ساعه تابلوه اللانوس

[alaaeldeinm]

انا معايا لانوس 2 2006 بس فاضيه
كنت بدأت من فتره اعمل فيها شويه تعديلات
يعنى ركبتلها زجاج كهرباء و كمان عملتلها فرش جلد كامل و دواسه جلد
محتاج اعرف اجيب منين ساعه التابلوه الأصليه
و ياريت لو حد عنده فكره يقولى سعرها كام و ليها مكان ف فيشه مثلا ولا هحتاج كهربائى يوصلها
جزاكم الله كل خير

[Ahmed Nasser]

هتجيبها استراد
واحتماااال كبير ان الفيشة تكون موجودة

[mostafa mahmod]

هى ب 100 جنيه جديده و ب 50 تقريبا استيرادد
و يا ريت تقولى القزاز بكام عشان عايز اعمله

[VANTROY]

الزجاج الامامى كالاتى

سعر المكنتين حوالى 250
والزرارين اللى فى النص بـ 70
لو عندك خلفية وخبرة فى الكهرباء ممكن تركبهم لوحدك .... غير كده التركيب حوالى 50 جنيه

[maka]

هى ب 100 جنيه جديده و ب 50 تقريبا استيرادد
و يا ريت تقولى القزاز بكام عشان عايز اعمله

الساعة جديدة ب 150

[mostafa mahmod]

انا كنت سالت من سنه تقريبا كانت ب 100 جنيه عند الشرقاوى فى الف مسكن

[maka]

ابو الحسن من كام شهر قالى تقريبا 150 للاصلى

[alaaeldeinm]

اولا انا متشكر جدا على ردودكم وربنا يجازيكم خير
ثانيا بالنسبه لموضوع زجاج الكهرباء فانا قررت اجيب فرش الابواب اللى بيكون فيه المفتاح الاصلى ده افضل
رحت لواحد ف بورسعيد و بدلت فرش الابواب و المكن القديم
وركبت مكانهم فرش اصلى بتاع الفابريكه بالمفاتيح الاصليه و مكن اصلى استيراد كأنه نازل مع العربيه
و ركبت وحدتين رفع اتكلف الموضوع كله حوالى 1200 جنيه من حوالى 6 شهور ف بورسعيد
بس بالامانه حسيت بفرق كبير وكأنه نازل ف العربيه زجاج كهرباء

[JAM]

انا عندى ساعة استيراد.. لو حضرتك عايزها كلمنى على الخاص