صوت موتور اللانوس

[aliyehia]

انا عندى سؤال حيجننى من زمان
العربيات اللانوس ليها صوت زنه مميزه فى الموتور تظهر بوضوح اثناء التسارع
و ده فى جميع الموديلات حتى الزيرو
لدرجه ان الواحد و هو ماشى فى الشارع و فيه عربيه لانوس جايه من وراه و لسه ماشفهاش يعرف انها لانوس من صوت الموتور
انا ما باقولش انه صوت مزعج لما تاخد عليه
لكن طول عمرى نفسى اعرف سببه
و شكرا

[tarek_2005]

لكل عربية صوت مميز لاصحاب الاذن الحساسة مثلك يمكن تميز صوت محركات السيارات ومعرفة نوعها من صوتها ودا بيبقي لطبيعة وميكانيكية تركيب سير الكاتينة بالاخص بجانب فرن الشكمان والمانفولد و عمة فلتر الهواء

[ahmed_mido1889]

صوت اللانوس اللي تحس انه زي نعره بيبقي من فلتر الهواء او المانفولد

[Ahmed Nasser]

هو اساسا صوت المواتير فى الدايو عالى

[newcar2011]

عالى بس حلو

[ahmedezzat78]

عالى بس حلو

انا سمعت صوت بعض موديلات bmw فيها نغمه بضو قريبه من الانوس

[Ahmed Nasser]

عالى بس حلو

طبعا
ومناسب ليا جدا كشاب شد وجرى
لانى مش بحب الديفل والعك دة

[zocor742]

كل اصحابى بيقولولى ركب فلتر اسبور على النعرة اللى عندك هتسمع احلى صوت
بس انا حابة على كدة بس لما الجكمان يكون مش مظبوت الصوت بيبوظ اظبت جكمانك وانت تستمتع بنغمة الدايو بالزات النوبيرا مميزة

[newcar2011]

انا بحب صوت عربيتى جدااااااااااا

[mero100]

ربنا يطمنكم :-)

يعني الصوت دة حاجة كويسه ؟؟....

انا عربيتي لانوس 2011 و كنت متضايق من صوت الموتور

[aliyosef]

بالنسبه ليا شخصيا صوت النعره دى مزيكا وانا طالع بالعربيه وياسلام لو اشاره وانا اول واحد تسمع احلى عننننننننننننننننننننننننننننننن
وساعات تانيه اقول هى صوتها ماكنش هادى ليه زى الهوندا بس الحمد لله

[Ahmed Nasser]

كل اصحابى بيقولولى ركب فلتر اسبور على النعرة اللى عندك هتسمع احلى صوت
بس انا حابة على كدة بس لما الجكمان يكون مش مظبوت الصوت بيبوظ اظبت جكمانك وانت تستمتع بنغمة الدايو بالزات النوبيرا مميزة

انا لما علب الشكمان ضربت عندى
كنت ماشى بهز الطريق كلة
ومع ان الصوت كان عالى جداااا كنت مستمتع بية

[zocor742]

انا لما علب الشكمان ضربت عندى
كنت ماشى بهز الطريق كلة
ومع ان الصوت كان عالى جداااا كنت مستمتع بية

بص حصلى كام نمرة خصوصا ان الجكمان من سنة 99 يعدى على الاقل عشر سنين
فاكنت متوقع هخيرة هخيرة
بس لما بيتدى يشتكى اول حاجة علبة البيئة كاااانت مكتوووووووومة ومفيها رايش بيعمل خشللة مع دوسة البنزين وكان العربية ....... غيرتها بس مش بعلبة بيئة اسنبدلتها برنان علبة كدة زلى علبة البيئة اللى كانت راكبة بس اصغر ومفهاااش فحم والماسورة الداخلية مخرمة ....

بالنسبة للصوت النعرة بعد ما بدلت البيئة بعلبة رنان بماسورة جديدة معاها العربية ارتاحت ورجعت فايقة من حالتها قبل ماتتكتم بس النعرة بقت اخسن وليها رنة مميزة عن معظم النوبيرا ,
العلبة الوسط برضو بدأت تخروش وتشخلل واحد قالى تعالى اوديك لواحد بس من الاخر روحت معاة وصلنا الورشة لقيتها ورشة على ما اسم كل علابها بلدى بصراحة ركب علبة بلدى مكملتش اسبوع كان جة بدالها علبة ابو اليزيد بس الحق يتقال لحم العلبة الفبريكة تحس انها لوجديدة هتضرب ابواليزيد وتاكلها ....... صوت العربية بالظبت علابية تمنينات بس الفرق ان الصوت انعم بس نفس الفووووووووووووووو الرخمة دى .... ابو اليزيد ظبطت صوت الجكمان بقى انعم بكتييييير من الاول حسيط انى غيرت الجكمان كلة .
اخيرا سوستة الجكمان بالماسورة شكلهم مكنش مكيفنى حسيت انهم قدموا بس كل ما اسئل بتاع جكمانات يسدلى الجكمان من ورا ويخلى واحد يشوف فى اى تنفيس ولا لأ وكلهم دمام ميهمش شكلهم اهم حاجة مفيش تنفيس احبط على كدة لحد ما السوستة سمعت كان صوتها فظيع كأنك مركب ديفيل صوتة وحش ومخروم كمان ,,,, وكمان عزم العربية فى الباى باى باى
روحت غيرت النازلة بالسوستة وباقى الوصلة وفك وركب
دور بقى يااااااااة الصووووت هد ى ى ى وبقى ناعم رجع لاصلة والنعرة بقت جميلة ممتعة تسخنك على الغيااارات
فاضلى العلبة الخلفية دى لسة متغيرت ومعرفش لو اتغيرت صوت الجكمان هيظبت كمان وكمان هيا حالتها كويسة مفيش انبعاث اصوان منها هاااا اتكل على الله واشقلب ولا استفاد لحد ما تاخد وقتها ويبقى نشلبها
انا طولت عليكم بس قولت اقول اللى حصل معايا لعل وعسى ممكن واحد تشابهة حاجة من دى