دايو ولا شيفرولية لانوس

[PUTTPUTT]

عندي استفسار بسيط
ايه الفرق بين دايو لانوس وشيفروليه لانوس؟؟؟
انهي احسن؟؟؟؟
في فرق كبير ولا عادي مش محسوس؟؟؟
هي العربية اللانوس 2009 كويسة ولا اخبارها ايه؟؟؟
عموما انا شفت اسعار قطع الغيار في الموضوع المثبت بس قلت اسال على العربية واعتماديتها
وشكرا مقدما

[XGoGoX]

مفيش فرق كبير بين الإتنين
الإتنين بيتجمعو في مصنع مهلبيه المصري
وأحيانا في مصنع كشري
تركب العربيه زيرو تلاقي الكهربا ملخبطه والدنيا بايظه
بس دلوقت مفيش دايو جديد أو زيرو
كله مستعمل أو إستيراد معوقين
لو قدرت تلاقي وحده إستيراد معوقين وحالتها كويسه ومش ماشيه كتير
تبقى أحسن من مليون شيفروليه

أنا معايا دايو تصنيع وتقفيل كوري أصلي إستيراد معوقين
أما الشيفروليه لانوس فبتكون إنت وحظك وبتعتمد على التوكيل إللي شاري منه
لو نويت تشتري
إختار توكيل سمعته كويسه علشان تضمن عربيه نضيفه

[PUTTPUTT]

هي ليها كذا توكيل ولا ايه

[XGoGoX]

هي ليها كذا توكيل ولا ايه

أنا أقصد المعرض تختار معرض سمعته كويسه
لو نويت يبقى تجيب من الوكيل الوحيد وهو المنصور للسيارات على ما أعتقد
وياريت إخوانا إللي شاريين شيفروليه لانوس جديد يضيفو لو أنا غلطان في حاجه

[ahmedezzat78]

مافش فرق بين الدايو و الشيفورليه هيه هيه نفس العربيه لكن يقال ان الموبينه و طلمبه البنزين فى الشيفورليه صينى و دول أصلا يعن قطع مستهلكه هتغيرهم بعد انتهاء الضمان

عامه أعرف ناس كتير معاهم شيفورليه لانوس و أفيو و اوبترا و بيغرو قطع غيار كتير فى الضمان (موبينه و طلمبه بنزين و ردياتير و عدادات طابلوه و طنابير .... الخ) الجميل عند منصور ان الحاجه بتتغير ببلاش فى الضمان بدون نقاش أو جدال و خناقات عكس ما كان ابو الفتوح بيعمل فى دايو .... كل حاجه يقولك عيب استخدام و لازم تغيرها على حسابك

لو بتقارن دايو مستعمل بشيفورليه زيرو ...... الزيرو يكسب طبعا (طعم تانى خالص)

[PUTTPUTT]

مافش فرق بين الدايو و الشيفورليه هيه هيه نفس العربيه لكن يقال ان الموبينه و طلمبه البنزين فى الشيفورليه صينى و دول أصلا يعن قطع مستهلكه هتغيرهم بعد انتهاء الضمان

عامه أعرف ناس كتير معاهم شيفورليه لانوس و أفيو و اوبترا و بيغرو قطع غيار كتير فى الضمان (موبينه و طلمبه بنزين و ردياتير و عدادات طابلوه و طنابير .... الخ) الجميل عند منصور ان الحاجه بتتغير ببلاش فى الضمان بدون نقاش أو جدال و خناقات عكس ما كان ابو الفتوح بيعمل فى دايو .... كل حاجه يقولك عيب استخدام و لازم تغيرها على حسابك

لو بتقارن دايو مستعمل بشيفورليه زيرو ...... الزيرو يكسب طبعا (طعم تانى خالص)

انا قصدي العربية كويسة ولا مش اوي
وبعدين اعتمادية لاني سمعت ان الدايو احسن بكتير من الشيفرولية بس مش عارف ليه
وبيتهيالي لو الاتنين نفس قطع الغيار يبقى مافيش فرق

[ahmedezzat78]

العربيه كويسه جدا و يعتمد عليها و قطع غيارها عند البقالين بجميع الدرجات من أول الأصلى مرورا بالكورى درجه اولى و ثانيه و الصينى و كمان الاستيراد

العربيتين واحد و قطع غيارهم واحد

أكبر دليل على اعتماديتها انها اتعملت تاكسى و انتشارها الرهيب و استمرار انتاجها نتيجه الاقبال على شرائها

[XGoGoX]

انا قصدي العربية كويسة ولا مش اوي
وبعدين اعتمادية لاني سمعت ان الدايو احسن بكتير من الشيفرولية بس مش عارف ليه
وبيتهيالي لو الاتنين نفس قطع الغيار يبقى مافيش فرق

