نصحية للى عايز يغير مساعدين LANOs

[misho2008]

بعد السلام عليكم جميعا
حبيت انقل تجربتى عن تغيير المساعدين من حوالى 6 شهور غيرت 4 مساعدين فى عربيتى(الانوس2( وجبتهمkyp المهم كنت بسمع صوت خبطة صغيرة من الجنب اليمين ورا اول ما غيرتهم قولت اكيد مش مساعدين وطنشت والصوت زى ما هو؟؟؟؟؟؟؟
امبارح واحد صحبى قالى عايز اغير المساعدين بتوع عربيتى اخدت منة العربية ورحت للميكانيكى واشترت اربع مساعدين kyp
الامامى 370
والخلفى 205
وبطحتين 110
المهم بعد ما غيرت المساعدين وطلعت اجرب العربية ظهر نفس الصوت اللى عندى فى عربيتى اللى هو صوت خبطة لما الارض تبقى فيها تراب وحصى

مش عارف اية المشكلة فى المساعدين kyp الخلفى بالذات

[tarek_2005]

انا مركب الخلفي kyp من شهرين وزي الفل لا صوت ولاغيره انتا جبتهم منين واصلي ولا مضروبين تحت السلم (( اسف علي التعبير )) بس مش لاقي حاجة تانية اقولها

[misho2008]

الف شكر على الرد يا استاذ طارق انا جبتهم من البنا فى التوفقية العلبة الزرقا ومكتوب بلد المنشأ اليابان انا اللى خلانى اتأكد انها مساعدين بعد ما غيرتهم فى عربيت صاحبى ظهر نفس الصوت اللى عندى مع العلم انو المساعدين القديمة كانت كورى بس خفيفة وكنش فية الصوت دة
والمساعد تركيبة مش صعب

[tarek_2005]

الله اعلم بالحصل عندك وعند زميلك بس انا مركبهم والله زي الفل وجايبهم من الخواجة في البحر الاعظم ب 220 جم

[lanos_power]

نس الصوت عندى على فكره مع العلم انهم ممتازين و بيدوا ثبات هايل للعربيه

[misho2008]

المساعدين حلوة اوى وشكلها نضيف بس المشكلة فى الصوت التكة الحفيفة

[apoadel_vip]

بعد السلام عليكم جميعا
حبيت انقل تجربتى عن تغيير المساعدين من حوالى 6 شهور غيرت 4 مساعدين فى عربيتى(الانوس2( وجبتهمkyp المهم كنت بسمع صوت خبطة صغيرة من الجنب اليمين ورا اول ما غيرتهم قولت اكيد مش مساعدين وطنشت والصوت زى ما هو؟؟؟؟؟؟؟
امبارح واحد صحبى قالى عايز اغير المساعدين بتوع عربيتى اخدت منة العربية ورحت للميكانيكى واشترت اربع مساعدين kyp
الامامى 370
والخلفى 205
وبطحتين 110
المهم بعد ما غيرت المساعدين وطلعت اجرب العربية ظهر نفس الصوت اللى عندى فى عربيتى اللى هو صوت خبطة لما الارض تبقى فيها تراب وحصى

مش عارف اية المشكلة فى المساعدين kyp الخلفى بالذات

انا مركب مساعدين kyb امامي وفعلا بسمع خبطه بسيطه الجنب اليمين في الحتت المكسره ..بس الحقيقه انا معرفش العيب منهم ولا لا

[maka]

و عن تجربتك يا استاذ طارق المونرو افضل و لا kyb

[m_arazik]

ممكن تكون جلب الدنجل الخلفى مهرية ودى ممكن تعمل الصوت ده بس تغيرها مقرف وهيفك الدنجل كله ومعاه الطنابير الخلفية عشان تغييرة .. خللى عفشجى كويس يبص عليهم الاول قبل فكهم وهما ال 2 gm من عند ابو الحسن لسه جايبهم الشهر اللى قبل اللى فات ب 60 جنية الاتنين

[zaza_lanos]

المونرو بسم الله ما شاء الله
لا يعلى عليه

[maka]

المونرو بسم الله ما شاء الله
لا يعلى عليه

+1

و متركنش تانى فى نص الشارع يا كابتن

[E_medo77]

انا كان عندى نفس الصوت وغيرت البطاحات وربطت عفشه وفضل الصوت كما هو وفى الاخر قاللى الميكانيكى انه عيب كاوتش ميزان داخلى جبته تقريبا ب 10 جنيه وغيرته وبقت تمام جدا ولا وجود للصوت

[misho2008]

كاوتش الميزان امامى ولايوجد كاوتش ميزان خلفى
الموضوع انا ادرجتة عشان اللى عايز يغير مساعدين مع احترامى لكل الاراء بلاش kyb خلفى لانى انا كدة جربتو مرتين
اتأكدت انو الصوت منة لانى قبل ما اغير المساعدين ما كنش فى الصوت دة
لكن مش بنكر انو المساعد kyb كويس
اول ما تطلع بالعربية الصبح وانت راكن من بليل تحس انها ناشفة شوية وبعد المساعد ما بيشتغل بتبقى كويسة

[tarek_2005]

و عن تجربتك يا استاذ طارق المونرو افضل و لا kyb

المقارنة هنا لها شقين
1 - السعر

وطبعاً ال kyb تتفوق


2 - الجودة

وطبعاً المونرو لايعلوا عليها شيئ

[maka]

شكرا استاذ طارق