تغير الفتيس من أتو الى عادي

[ramyraby]

السلام عليكم ورحمة الله وبركات
الموضوع باختصار انه حصل عندي مشكلة في الفتيس الاتوماتيك بتاع الانوس فقررت اني اغير العربية الى فتيس عادة
العربية كلها مريحاني جدا جدا جداا والحمد لله كل حاجة فيها سليمة
في ناس كانت بتقولي بيعها وهات وحدة عادة انا مش مقتنع بالموضوع ده لان خايف ملاقيش زي عربيتي تاني فقررت اني احولها عادة نظرا لاني العادة لها مميزات عديدة
كل الحاجة موجودة ومتوفرة في كل مكان
اسعار قطع الغيار اقل من الاتوماتيك
اسرع في التجميع والسحب ويمكن اقل في استهلاك البنزين
مفيش مصارف زيت لان زيت الاتوماتيك انا بحطة كل فترة نظرا لعدم وجود مقاس كمان اللتر 26جنية وهى بتاخد كام لتر كلكم عرفين
الكبالن مختلفة وصعب الاقيها في اى مكان
قاعدة الفتيس مختلفة تماما وصعب جداا الاقيها مما يطرني اجيب هذه الحاجات استعمال


فقررت اغيرها عادة فلو حد جرب الموضوع ده وعندة فكرة أو خبرة ياريت يفدني افادكم الله

الف شكر مقدما

[Shiref_mohamed]

فتيس اللانو الأوتوماتيك بيعمل 800 جنيه من بق التجار في الحرفيين احسنلك تستنضف واحد وتركبه على التجربة وتريح نفسك من تعب اللف والصنايعية و الزحمة ووجع الركبة
وبعدين مفيش اختلاف مابين اسعار قطع غيار الأوتو والمانيوال ولا حاجه كل حاجه موجوده في الحرفيين مش لاقيه الى يشتريها وكمان الجديد الأصلى موجود

اما لو حبيت تقلبها ماتيوال هتحتاج الأتى :-
1- فتيس مانيوال هيعمل حوالى 500 جنيه استيراد
2- ترس فلام بحوالى 100 جنيه استيراد
3- طقم دبرياج جديد هيعمل 400 جنيه
4- طقم بدالات استيراد مش عارف تمنه كام
5- عدد 2 ماستر دبرياج علوى وسفلى والخرطوم الواصل بينهم (الماستر العلوى بـ 100 جنيه والسفلى بـ 60 )
6- خزنة زيت فرامل الى راكبه على الماستر العمومى (عشان الفتحه الى بتغذي مساتر الدبرياج بالزيت) مش عارف بكام
7- عصاية فتيس مانيوال بالأتياش بتاعتها مش عارف بكام
8- اكسين بالكبالن كاملين مانيوال استيراد لسه جايبهم من الحرفيين لعربية اخويا بـ 300 جنيه من الحرفيين
9- هتحتاج تعديل في ضفيرة العربية وإلغاء كنترول الفتيس الأوتوماتيك اما لو كنت مش بتحب التعديل في الكهرباء يبقى تشترى ضفيرة وكنترول مانيوال استيراد بحوالى 500 جنيه

[misho2008]

الله ينور عليك يا شريف بية

[ramyraby]

طيب يا استاذ شريف والله مشكور جدا على ردك يا محترم بس انا في دماغي ان الفتيس الاتوماتيك مفيش منه نضيف لان العربية الاتوماتيك مفيش منها بعد سنة 2000 تقريبا يعني الموجود كله متهالك ولا اية راي سياتك ؟

[Shiref_mohamed]

لا ياباشا إن شاء الله ممكن تلاقي فتيس نضيف بس لف على كل المحلات في الحرفيين واتفرج على الفتيسات ومتشتريش غير لما تلاقي حاجه تمام ولو لا قدر الله ملقتش يبقى ساعتها ممكن تقلبها مانيوال

[kassasmsd]

شوف فتيس الأفيو الأتوماتيك

[ramyraby]

طيب اية الضرر لو قلبتها عادة ؟؟؟؟

[SHNORY]

مفيش ضرر من قبلها عاده
وانا فاكر اني قريت موضوع لعضو معانا هنا قلبها من مانيوال لاوتوماتيك
ودفع 700 جنيه
لان اللي كان بيخلعه من العربيه كان بيبدله ويدفع فرق السعر
بس الموضوع كان من زمان