الدايو لانوس أحسن من الشيفروليه أه
إنما الشيفروليه لانوس لسه لم تثبت كفائتها بعد
مش أقل من عشر سنين تعدي علشان نقدر ناخد رأي الناس فيها

[Abdm]

الدايو لانوس أحسن من الشيفروليه أه
إنما الشيفروليه لانوس لسه لم تثبت كفائتها بعد
مش أقل من عشر سنين تعدي علشان نقدر ناخد رأي الناس فيها

يا باشا عشر سنين أية أنت بتتريق ولا بتتكلم جد . الشفرولية هى الدايو ما فيش أختلاف كبير خالص أن لم يكن مفيش أختلاف نهائى يعنى ما فيش فرق كبير محسوس بينهم .

نجى لنقط تانية أى عربية بعد 5 سنيين بتكون أتعرفت وأنتشرت .تقوم حضرتك تقول على الشفرولية اللانوس اللى هى أصلا دايو لانوس أنها لسة هننتظر أنها تثبت كفاءتها كمان 10 سنين

والشفرولية لانوس بقالها 4 سنين بتتباع بأسم شفرولية هما 4 سنين دول قليلين على عربية أصلا كانت موجودة وما أتغيرش فيها حاجة جوهرية أو من الآساسيات بتاعتها يعنى 4 سنين وقبلهم 9 سنين بأسم دايو لانوس يبقى 13 سنة .

الخلاصة : يعنى لو معاك فلوس الزيرو تشترى دايو لانوس موديل 2008 حالة كويسة بدون أى تعديلات أو أضافات . ولا تشترى شفرولية لانوس زيرو موديل 2012 .

والله الموفق والمستعان

[XGoGoX]

العربيه بتحتاج فتره علشان تقدر تحدد سوق المستعمل بتاعها كويس ولا لأ
كذلك إستخدام عدد كبير من المستخدمين وكلما زادت فترت الإستخدام
كلما قدرت تاخد معلومات تقدر عندها تكون متطمن ميه في الميه وتشتري العربيه

وبالنسبه للفرق بين الشيفروليه والدايو
في فرق وده مش كلامي
ده كلام ناس ركبو العربيتين وعارفين

[ahmedezzat78]

يا باشا عشر سنين أية أنت بتتريق ولا بتتكلم جد . الشفرولية هى الدايو ما فيش أختلاف كبير خالص أن لم يكن مفيش أختلاف نهائى يعنى ما فيش فرق كبير محسوس بينهم .

نجى لنقط تانية أى عربية بعد 5 سنيين بتكون أتعرفت وأنتشرت .تقوم حضرتك تقول على الشفرولية اللانوس اللى هى أصلا دايو لانوس أنها لسة هننتظر أنها تثبت كفاءتها كمان 10 سنين

والشفرولية لانوس بقالها 4 سنين بتتباع بأسم شفرولية هما 4 سنين دول قليلين على عربية أصلا كانت موجودة وما أتغيرش فيها حاجة جوهرية أو من الآساسيات بتاعتها يعنى 4 سنين وقبلهم 9 سنين بأسم دايو لانوس يبقى 13 سنة .

الخلاصة : يعنى لو معاك فلوس الزيرو تشترى دايو لانوس موديل 2008 حالة كويسة بدون أى تعديلات أو أضافات . ولا تشترى شفرولية لانوس زيرو موديل 2012 .

والله الموفق والمستعان

زيرو طبعا

العربيه بتحتاج فتره علشان تقدر تحدد سوق المستعمل بتاعها كويس ولا لأ
كذلك إستخدام عدد كبير من المستخدمين وكلما زادت فترت الإستخدام
كلما قدرت تاخد معلومات تقدر عندها تكون متطمن ميه في الميه وتشتري العربيه

وبالنسبه للفرق بين الشيفروليه والدايو
في فرق وده مش كلامي
ده كلام ناس ركبو العربيتين وعارفين

ايه الفرق غير الكاسيت؟

[mero100]

تحياتي للمهندس / احمد عزت علي مشاركاته البناءه و الهادئه ... و منطقيته في النقاش و المقارنات بدون تحيز ...

عمرو ابراهيم

[mailo]

لأ كتير بصراحة

[ahmedezzat78]

تحياتي للمهندس / احمد عزت علي مشاركاته البناءه و الهادئه ... و منطقيته في النقاش و المقارنات بدون تحيز ...

عمرو ابراهيم

شكرا استاذ عمرو
أخجلتم تواضعنا

[minicooper20]

هى هى