علبه البيئه

[ahmedezzat78]

الفلتر الرياضى بيركب مكان فلتر الهواء لزياده الأداء و ده موضوع تانى خالص غير الشكمان و علبه البيئه

علبه البيئه لما بتتلغى بيركب مكانها حاجه من اثنين:
1- ماسوره بفلانشتين ( حاجه بتاع 20 او 30 جنيه)
2- علبه شكمان صغيره بفلانشتين (حوالى 80 جنيه)

اللى عملو الحل الأول اشتكو من صوت الشكمان

انا عملت الحل الثانى و شايف ان صوت العربيه طبيعى جدا

[XGoGoX]

ده شكل الشكمان من غير علبة البيئه

[mero100]

ا/ احمد عزت ...تحياتي

الراجل يا جماعه جاب من الاخر :-)

هوة بيقول انه مجرب الحل التاني ..اللي هوة تركيب علبه شكمان صغيره .. و الصوت طبيعي جدا ... و دة اهم حاجة

لكن فيه سؤال هنا ...علبه البيئه بقالهاا تقريبا سنه معايا و عربيتي لانوس 2011 .... مهندس من التوكيل كان قاللي لما يمر عليها سنه حنشلهالك .....ايه رأيكم ؟؟

تحياتي
عمرو ابراهيم

[omrkhaled]

علبة البيئة تمنها تقريبا 300 جنية

[Abdm]

الفلتر الرياضى بيركب مكان فلتر الهواء لزياده الأداء و ده موضوع تانى خالص غير الشكمان و علبه البيئه

علبه البيئه لما بتتلغى بيركب مكانها حاجه من اثنين:
1- ماسوره بفلانشتين ( حاجه بتاع 20 او 30 جنيه)
2- علبه شكمان صغيره بفلانشتين (حوالى 80 جنيه)

اللى عملو الحل الأول اشتكو من صوت الشكمان

انا عملت الحل الثانى و شايف ان صوت العربيه طبيعى جدا

شكرا جزيلا ليك يا أستاذ أحمد على التوضيح الممتاذ دة .

بالنسبة للحل التانى طبعا أفضل لكن بعض الآخوة الآعضاء فى الموضوع المرفق الينك بتاعة فى الموضوع بتاعنا فوق عملوا الحل التانى بطريقة تانية وهو :

وضعوا وصلة ماسورة شكمان داخل علبة البيئة يعنى لغوا وظيفة علبة البيئة وظيفيا لكن خلوها موجودة شكليا فقط وبردوة أرتاحوا وبقى ما فيش مشاكل . فيا ترى أية رايكم فى الحل دة .
وجزاكم الله خيرا

[Seifmando]

علبة البيئة تمنها تقريبا 300 جنية

دي فين دي !!
انا جايب واحدة استيراد للفيرنا بـ900 جنيه

[Abdm]

دي فين دي !!
انا جايب واحدة استيراد للفيرنا بـ900 جنيه

ما هو دة الفرق يا باشا بين الفرنا واللانوس أن حاجة اللانوس أرخص وأحسن ..هههههههه أنا بهزر طبعا .

نجى بقى للجد حضرتك دية ثمنها غالى قوى كدة لية أمال لو جديدة ثمنها كام ... ولية حضرتك ما فكرتش تركب وصلة شكمان أو علبة شكمان بدلها وتقضى الغرض .

والله الموفق والمستعان

[Seifmando]

كان فيه ناس نصحونى بانى اشيا علبة البيئة من الفيرنا وهلاقيها صاروخ اكتر ما هي
عملت كدا وركبت الوصلة والعربية اصبحت طيارة
بس للاسف الحلو ميكملش كان فيه صوت رنة مزعجة جداً لما كنت بزود بنزين

قمت جايب واحدة استيراد ومركبها تانى لانى كنت بعت الاولانية بـ 350 جنيه والصوت راح بس كمان السحبة راحت

[XGoGoX]

كان فيه ناس نصحونى بانى اشيا علبة البيئة من الفيرنا وهلاقيها صاروخ اكتر ما هي
عملت كدا وركبت الوصلة والعربية اصبحت طيارة
بس للاسف الحلو ميكملش كان فيه صوت رنة مزعجة جداً لما كنت بزود بنزين

قمت جايب واحدة استيراد ومركبها تانى لانى كنت بعت الاولانية بـ 350 جنيه والصوت راح بس كمان السحبة راحت

صوت الرنه يتعالج ياباشا
أنا كان عندي سنفونية بتهوفن تحت العربيه
ومكنتش شايل حاجه وعلبة البيئه موجوده
رحت للشكماننجي حط العربيه عالحفره ونزل تحت عشر دقايق وقالي جرب
الأصوات راحت

إنما لو الموضوع ده بيفرق في السحب زي مبتقول
وشيل البيئه ملهوش أي أثار جانبيه يبقى أشيل وانا متطمن
ياريت الناس إللي جربت والخبره تقولنا في أثار جانبيه ولا لأ

[Seifmando]

صوت الرنه يتعالج ياباشا
أنا كان عندي سنفونية بتهوفن تحت العربيه
ومكنتش شايل حاجه وعلبة البيئه موجوده
رحت للشكماننجي حط العربيه عالحفره ونزل تحت عشر دقايق وقالي جرب
الأصوات راحت
طيب متقولنا هو عمل ايه للافادة

إنما لو الموضوع ده بيفرق في السحب زي مبتقول
عن تجربة شخصية بيفرق كتير
وشيل البيئه ملهوش أي أثار جانبيه يبقى أشيل وانا متطمن
انا مقولتش ان ملهوش اضرار
ياريت الناس إللي جربت والخبره تقولنا في أثار جانبيه ولا لأ

الاثار الجانبية ممكن تكون تلوث البيئة والصوت (بس انت قلت ان الصوت له حل)

[mero824]

بص انا شيلتها وشاكلى هركبها تانى... كانت بتسخن الكونسول فى المشاوير التقيلة... خنقة العربية كدا كدا عندى من رشاشات الأكسنت.. الماسورة بالفلانشتين تبقى كابس بنزين مثلا وانت على السلانسيه وتسيب تحس بهزة كدا فى العربية او تحس ان العربية بتنعر فى الآخر ودا هحله إن شاء الله عند بتاع الشكمانات يإما يشوف حل فى الموضوع دا أو أركبها تانى.. ونصيحة كان محمد ممدوح قايلها أوعى لو شيلتها تسيبها لبتاع الشكمانات خدها معاك

انت كده يا باشا خوفنى اكتر لان واحد قالى انه شلها وبقى حاسس انو مركب ديفل مخروم وانا اصلا مبحبش الصوت العالى