استفسار مهم بالنسبة لدورة التبريد

[Dr/ P.K.Sh]

انا عربيتى افيو اتوماتيك عاملة 92500 كم الخميس اللى فات غيرت سير الكاتينة + بلية الكاتينة + سير الدينامو + بلية الدينامو + اويل سيل كامة كان مرشح زيت + طرمبة مياة(سليمة بس غيرتها اجراء احتياطى) فى مركز خدمة معتمد السؤال بقى ان الراجل زود المياة بماء من الحنفية حوالى من نص الى لتر الا ربع مع العلم ان المياة فى العربية موبيل خضراء من 12-2010 فهل المياة العادية ممكن تضر فى حاجة؟
فى حاجة تانى كمان الراجل قاللى الرادياتير بيسرب مياة من فوق عند فتحة الخرطوم قولتلة ورينى التسريب راح مورينى المكان مشفتش حاجة قاللى لو كابست مياة هاتبان وقاللى نغيير الرادياتير ب 535 جنية قولتلة لا قاللى طب خاللى بالك من الحرارة انا حاسس انة بيشتغلنى عشان مشوفتش اى تسريب وراقبتها ال 4 ايام اللى فاتو مفيش نقص فى المياة انتوا اية رائوكوا و كمان راى مهندس محمد ممدوح؟؟؟؟؟؟؟؟؟؟؟؟؟؟؟؟؟
مع العلم بردة انى مغير الرادياتيير السنة اللى فاتيت فى منصور مدينة نصر على حساب الضمان12-2010 و حاطيت اكتر من 6 لتر مياة موبيل خضراء ساعتها فكدة الرادياتير مكملش سنة مع العلم انة رادياتيير مصرى!!!!!!!!!!!!!!!!!!!!!!
ارجوا النصيحة فى موضوع المياة و موضوع الرادياتيير
اسف على الاطالة بس انا محتار و مش عارف اعمل اية و مليش حد غيركو اسالة

[tarek_2005]

المياه بتاعة الحنفية دي بوظت كل مفعول المياه الخضراء يجب تغيير المياه فوراً بمياه خضراء
موضوع التسريب خلي حد يكبسلك الدورة وشوف في تسريب ولا لاء ولو عايز تتاكد بنفسك اعمل مشوار كبير بالعربية بليل واول ما تروح وفي منطق هادية اركن السيارة وسيبها دايرة وانزل افتح الكابوت وبعدين بطل السيارة وركز باذنك مع الاصوات داخل الكبوت لو هناك تنفيس ستسمع صوته

[Dr/ P.K.Sh]

موضوع التسريب خلي حد يكبسلك الدورة وشوف في تسريب ولا لاء ولو عايز تتاكد بنفسك اعمل مشوار كبير بالعربية بليل واول ما تروح وفي منطق هادية اركن السيارة وسيبها دايرة وانزل افتح الكابوت وبعدين بطل السيارة وركز باذنك مع الاصوات داخل الكبوت لو هناك تنفيس ستسمع صوته [/quote]
على حد علمى ان لو حد كبس مياة ممكن يضر دورة التبريد او يزود التسريب؟
لو تعرف حد كويس و مضمون يعمل الموضوع دة قريب من الجيزة