ايه الى حصل بعد كدة

[newcar2011]

انا مستغرب لشىء فى قسم الدايو اعضاء كتير بيكون عندها مشكله فى السيارة والاخوة الكرام يقترحوا الحلول وطرق علاج المشكله الى فى السيارة وفجاءه صاحب الموضوع فص ملح وداب لا بنعرف مشكلته اتحلت ازاى ولا ايه السبب الحقيقى ليها وتحس ان المشاركه ناقصه سؤال من غير جواب ---- فياريت الى يعمل موضوع يكمله للنهايه علشان نعرف عالج العطل ازاى وكلنا نستفاد

[Ahmed Nasser]

الله ينور عليك

[popahly]

عندك حق فعلاً الناس بتقول مشاكلها وأساتذتنا بتجتهد معاهم وبتساعدهم ولكن فعلاً الناس بتختفى بعد كدا محدش بيعرف هما عملم إيه ولا المشكلة إتحلت إزى للأسف...
الموضوع بيكون جميل جدا بعد الوصول لحلول من صاحب المشكلة ويقولنا علشان نستفيد زى مهو إستفاد من ناحية إنه منضحكش عليه المفروض باقى الناس تعرف المشكلة منين...

عن نفسى قبل مطرح أى موضوع لما بكون عندى مشكلة بدور فى البحث بلاقى مواضيع كتير لكن معظمها ناقصة بسبب إن صاحب الموضوع إختفى لظروف غامضة ...

[elnakshabandy]

كلام سليم
ياريت كل واحد ياخد باله

[newcar2011]

وهذا ما اتمناه ان كل واحد يقول تجربه الصيانه حتى النهايه

[engahmedsamy]

معاك اكيييد

[ahmedezzat78]

عشان كده أنا زمان عملت الموضوع ده

http://www.nilemotors.net/Nile/15210-a.html

عشا يبقى فيه خلاصه الخلاصه بعيدا عن المناقشات

الأعراض
التشخيص
الحل
التكلفه

[newcar2011]

هوة فعلا كان موضوع ممتاز وانا استفدت منه كتير واشكرك عليه

[aslam555]

فعلا الموضوع ده رخم جدااا وكان مضايقنى الاقى واحد عمل موضوع ونشارك فيه وناس كبار من مختصين الدايو يتابعوه باهتمام وبعد كده يقولك هجرب النهاردة .. استنى انه يرجع من التجربه ابداااا مافيش طب ايه الى حصل اتحلت المشكله ولا ايه ماتعرفش هو خد مصلحته وخلاص نرجو الاهتمام باالنقطه دى
وشكر لصاحب الموضوع للملاحظه الجميله دى

[Abdm]

والآفضل بردة بعد ما صاحب المشكلة يخلص الموضوع معانا ويحل المشكلة بتاعتة . يروح لموضوع مرجع لجميع اعطال و مشاكل الانوس و حلولها)

ويكتب المشكلة وحلها علشان تكون معروفة فى مكان مميز يستفيد منها جميع الآعضاء

والله الموفق والمستعان