خبرجديد : حسن الكبير اخد ورشة مستقلة

[blazer]

انا فعلا بعمل زى استاذ طارق على قد ما اقدر
بفضل اشوف المشكله واقرى فى الكتالوج واسئل اخواتى هنا فى المنتدى
لحد ما احدد عاوز اعمل ايه
لو هقدر اعمله بنفسى يبقى خير وبركه
لو مقدرتش بروح للميكانيكى وانا شارى قطع الغيار معاى وهو يفك ويركب وعلى قد ما اقدر اكون عارف هو القطعه دى بتتغير ازاى

[tarek_2005]

ماهو حضرتك يمكن العربيه كانت محتاجه حاجات كتير تتعمل وبصراحة انا واحد من الناس بسيب العربية لغاية الآخر وبعد كده اروح اتصدم فى اللى هيتعمل فيها وبصراحة بحس انهم كل حاجه عايزه تتغير ومش عارف ده فعلا محتاج ةلا لأ ؟!بس اللى انا مقتنع بيه بس هو اللى انا بعمله بس

بقالي سنة من بعد مروحتله ولسة مغيرتش نصف الحاجات الي قالي انها عايزة تتغير من سنة زي
1 - طقم دبرياج كامل (( اسطوانة +دسك +بلية + فرش )) والعربية سافرت بيها ومشيت علي سرعة 175 كم وكان ممكن ازود
2 - طقم مساعدين امامي بالبطاحات والكوبيات ولسة مغيرتش حاجة منهم لغاية دلوقتي لان العيب كان في جلب المقصات
3 - ردياتير لانه مسدود ولسه شغال لغاية دلوقتي وطلع تسريب مياه من الكوعه الالمونيوم وعدم وجود الثرموستات الميكانيكي
الخ
الخ
الخ
هعد افرد تفاصيل كتير مش قلتلك خرجة من عنده حسيت اني راكب (( سلة مهملات ))

[profrivo]

يعنى عاوزين نعرف من السادة الاعضاء... محمد عبدة صنايعى شاطر لوحدة ولا حسن هو اللى كان مشغله؟

[a_wagih79]

يا جماعة ...... انا مش عارف انهى احسن حسن الكبير و لا محمد عبده ....... لان كل كلام الاعضاء فى الموضوع السابق بيقول ان حسن انسان لا يؤتمن ....... و بيمشى شمال .....

وده لينك الموضوع القديم

http://www.nilemotors.net/Nile/29619-a-6.html

و خاصة ان استاذ / محمد ممدوح ما شكرش فيه نهائى




يا ريت حد يفيدنا مظبوط لانى عايز اظبط كام حاجة فى العربية

[egale2008]

والله اللى بيرتاح مع عبدو يروحلو والله بيرتاح مع حسن يروحلو - الموضوع راحه نفسية - محمد كان صاحب الورشة وحسن كان صنايعي فى الورشة حسن شاطر ومحمد شاطر وانا كل اللي يهمينى ان شغلي يتعمل صح من غير فذلكه ولا تغيير حاجه ملهاش داعي تتغير .
انا اللى كان بيشتغلى فى العربية من اول مادخل لغاية ماخلص حسن ومحمد كان بيعمل تشيكه كل شويه عملت كذا عملت كذا ......

انما موضوع الأخلاص ومخلص بصراحة انا سمعت اللى حصل من طرف واحد بس ماسمعتش من الطرف التانى والحكم يكون بعد سماع الطرفين

[ahmedezzat78]

انا بعنله اثنين أصحابى من سكان الهرم و الجيزه و الاثنين قالو ان حسن هوه اللى شايل الشغل و محمد عبده مش موجود طول النهار لأنه فى التوكيل

بس فعلا هو عمل معاهم زى الأستاذ طارق ماقال .... غير كل حاجه جديد فى جديد

[Abdm]

بقالي سنة من بعد مروحتله ولسة مغيرتش نصف الحاجات الي قالي انها عايزة تتغير من سنة زي
1 - طقم دبرياج كامل (( اسطوانة +دسك +بلية + فرش )) والعربية سافرت بيها ومشيت علي سرعة 175 كم وكان ممكن ازود
2 - طقم مساعدين امامي بالبطاحات والكوبيات ولسة مغيرتش حاجة منهم لغاية دلوقتي لان العيب كان في جلب المقصات
3 - ردياتير لانه مسدود ولسه شغال لغاية دلوقتي وطلع تسريب مياه من الكوعه الالمونيوم وعدم وجود الثرموستات الميكانيكي
الخ
الخ
الخ
هعد افرد تفاصيل كتير مش قلتلك خرجة من عنده حسيت اني راكب (( سلة مهملات ))

بشمهندس طارق اللى طلب من حضرتك كل الحاجات دية المفروض تتغير مين محمد عبدة ولا حسن الكبير يا ريت التوضيح لو سمحت .

