اويل سيل الباور

[mohamed_fayek]

اويل سيل الباور عندى بيسرب زيت من تحت الدواسات الميكانيكى قالى هات اويل سيل وانا اغيرهولك مفيش مشكله ده عادى فى اللانوس رحت اشتريه من المحل بتاع قطع غيار صاحب المحل قالى دة مسكن بس شهر او اثنين هيضرب تانى الاحسن غير الاسكاترا كلها فهل كلامه دة صحيح مع العلم ان السيارة موديل 2009

[hardy_mero]

الكلام ده مش مظبوط لو والاويل سيل نضيف و الللى ركبه بيفهم يبقى هيعيش معاك و ده عن تجربه شخصيه

[ahmedezzat78]

مشكله شهيره فى الانوس و كل الناس بتغيره و بيعش عادى

هيه العربيه عامله كام ألف؟

[tarek_2005]

غير بتاع قطع الغيار الفتاي ده

[Akram]

المهم يكون نوع الـــ اويل سيل أصلي و كمان طريقة التغيير ,
لو تم التغير عن طريق فك الاسكاترا و تغييره من بره يبقى إن شاء الله هيعيش فترة طويلة ,
أما لو تم التغيير بدون فك الاسكاترا و ده من جوه صالون العربية ففي إحتمال إنها تسرب تاني ,
.

[mohamed_fayek]

عاملة 85000 كم

[Ahmed Nasser]

اهم حاجة يتركب بنظافة
وبعد مايركبة خلية يحط علية من برة معجون ارنديد (حديد)

[mohamed_fayek]

بعد ماركبته حاسس ان الدريكسيون تقل مش عارف ليه هل بعد شويه هيخف ولا ايه

[Ahmed Nasser]

الزيت مستواة عامل ايه

[mohamed_fayek]

عند min لسه مازوتوش ممكن ده هو الى عامل كده

[mohamed_fayek]

عند min لسه مازوتوش ممكن ده هو الى عامل كده

[mohamed_fayek]

ممكن رد

[Strong]

اويل سيل البور لو نوع كويس وركب منغير ما يسرب زيت يبقى مش هيسرب تاني وهيعيش ان شاء الله انا مركب واحد ب9 جنيه وعايش بقاله 4 سنين شغل جامد
والزيت لو على الى ماكس او مين مش هيفرق في تقل او خفةالدريكسيون جرب تظبط هواء وتشحم البطاحات لو التقل استمر وكان تقل مقبول تعايش معاه لكن لو تقل وحاسس ان في مشكلة اكشف على العفشه كلها واتاكد ان مفيش حاجة بتعيق حركة الدريكسيون زي الكارتيرات