تركيب فوج لايت للانوس

[goodboy12340]

السلام عليكم و رحمة الله
عندى لانوس 1 مو 99 و فيها مشكلة فى الاضاءة ضعيفة جدا النور العالى و الواطى مش بشوف بيهم حاجة باليل
الفانوس اليمين غطاه مصفر هل ممكن اغير الغطا بس ولا اشيله انظفه؟؟؟
و كنت بفكر اركب فوج لايت عشان يبقى اضائته اقوى هل دا هينفع ولا الاحسن اغير الفانوس و خلاص؟؟؟

و ياترى لو هجيب فوج لايت يبقى احسن نوع ايه و سعره كام
يا ريت حد يفيدنى عشان محتار
و متشكر جدا

[تامر.محمد]

اضاءة الفوج لايت لا يعتمد عليها تماما ولا تغني عن الفانوس الاصلي

بالنسبة للفانوس المصفر اعمل سيرش في المنتدى هاتلاقي كلام كتير اوي عن اختراعات للموضوع ده
من ناس بيعملوه في الحرفيين , للبلاستيكس و الصنفرة , للبوليش
بس انا عن نفسي ما جربتش اي حاجة فيهم فمش هافتي

و ممكن تغير اللمبات بلمبات اقوى و تركب كتاوت برده (يمكن تكون هي دي المشكلة)

[crayvor]

السلام عليكم و رحمة الله
عندى لانوس 1 مو 99 و فيها مشكلة فى الاضاءة ضعيفة جدا النور العالى و الواطى مش بشوف بيهم حاجة باليل
الفانوس اليمين غطاه مصفر هل ممكن اغير الغطا بس ولا اشيله انظفه؟؟؟
و كنت بفكر اركب فوج لايت عشان يبقى اضائته اقوى هل دا هينفع ولا الاحسن اغير الفانوس و خلاص؟؟؟

و ياترى لو هجيب فوج لايت يبقى احسن نوع ايه و سعره كام
يا ريت حد يفيدنى عشان محتار
و متشكر جدا

فوجات لانوس 1 لو حاتحط عليها زينون يبقي حاتشوف بيها كويس.. بس حاتدخل في حسبة ماتقلش عن 2000 كدة لو عاوز حاجة نضيفة.. وعامة ماحدش بيشغل الفوجات في اللانوس المفروض الواطي والعالي اضائتهم كويسة.
شوف لو الفوانيس عندك مشبرة هاتلك طقم (ديبو) تايواني تقريبا. ده أنضف حاجة وأقرب حاجة للأصلي يا اما هات أصلي وخلاص. تغيير الغطا مقرف وحايشبر معاك تاني مش حايكمل شهرين علي بعض وأساسا أغلب الكهربائية بترفض الموضوع ده.
بالنسبة للنور يمكن موضوع تشبير الفانوس ده هو اللي معاكس.. جرب بعد ما تغيره لو لسة مش عاجبك يبقي زي ما قال استاذ تامر عليك بالكتاوت واعلي بالوات بتاع الفوانيس وخلاص. لو ركبت الكتاوت ولقيت الاضاءة أعلي من اللازم (ايه الدوخة دي) فيم الفوانيس عشان تدي درجة أقل وأهه بالمرة منظر شيك شوية d: