النوبيرا 2

[megamoudy]

السلام عليكم ورحمة الله وبركاته

رجاء من الاعضاء الكرام افادتي عن السيارة النوبيرا

سمعت ( عارف انها كلمه رخمه ) ان العربية النوبيرا بتاكل بنزين جامد ومره ان عفشتها مش حلوة

عاوز من حضراتكم تقوليلي ممزات وعيوب النوبيرا المانوال

[ramyhekal]

معدل الاستهلاك داخل البلد من 140 الى 170 كم فى الصفيحه
وعلى الطريق من 190 الى 220 كم فى الصفيحه دى تجربتى مع بنزين 92
مع ال 90 الموضوع هايوفر شويه لانه مش بيتحرق بسرعه زى ال92 ومع ال 80 هايوفر خالص
بالنسبه للعفشه هى حاجه واحده جلب المقصات بتحتاج تتغير كل 6 شهور تقريبا بس دلوقتى بقى لها حلول جذريه
غير كده العربيه جميله جدا وممتعه فى السواقه
ممكن تراجع مواضيع القسم

[Ahmed Nasser]

اهم حاجة الحالة
قبل ماتشترى العربية اكشف عليها كويس جدا
وعيوبها جلب المقصات بتبوظ بسرعة
والحل الجذرى تجييب مقصات اسبانى