ارجوكم مساعده عاجله جدا لحسن ممكن اخسر كتير اوي

[shgashga]

انا شفت يوم امبارح انا كنت رايح روكسي وبعدين رجعت علي شارع بور سعيد وانا ماشي العربيه نتشت وبعدين بطلت ودورتها دارت ومشيت كملت مشواري رجعت من شارع الشركات في اول الزاويه وبعدين نتشت ولمبه التشيك نورت وبطلت تاني حاولت ادور ما دارتش وبعدين دارت وبطلت وحاولت ادور الكونتاك منور تمام طرمبه البنزين شغاله ولمب الكونتاك منوره لاكن مافيش شراره او اشعال المهم لاقيت ميكانيكي قالي ده عيب كهربا روحنا جيبنا كهربائي قعد يلعب في فيوز العربيه وشويه حاجات العربيه دارت وبعدين بطلت تاني قعد يحاول برضه العربيه مادرتش فك علبه الفيوز لقي في سلوك محمصه او سايحه وبعدين قالي لازم تغير الموبينه وعلبه الفيوز يعني ايه العربيه مش هاتدور يا نهار ابيض انا مش الكانده خالص والاكبر بقي اني كان معايا اولادي اطفال والساعه بقت 2 باليل المهم سيبت العربيه واخدت تاكسي المهم دلوقتي انتم ايه رايكم في الي بيقولوا ده الكهربائي والغريبه العربيه ماتدتنش اي اشارات ان في حاجه مش مظبوطه هي كانت بتنتش في الدواره الصبح ولما اكون ماشي كنت بحس بتنتيشه خفيفه فمعرفش ايه سبب ده كله وليه الفيوز ساحت ارجوووووووووووووكم ساعدوني لحسن العربيه لسه واقفه والكهربائي راح يجيب الموبينه استيراد وعلبه الفيوز من عزبه شلبي

[elnakshabandy]

هو لو ذى محضرتك قولت سلوك علبة الفيوزات محمصه يبقى هيعملك مرمه فى العربيه
يعنى هيغير السلك السايح بواحد جديد
الموبينه لازم تتأكد انها باظت
والافضل تشوف كهربائى ثانى ثقه واتعملت معاه قبل كده

ربنا معاك ويعينك

[m0hsen]

ربنا معاك ويعينك

[XGoGoX]

العربيه تريوس ولا فيرنا ؟

[shgashga]

العربيه نوبيرا 2 وغيرت علبه الفيوزات وعلي فكره علبه الفيوزات كان فيه اماكن سايحه من جواها ولحد دلوقتي مش عارف سبب بوظانها هي الموبينه وخصوصا ان الموضوع ده حصل فجاه وبالمناسبه الاسطي لقي البوجيهات غرقانه بنزين نفسي حد يشخص السبب عشان احاول اتلافي العيب ده تاني وكمان لي سؤال هوممكن العيب الي بوظ الموبينه وعلبه الفيوزات يكون لسه موجود بالرغم من دوران العربيه ولا ايه وا و والنهارده دفعت اكتر من 800جنيه والعربيه دارت بس في رجه في العربيه زي ما يكون بوجيه قاطع بس البوجيهات مش قاطعه ولا حاجه وبتظهر لما اكون في بدايه الغيار الاول او التاني ياريت حد يفهمني ايه الي بيحصل

[ahmedezzat78]

اى عطل كهرباء لازم يحرق فيوز

سخونه و سيحان الضفيره و علبه الفيوزات لأحد 4أسباب:
1- فيش مملحه و ده يعمل bad contact و بالتالى سخونه ثم سيحان
2- فيوزات بقيمه أعلى من اللى مكتوب عليها
3- فيوزات مضروبه أو سيئه الصنع (يعنى الفيوز مش بيتحرق لما يوصل التيار للقيمه المكتوبه عليه)
كهربائى عديم الضمير عمل توصيله لأى دائره كهربائيه زى كتاوت نور او نور شبوره أو اى دائره مالهاش فيوز حمايه و بالتالى مع اول قفله الدنيا هتسيح

أنصحك تجيب فيوزات نظيفه و تتاكد من القيم بتاعته زى ماهو مكتوب على غطاء العلبه و بلاش تعتمد فى الحته دى على الكهربائى

موضوع البنزين اللى على البوجيهات أعتقد ان السبب انه اثناء محاوله التشغيل الرشاشات بتفتح بس الموبينه مش بتطلع شراره و ده عادى

[samcar]

شوف كهربائى ثقه - ما تغيرش الا لما تتاكد واحتفظ بالقديم معاك

[tarek_2005]

هات بوبينة جديدة الاصلي وبلاش الاستيراد

[shgashga]

الف شكر لكم علي الرد ولاكن
1- سؤال هوممكن العيب الي بوظ الموبينه وعلبه الفيوزات يكون لسه موجود بالرغم من دوران العربيه ولا ايه وفعلا كان واحد كهربائي ركب ليا فوانيس شبوره وقالي انا هاغير لك الفيوز دي واجابلك فيوز استيراد احسن وركب فوانيس الشبوره وركب ليا الفيوز الجديده
2-في رجه في العربيه زي ما يكون بوجيه قاطع بس البوجيهات مش قاطعه ولا حاجه وبتظهر لما اكون في بدايه الغيار الاول او التاني وكمان بشم ريحه بنزين قويه خرجه من الشكمان ياريت حد يفهمني ايه الي بيحصل وايه الحل فيكده وهل ده له علاقه بالموبينه وعلبه الفيوزات ولا دي حاجه تانيه مع العلم ان الحكايه دي ظهرت لما ركبت علبه الفيوزات والموبينه ولا ممكن يكون البوجيهات اتاثرت بالبنزين او سلوك البوجيهات يا تري ايه رايكم برجاء الرد

[Mahmoud.Fathy]

كان يفضل طبعا تخلى اللى يشتغل فالعربية هو الكهربائي بتاعك ..... لكن قدر الله وما شاء فعل .... التقطيع على الاول والتاني ممكن يكون من البوجيهات او من سلوك البوجيهات وارد جدا يكون فيه حاجة حصلت فيهم هما كمان .... وياريت كمان تتاكد ان الموبينة اللى انت ركبتها دي سليمة .... لان ممكن الموبينة تكون بايظة برضه .... كان يفضل برضه تجيب موبيتة اصلي هي صحيح غالية لكن مش مهم .... هتظبطلك العربية .... مش عارف ليه حاسس ان العيب لسه متصلحش .... اكشف على العربية عند حد محترم وخصوصا الرشاشات والطلمبة ودورة البنزين ...... جايز اكون انا بخرف ..... بس دا تحليلي للموقف

[shgashga]

هل ممكن اكون غيرت علبه الفيوزات غلط وهي سليمه خصوصا ان الكهربائي لما ركب علبه الفيوزات قبل ما يكب الموبينه العربيه مادراتش ولما ركبي الموبينه دارت هل في طريقه اتاكد منها ان علبه الفيوز الي كانت راكبه في العربيه سليمه سليمه

[misho2008]

بص يا استاذى الفاضل خلينا مع بعض واحدة واحداة وان شاء اللع نحل المشكلة
اولا حضرتك بتقول علبة الفيوزات القديمة كانت سايحة فتغيير علبة الفيوزات فيها مصلحة ليك ان العلبة الجديدة سلية ومش ملعوب فيها
تانى حاجة انو علبة الفيوزات القديمة كانت با يظة من قبل كدة ومش هى السبب ان العربية مرضيتش تدور وكان العيب البوبينا
ثالثا موصوع الرجرجة دية عندك جوان غطاء التاكيهات عايز يتغير بنوع نضيف ودة اللى مخلى البوجيهات عليها زيت يخلى العربية مش مظبوطة

بيقى تغير الجوان وبنضف كويس مكان البوجيهات هتلاقى الدنيا بقت تمام وغير بوجيهات معا الجوان

الموضوع بسيط ان شاء الله

[shgashga]

موضوع الررجه طلع بوجيه فاصل بسبب ان الميكانيكي بيشد من السلك وانا غيرت سلوك البوجيهات وبالنسبه لعلبه الفيوزات هي كان فيها مكان فيوز واحد سايح الي هوبتاع الشبوره ولما سالت الكهربائي قالي هو مكان الفيوز ده كان بايظ من الاول قبل ما الموبينه تبوظ اصلا المهم لحد دلوقتي ماعرفش الموبينه باظت ليه وكمان انا غيرت علبه الفيوز ليه وانا حاسس ان علبه الفيوز الاصليه سليمه ونفسي اعرف ازاي انها سليمه ولا لا حتي عشان احتفظ بيها لا قدر الله لو الجديده باظت وكمان سوال انا بشم ريحه زيت محروق كده اوريحه شياط كده من زمان لما اكون ماشي بالعربيه بس الكلام ده ما بيحصلش غير لما العربيه تسخن قوي وهل ممكن يكون انا بلاحظ الموتور مش مغسول وفيه شحم وزيوت تحته كتير ممكن يكون دهالسبب