[SHNORY]

http://www.nilemotors.net/Nile/145435-a.html

لقيتلك الموضوع اهوه
حضرتك بقي اعكسه

[ramyraby]

اشكرك يا ريس يعني الموضوع عادي أن شاء الله مفهوش مشاكل

[osama.m]

ان شاء الله مفيش اي ضرر لو هتحول من اوتو لمانول
بس بردو الشغل يبقى عند صنايعي فاهم هي الحكاية سهلة بالنسبة ليك ان شاء الله

[ramyraby]

والله ربنا يستر واتمنى الخبراء هنا امثال حضرتك تنصحني في الموضوع ده لاني بصراحة خايف اخسر العربية للابد

[tarek_2005]

انا عن نفسي احب سيارتي كما صنعها المصمم لها يعني لو فيه تعيل بحب ارجعه لاصله لان دا الافضل ليها
ومش معني كلامي اني ارفض التعديل ولكن يجب الدراسة للتعديل جيداً قبل البداء فيه
علشان مطولش عليك في موضوعك هذا
1 - دراسة اقتصادية
2 - دراسة جودة
3 - دراسة زمن

1 - الدراسة الاقتصادية

تكلفة التعديل كام وتقارن ب تكلفة تغيير الفتيس الحالي
تكلفة الصيانة بعد التعديل وتكلفة الصيانة لو تم التغيير
تكلفة التشغيل بعد التعديل تكلفة التشغيل لو تم التغيير

ورائي الخاص التغيير افضل اقتصادياً

2 - دراسة الجودة
السيارة الان بها ميزة تفضيلية وانت تفقدها هذه الميزة
موضوع تعديل قاعدة الفتيس هيختلف كتير عن الشرح الي في موضوع التعديل من مانيول لاوتوا والله اعلم بالطريقة
عك وافتكاسات الصنايعي الي ممكن يعمل الشغلة دي ودا امر وارد ولازم تحطه في الحسبان

3 - دراسة الزمن

وقت التعديل اعتقد اكبر بكثير جداً من وقت التغيير

رايئ الخاص والخاص جداً ولك مطلق الحرية

غير الفتيس لو موجود الاوتو باوتوا طالما متوفر وبحالة جيدة واجعل فكرة التعديل لو تعذر الحصول علي فتيس اوتوا بحالة جيدة يعني اجعله الخيار الثاني وليس الخيار الاول

[ramyraby]

اولا الف شكر يا طارق باشا على مرورك على موضوعي لان صراحة رأيك من الارائ اللي تهمني جدا جدا جدا بالنسبة لموضوع
1 - دراسة اقتصادية
2 - دراسة جودة
3 - دراسة زمن

انا اقول لسياتدك وجهة نظري المتواضعة
بالنسبة للدراسة الاقتصادية فعلا هتكون التكلفة اعلى شوية ولكن مش كتير لان الفتيس الاتو لو وجته اكيد هيحتاج مصاريف ( زيت باور وانت عارف اكتر مني سعرة كام دلوقتي يعني تقريبا الموبيل 26جنية وتاخد عدد كبير جداا من الترات يعني يعدي 200جنية زيت واكيد هحتاج تغير الفلتر عشان يكون مضمون وده بروض بيعدي 100جنية بالاضافة الى ثمن الفتيس يتراوح من 600 الى 800 على حسب حالتة يعني الموضوع اكيد هيعدي 1200 جنية تقريبا بالمصنعية تمام
في حين اني سئلت على موضوع تغير الفتيس المانول يتكلف كلة بالمصنعية في حدود 1500 جنية يعني الفرق مش كبير

2 بالنسبة للجودة اعتقد ان العربية هتفرق اكتر في السحب والتسارع وقلت مصاريف الزيت الدائمة لان الاتو بيستهلك زيت وكمان مفيش مقاس كفاية انه لما حد يركب معايا يعني في حدود اربعة افراد العربية بتحول الى 128 فالسحب

3 بالنسبة للزمن من الاخر كده كده عطلة صح ولا اية رائ سياتك ؟؟

[tarek_2005]

انتا الاعلم بظروفك مني (( اهل مكة ادري بشعابها ))