مؤشر البنزين مش عايز ينزل

[aliyehia]

الاخوه الاعزاء بعد السلام عليكم
انا لسه شارى عربيه جوليت 2004 و حبيت اقيس استهلاك البنزين و انا مسافر السخنه قمت مفول لغايه الزور و مشيت بالعربيه فى طريق السفر
الاول افتكرت ان الاستهلاك فله و العربيه بتشم بنزين
لكن لما مشيت 100 كم ابتديت اشك فى الموضوع و فعلا لقيت المؤشر بتاع البنزين ثبت على الfull
الحقيقه انا حاولت اصلح العيب قمت رفعت قعده الكنبه و فكيت فيشه العوامه لاحظت ان المؤشر نزل تماما و لما وصلته تانى رجع طلع لفوق على الاخر
يا ترى ايه سبب المشكله؟ علما ان العربيه ماشيه و لله الحمد كويس و مافيش اى شكوى تانيه
و شكرا

[Mahmoud.Fathy]

حاول تروح بنزينة او عند ميكانيكي وتفضي التنك خالص .... وشوف المؤشر هينزل ولا لا ..... ممكن تكون العوامة بتعلق

[aliyehia]

اخى الفاضل هل كونى مليت التنك لغايه الزور ده سبب يخلى العوامه تعلق و مفروض املاه اقل من كده شويه ( يعنى لغايه ما المسدس بتاع مضخه البنزين يفصل لوحده )
و لا ده مالوش علاقه بكون العوامه معلقه على ال full
,و ده يبقى عيب كهرباء ولا ميكانيكا

[Mahmoud.Fathy]

انا بفول للزور على طول ومعلقتش معايا قبل كده .... واعتقد دا شغل ميكانيكي مش كهربائي ..... لان العوامة والمؤشر ملهمش دعوة بالكهرباء

[Ahmed Nasser]

الطلمبة اساسا شغل كهربا

[Hany A Fattah]

هاتحتاج تنضف الشيب اللى فى العوامه لان دى وظيفتها قراية العداد

[elwaworld]

انا عندى تقريبا نفس موضوع المؤشر مرة واحدة بقي مش يقرا خالص و المهم بعدها بيومين فولت العربية لاقيت الموشر طلع لـ full و بعد كده بقي ينزل شوية شوية حسب الاستهلاك
كده بقي يبقي عيب اية ؟؟؟ و لو حبيت اتشك و اصلحها اعمل اية ؟ و اروح ميكانيكى ولا كهربائي ؟

[ahmedezzat78]

العوامه محتاجه نظافه عند كهربائى

[M.Elgergawy]

حصلت معايا في اللانوس وروحت لبتاع عدادات فك العوامة ونضفها وقاللي دي بايظة وغيرها ومرديش ياخد فلوس وبعد مركبها ومشيت من عندوا اشتغلت وبقت زي الفل :)

[rocket64]

حصلت معايا في اللانوس وروحت لبتاع عدادات فك العوامة ونضفها وقاللي دي بايظة وغيرها ومرديش ياخد فلوس وبعد مركبها ومشيت من عندوا اشتغلت وبقت زي الفل :)

ممكن تقول لنا فين عنوان الراجل دة و العوامة الجديدة بكام ؟

[tarek_2005]

فك الطرمبة وارفعها فوق واكشف علي العوامة بتتحرك ولا لاء يجوز في حاجة بتعوق حركتها

[Egyzizo]

فى اللوجان ، لما بأفول لغاية الزور ، بامشى حوالى 100 كيلو من غير ما المؤشر يتحرك نهائى ، وبعد كده يبدأ يتحرك ، بيبقى استهلاك للكمية الزائدة فوق مستوى العوامة وبتبقى كتير فى حالة التفويل للزور. يعنى الموضوع فى عربيات تانية عادى. جايز يكون عندك كده برضه؟

[beshoylove1]

بص يا باشـــا انا كان عندي نفس العيب و كانت بتفضل على الفول لحد ما يخلص منها 20 لتر وبعد كده تنزل ,,, انا لسه مصلح العيب ده انهارده روحت عند واحد بتاع استعمال جبت من عنده عوامه استعمال و روحت للكهربائي اخد منها المؤشر وركبه في العوامه بتاعتي ,,,, و اشتغل بعديها زي الفل

[elwaworld]

بص يا باشـــا انا كان عندي نفس العيب و كانت بتفضل على الفول لحد ما يخلص منها 20 لتر وبعد كده تنزل ,,, انا لسه مصلح العيب ده انهارده روحت عند واحد بتاع استعمال جبت من عنده عوامه استعمال و روحت للكهربائي اخد منها المؤشر وركبه في العوامه بتاعتي ,,,, و اشتغل بعديها زي الفل

اخى عربيتك نوعها اية ؟ و جيبت العوامة بكام ؟ و منين ؟ و هى عوامة بموتور و لا من غير ؟

[beshoylove1]

انا عربيتي لانوس 2 مو 2003 العوامه من غير ماتور عامله 70 و انا اختها بعد الفصال بـ 65 انا جبتها من واحد في اسكندريه بتاع قطع غيار استيراد .... هي كانت عانده كامله بالماتور بس الماتور بتاعها طلع بايظ فا بيبعها كامله من غير الماتور