وجزاكم الله خيرا

[تامر.محمد]

صنيعى ممكن إنما مخلص دى ممكن افكر فيها شوية... هى ارزاق ربنا يسهل لعبيده...

+1

يا جماعة ...... انا مش عارف انهى احسن حسن الكبير و لا محمد عبده ....... لان كل كلام الاعضاء فى الموضوع السابق بيقول ان حسن انسان لا يؤتمن ....... و بيمشى شمال .....

انا رحت عندهم مرتين بالعدد , و بسبب المصنعية المبالغ فيها جدا + حسن الكبير
ما رحتش تاني

[MMamdouh]

السادة الأفاضل الاخوة الاعزاء السلام عليكم جميعا و حشني جدا خاصة اني بقيت مقل في الدخول علي النت الفترة اللي فاتت علشان ظروف الشغل و غبت عن المقابلة اللي فاتت و محدش اتصل سال .

انت اللى بتنفضلنا يا معلم

عرفت خبر جديد قلت اعرفه لاخواتي علشان الصالح العام و رواد القسم من زباين محمد عبده طبعا كلهم عارفين حسن الكبير و كلهم عارفين قد ايه الراجل ده صنايعي و محترم و مخلص في شغله و هو اللي كان شايل الشغل كله عند محمد عبده المهم حبيت اقلكم انه فتح ورشة مستقلة
في شارع التلاتين في فيصل و دي ارقام التليفون بتاعته 0123138169 - 01525264640

للعلم حسن الكبير ساب الورشة عشان عمل مشكلة مع عبدة تتخلص فى انة كان بيبيع قطع غيار من داخل الورشة لحسابة الخاص... الناس اللى اتعاملت مع حسن الكبير عارفين انة فى مواضيع الفلوس مش تمام بس الواقعة دى جابت اخر الحوار مع عبدة

MMamdouh

[MMamdouh]

هو كويس ولا وحش؟

كصنايعى هو كويس... لكن من النواحى المادية... هيروحك من غير هدومك

وهل محمد عبده احسن ولا هو؟

عبدة احسن فنيا و فى التعامل المادى

لانى حسيت من كلام الاعضاء ان عبده افضلو ان حسن كان شغله مش كويس او حاجه زى كدا
فياريت توضيح

للامانة هو صنايعى كويس... بس عندة مشاكل تانية غير الصنعة زى ما وضحت قبل كدة

MMamdouh

[MMamdouh]

الحقيقة ان اللي كان شايل الشغل كله هو حسن و عبده كان استشاري مش بيشتغل بايده تقريبا خالص و خد بال حضرتك انه في اتنين حسن في الورشة انا بتكلم عن حسن الكبير مش الصغير و هو زي ما قلت صنايعي جدا و فاهم شغله اوي و مخلص فيه

حسن كان شايل الشغل لمجرد انة مش شغال الصبح و فاضى... عبدة و حسن الصغير شغالين فى التوكيل الصبح لحد 4 مساء

و حاليا اسلام هو اللى موجود فى ورشة عبدة الصبح

MMamdouh

[MMamdouh]

المهم يبطل يشتم ويسب للصنايعيه اللى معاه لان ودانا تعبت من قله الادب

صنيعى ممكن إنما مخلص دى ممكن افكر فيها شوية... هى ارزاق ربنا يسهل لعبيده...

