زيت الباكم

[Mahmoud.Fathy]

يا شباب .... اللى انا عرفته ان اللانوس مفيهاش سلك دبرياج وان بدل السلك دا يوجد زيت الباكم .... عندي مجموعة اسئلة

الكلام دا صح ولا لا .... ؟؟؟
وهل زيت الباكم دا مسئول عن الفرامل والفتيس ولا فيه مكان تانى لزيت الفتيس .... ؟؟؟؟
والمفروض يتغير او يتزود كل قد ايه ....؟؟؟؟
وايه الضرر اللى يحصل لو الزيت دا قل ؟؟؟؟؟

وشكرا لكم

[mero100]

الكلام دة مظبوط و الدبرياج له حاجة اسمها ماستر دبرياج علوي ...و تقدر تشوفه لما تفتح الكبوت و تبص شمال البطاريه تحت حتلاقي ماستر اسود فيه كاوتشه ........و الماستر دة الزيت بتاعه مرتبط بزيت الباكم ....يعني خزنه واحدة اللي هيه خزنه باكم الفرامل ..... تتزود كل ما الزيت يقل ....بس لو بيقل بصوره ملحوظه لازم يتكشف علي السبب
بالنسبه للفتيس ف زيت الفتيس بيبقي جوة الفتيس و بيتكشف عليه من خلال فك طبه جانبيه في الفتيس و هيه طبه لما تفتحها براحة حتلاقي الزيت بيسيل ...تعرف ان الزيت في الفتيس مظبوط .
تقريبا زيت الباكم بيتغير كل 30000 تقريبا علي ما اذكر او كل سنتين ..... و في القيادة في الظروف القاسيه 15000 كيلو او 9 اشهر .
مش فاكر بصراحة زيت الفتيس كل اد ايه بيتغير بس هوة كل فتره كبيره .
تحياتي
عمرو ابراهيم

[Mahmoud.Fathy]

هل من مزيد من معلومات ؟؟؟؟؟

[tarek_2005]

هناك لديك خلط بين امور كثيرة
1 - الزيوت
زيت الباكم وزيت الفتيس (( الفالفلين ))
زيت الفتيس ودا بداخل الفتيس ووظيفته تبريد وتلين حركة التروس داخل الفتيس
الزيت الباكم وسيلة لنقل الحركة بين البدالات واجزاء الفرامل والفتيس

الدبرياج له مسترين علوي وسفلي وبينهم ماسورة
العلوي تجده اسفل قربة المياه
والسفلي تجده اسفل البطارية واعلي الفتيس

المفروض في جميع الزيوت الي في السيارة ان حجمها ثابت واي نقص يدل علي تلف
نقص الزيت الباكم له عاملين اساسيان
1 - بداية نقص في لقم التيل الخاص بالفرامل
2 - تسريب من اي من وصلات دورة الفرامل او الدبرياج

[Mahmoud.Fathy]

هناك لديك خلط بين امور كثيرة
1 - الزيوت
زيت الباكم وزيت الفتيس (( الفالفلين ))
زيت الفتيس ودا بداخل الفتيس ووظيفته تبريد وتلين حركة التروس داخل الفتيس
الزيت الباكم وسيلة لنقل الحركة بين البدالات واجزاء الفرامل والفتيس

الدبرياج له مسترين علوي وسفلي وبينهم ماسورة
العلوي تجده اسفل قربة المياه
والسفلي تجده اسفل البطارية واعلي الفتيس

المفروض في جميع الزيوت الي في السيارة ان حجمها ثابت واي نقص يدل علي تلف
نقص الزيت الباكم له عاملين اساسيان
1 - بداية نقص في لقم التيل الخاص بالفرامل
2 - تسريب من اي من وصلات دورة الفرامل او الدبرياج

شكرا على التوضيح يا باشا ..... بس هو لازم الزيوت دي تتغير كل فترة ؟؟؟؟؟ ولو اه تبقي اد ايه الفترة دي ؟؟؟؟