مشكلة عندى فى لانوس 2012

[dr_karim]

انا جبت لانوس 2012 بقالها 3 شهور اهية و ماشية 800 km بسسس
المشكلة استهلاك البنزين عالى جدااا اعمل اية؟؟؟

[XGoGoX]

عرفت منين إن إستهلاك البنزين عالي ؟

[dr_karim]

÷و سؤال حلو الصراحة خصوصا انى محسبتهاش بس هى الفكرة فى حاجة عارف كدة لما تروح مشوار صغير عادى كدة و المؤشر يبقص اللى هو المفروض مينقصش مثلا؟؟ مش عارف بس انا حسيتها من كدة

[XGoGoX]

أه يعني الموضوع إحساس ونظرك على المؤشر مش أكتر
طيب هو طبيعي إن المشاوير الصغيره على الأول والتاني جوا البلد تستهلك بنزين
طيب أخبار الإستهلاك إيه في المشاوير الطويله ؟

[dr_karim]

لا واللة الحق يعنى هى فى الطويلة عادى حلوة يعنى انا رحت بيها الساحل يعنى تقريبا 100 كيلو و استهلكت بنزين 90 ب 20 جنية معلش انا اصلى لسة جديد و مفهمش اوى هى بتتقاس ازاى بس هو كدة كويس؟

[dr_karim]

لو فى قياس او حاجة ممكن اعملو ياريت تدلنى

[ahmedalshora]

عشان تحسب الاستهلاك صح تتبع الاتى :-
1- تفول العربيه لحد الزور
2- تصفر عداد الرحلات
3- تمشى مشوار كبير على الطوالى
4 - تحاول تمشى على سرعة 90 من غير تكييف طبعا
5- ترجع لنفس المكان اللى فولت منه وتمون برده لحد الزور
6- تشوف عدد الكيلومترات اللى فى العداد وتقسمها على عدد الليترات اللى مونتها
وبكده تعرف التر عندك بيعمل كام كيلو
وعلى فكره هى اللانوس كده فى الاول وبعد كده هاتتظبط وتبقى تمام
تحياتى
احمد الشوره
01119842848

[M.Alaa92]

بص عشان تقيس الاستهلاك فى طريقتين الاولى زى م قال العضو ف الرد اللى فات و دى الطريقة التانية

تفول العربية لحد الزور و تطلع مثلا الساحل او اليكس ( المهم صحراوى ) و تصفر عداد الرحلات

و انت رايح مثلا تنقل ع 3.5 ار بى ام و سرعة 90-100 و حاول تثبت ع كدة و اول م توصل بالسلامة تفول تاانى و تشوف اخدت كام لتر و تحسب الاستهلاك .

و انت راجع تقرص شوية ع الموتور و توصل مثلا 100-140 و تحاول تثبت ع كدة و تعمل نفس الحركة بتاعت البنزين

يبقى كدة حضرتك عرفت استهلاكها ف القيادة الطبيعية و ف الحرق

و ملحوووظة

استهلاك البنزين ف المراحل الاولى لحد 1000 او 5 ( مش فاكر الرقم بالظبط) بيبقى مش مظبووط بعد كدة بيتظبط

[elpasha1]

فول العربية للاخر ( الزور) وصفر لعداد الصغير اللى فى التابلوة
وامشى بيها اد 100 كيلو كدة وارجع فول تانى من نفس الماكينة
ثم اقسم عدد الكيلوات على عدد اللترت
تعرف بتستهلك قد اية كل لتر

[XGoGoX]

بص ياصاحبي أنا متأكد إن إستهلاكك طبيعي
وزي مقولتلك الإتسهلاك عالهادي جوا المدينه بيكون عالي
وده عادي جدا
وياريت تنفذ كلام الإخوه وتحسب الإستهلاك بالطريقه دي
وتقولنا عالنتيجه واحنا نقولك إذا كان طبيعي ولا لأ

[dr_karim]

طيب تمام هو العداد الىى فى التابلوة دة بيكتب بالمتر ولا الكيلو ولا اية

[XGoGoX]

الشباب يقصدو العداد إللي تحت
إللي بيتصفر إنما إللي فوق مش بتقدر تصفره

[mero100]

د.كريم ... تحياتي و ألف مبروك علي العربيه و ربنا يباركلك فيها..
طبعا طريقه حساب الإستهلاك ذي ما ذكرها الأعضاء الأفاضل .. مع ملاحظه إن حساب الإستهلاك داخل المدينه مش مقياس عشان الزحمه و الإشارات و الفرامل الكتير بتزود إستهلاك البنزين..و عموما اللانوس جوه المدينه اللتر بيعمل ما بين 8 : 10 كم بدون تكييف و طبعا كل ده بيفرق في طريقه القياده هل قيادتك بتحرق كتير علي الغيارات مثلا و لا قيادتك هاديه إقتصاديه . قصدي من كل ده إن العوامل متغيره و ملهاش حساب دقيق ..
عموما متشغلش بالك بالقصه دي أول 5000 كم .. الإستهلاك حيتظبط تقريبا بعد ال 5000 الأولي.
تحياتي
عمرو إبراهيم

[aslam555]

اعتقد انه استهلاك طبيعى جداا لان العربيه لسه عامله 800 كيلو ودى مرحله التلين
والف مبروك
بس اخبار الفرامل ايه كويسه ولا تعبانه

[dr_karim]

بالنسبة للفرامل واللة هو انا رأيى انها نيلة هههه بس بص احنا عندنا اوكتافيا a4 من لمسة فرامل بتهدى كدة انما اللانوس لازم تدوس جامد بس بتقف اكيد يعنى انا شايف انة مش عيب عادى اتعود عليها و دوس جامد يعنى انا لو مكنتش سقت ال الوكتافيا كان اللانوس بالنسبالى حتبقى عادية حلوة يعنى