+1

MMamdouh

[MMamdouh]

يعنى عاوزين نعرف من السادة الاعضاء... محمد عبدة صنايعى شاطر لوحدة ولا حسن هو اللى كان مشغله؟

الورشة اصلا بتاعت عبدة و حسن شغال عندة... الناس اخدت انطباع ان حسن هو نمرة 1 لانة هو المتواجد دايما و دة مش صح

حسن بيشتغل فى العربيات عادى بس لما بيعطل بيشير عبدة... يعنى عبدة هو المرجع بتاع حسن مش العكس

و سبب الخلاف بينهم مكنش حاجة ليها علاقة بالصنعة انما موضوع له دخل بالامانة فى الشغل... اعتقد انا مش محتاج اوضح اكتر من كدة

MMamdouh

[mailo]

السادة الأفاضل الاخوة الاعزاء السلام عليكم جميعا و حشني جدا خاصة اني بقيت مقل في الدخول علي النت الفترة اللي فاتت علشان ظروف الشغل و غبت عن المقابلة اللي فاتت و محدش اتصل سال

راجع يا باشا ال log بتاع الموبيل بتاعك هتلاقيني مكلمك يومها عشان أشوفك رايح ولا لأ
وكمان قبلها بكام يوم كنت رايح النادي اقضي اليوم و كلمتك وإنت برده مرديتش

انت اللى بتنفضلنا يا معلم
MMamdouh

+1

[haimaN]

انا عن نفسي لا اتعامل مع عبده او اي احد من ورشته لان المرة الوحيدة الي رحتله فيها وطلع يجرب العربية وكشف عليها حسيت وانا ماشي من عنده اني راكب اسف علي اللفظ (( سلة مهملات )) مش عربية كان تقريباً عايز يغيير كل حاجة في العربية

كلامك والله العظيم مضبوط 100% لانى روحتله مرة واحده بس ومن ساعتها مش رحت ومش هاروح لانى هاحكى التجربة بالضبط

روحته قالى عندك اى قلتله انا العربية فى المطبات الصغيرة لو فى زلط فى الارض او كده العربية بحس انها مفكوكه شوية من تحت من الجنب الشمال لكن الموتور وكله تمام

خد العربية وقالى تعالى اركب وركبت وطلع من الشارع بتاعه الى شارع يمين كده مدغدغ بمعنى الكلمة كانوا بيعملوا فيه مواسير صرف وعين ما تشوف الا النور طحن فى العربية لدرجة والله العظيم انا دماغى خبطه فى السقف هههههههههههه قلتله ياباشا انا اصلا عمرى ما عملت بالعربية كده ولا عمرى هادخل فى شارع زى ده اصلا قالى لازم كده علشان تعرف كل اللىب ايظ فى العربية قلتله تمام

رجعنا الورشة
وجاب ورقة وقلم وكتب الاتى :-
1- طقم مساعدين امامى مونروا
2- طقم مساعدين خلفى مونروا
3- مقصات اسبانى
4- برات طرف
5- كبايات اصلى
6- تيش ميزان او كاوتش مش فاكر ميزان
7- وصليبة داخليه دريكسيون
8- وصليبة خارجية دريكسيون

وكان فى حاجتين كمان مش فاكرهم

المهم طبعا انا اتخطيت لان حاجات كتير جدا جدا واذا كل الحاجات ده بايظة وانا بمشى بالعربية ومش بسمع غير اللى قلتله عليه
فا طبعا قلتله هى العربية عايزة ده كله بجد قالى اه طبعا قلتله طيب ما طبيعى يا هندسة انا لو جبت عربية خرده وركبتلها الحاجات ده هاترجع جديدة لان انت كده غيرت كل حاجة ومش فى اى حاجة تقريبا ناقصة غير الموتور والفتيس فى العربية
ضحك وقالى علشان تاخد شغل مضبوط قلتله ان شاء الله هاشوف سعر الحاجة وهاجيلك على اول الشهر ان شاء الله

وخرجت من عنده وقله والله هاروح لمركز صيانة تانى واشوف هايقول اى
روحت لمركز اللى بتعامل معاه دلوقتى قالى المقصات هى اللى بايظة وكل حاجة زى الفل
المهم مش غيرت برده وقلت انا كده كده رايح اعمل السيور فى التوكيل هاخليهم يكشفوا على كل جاجة بالمرة المهم روحت قالوا المقصات بس اللى بايظة والباقى سليم

رجعت لمركز الصيانة وفك المقصات وركب جلب من عنده بتاعت تويوتا والحمد لله العربية بقالها اكتر من سنة ماشية مش فيها اى حاجة
ومن ساعتها قلت عمرى ما اروحله تانى
معلش طولت عليكم بس انا ما صدقت ان الموضوع اتفتح لانى من زمان عايز اكتب كده وخفت ليكون مخالف