استنى لحد مايطبع

[elpasha1]

هو المنير اللى فى فيصل وبس

[road_devil]

هو المنير اللى فى فيصل وبس

كان نفسي يا باشا أفضل محافظلك على الفكرة الحلوة ديه علشان ديه برضه كانت فكرتي عنه لحد أول أمبارح.
البلية الجي أم الي مفترض أنها الاصلية الي كنت جايبها من عنده للعربية (نوبيرا) فرطت ولك أن تتخيل حجم المأساة :((((
البلية ديه أنا مشيت بيها 15000 كيلو بس!!!
هتقولي جايز غلطة صنايعي حماااار هقلك وارد بس أنا رحت لصنايعي المفترض أنه بيفهم والمنتدى كله عارفه (محمد عبده) وكان سافحني في المصناعية (200 جنيه) تغيير طقم كاتينة وسير مجموعة فقط. بس أحققا للحق وحسب أعتقادي أنها مش غلطته, ديه غلطت المنير الي بيبيع حاجات مضروبة وحسبي الله ونعم الوكيل فيه وأنا مش مسامحه ليوم الدين في غشه ده.

أنا كنت ناوي لسه أمل موضوع منفصل علشان أنبه الناس من المنير بعد الي حصلي ده. الحمد الله وقدر الله وما شاء فعل.

[maka]

المنير للاسف ليا معه سابقة بتخلينى افكر 1000 مرة قبل ما اروح له ....... كان عاوز يبعلى ردياتير كورى على انه الاصلى