ورجعت من السفر (عرفت إيه مشكلة العربية)

[mailo]

المشكلة اللي كانت عندي كانت كالتالي
العربية على سرعة عالية كانت بتعمل صوت احتكاك معدني جامد قوي

المشكلة دي ظهرت من سنتيين وأنا مسافر راس سدر على طريق السويس كل ماأوصل 130 أسمعه وأنا راجع كنت ماشي 150 ومفيش صوت خالص وال حياة طبيعية

أحيانا باسمعه وأنا على الدائري على 130 بس كنت بأقول أكيد الطريق وحش مثلا

كل ده وأنا فاكر إنه من العجلة اللي قدام يمين إما بلي العاجل أو مؤخرا قلت ممكن يكون الكاليبر وال طنابير عشان الصوت كان بيظهر لما يكون فيه حمل على العجلة

شم النسيم اللي فات وأنا رايح الساحل على طريق اسكندرية معدتش ال 120 والساحل 140 عادي
وأنا راجع الصوت بقى يظهر على 90 و 100 ومعدتش 110 وأنا راجع أول ماوصلت الصحراوي جبت 140 عادي !!!!

المهم بقى كله بان وأنا مسافر شرم طريق السويس مابعديش 130 وفي كمين اسمه أبو زبيبة باين وقفت عشان عربية من اللي طالعين معايا تفول نسيت العربية دايرة وسمعت الصوت ده بس كان ضعيف قوي واكتشفت إنه من المروحة بتاعت الرادياتر هي اللي بتعمل الصوت ده

المهم الصوت ده بيظهر لما الهوا بيكون في وش العربية جامد يعني وأنا رايح بعد النفق وأنا راجع فالسويس كنت ماشي 160/170 ومفيش صوت بس الصوت بيطلع في عكس الاتجاه على 120
وأنا راجع حاولت افصل المروحة بس طبعا خدتلي لسعتين عسل من الموتور ولسة معلمين لحد دلوقتي وسيحت فوطة فيبر

90% استنتاجي ده صح وهحاول افصل المروحة وأمشي على سرعة تطلع الصوت ده أشوف
وممكن ارش عليها wd40 واجرب
ادعولي بقى

[gassarian]

يا مسهل....ز بس كدة المروحة باظت يعني و لا إيه...الصوت يروح مع غسيل العربية .؟؟؟؟

[mailo]

العربية اتغسلت 5000 مرة بعدها وال صوت مراحش
كده المروحة فيها حاجة مش مظبوطة هحاول معاها كداد لو منفعش هاغيرها
أو افصلها خالص

[mely]

المراوح تعمل فى كل الاحوال نظرا لسرعة الهواء المقابل لها
اكشف على تيل الفرامل الخلفى

[ahmed_mido1889]

ممكن يكون بلي المروحه هو اللي بيعمل كده

علشان انت عارف المروحه عند بترف ازاي :))

[mailo]

المراوح تعمل فى كل الاحوال نظرا لسرعة الهواء المقابل لها
اكشف على تيل الفرامل الخلفى

إيه اللي جاب القلعة جنب البحر ؟!!

مش فاهم إيه وجهة نظرك ياريت توضح

ممكن يكون بلي المروحه هو اللي بيعمل كده

علشان انت عارف المروحه عند بترف ازاي :))

هو ممكن آه وممكن البنيادام الفاكس اللي وداها للخراط قبل كده يكون ايده فيها البركة

[tarek_2005]

ممكن يكون بلي المروحه هو اللي بيعمل كده

علشان انت عارف المروحه عند بترف ازاي :))

المراوح غالباً بتبقي علي جلب مش علي رومان بلي ياميدووووووووو

دا الجلبة الي اتعملت لمروحة مايلوا من نحاس نوعه رديء وعايزة تتغير

[mailo]

المراوح غالباً بتبقي علي جلب مش علي رومان بلي ياميدووووووووو

حيودينا في داهية ميدو ده


دا الجلبة الي اتعملت لمروحة مايلوا من نحاس نوعه رديء وعايزة تتغير
كل اللي اتعمل إن الخراط سن السن اللي بيركب فيه الصامولة وجبناله صامولة جديدة وركبناها

أنا معملتش جلبة, إيه جلبة دي أصلا

[ahmed_mido1889]

المراوح غالباً بتبقي علي جلب مش علي رومان بلي ياميدووووووووو

دا الجلبة الي اتعملت لمروحة مايلوا من نحاس نوعه رديء وعايزة تتغير

انا مفكيتهاش قبل كده بس فكيت بتاعت الدوجان فافتكرتها زيها :))

[ahmed_mido1889]

هو ممكن آه وممكن البنيادام الفاكس اللي وداها للخراط قبل كده يكون ايده فيها البركة

تصدق انا مش هرد عليك

صمتي لا يعني جاهلي


ولكن الحج بيندهلي


انا كل اللي عملته وانت كنت معايا كان تمشيط للسن القلاوظ

[tarek_2005]

الخراط وهوا بيركب الاكس علي المخرطة عمل ريجة في العضو الدائر بتاع المروحة وهوا الي بيعمل صوت الحكة دي يجب الكشف علي العضو الدوار بالكامل او تريح دماغك وتجيب مروحة جديدة

[ahmed_mido1889]

او يبيع العربيه افضل :))) وده بناء علي توصيات مستشارنا

[mailo]

الخراط وهوا بيركب الاكس علي المخرطة عمل ريجة في العضو الدائر بتاع المروحة وهوا الي بيعمل صوت الحكة دي يجب الكشف علي العضو الدوار بالكامل او تريح دماغك وتجيب مروحة جديدة

ريجة وجلبة
ياطارق ربنا يباركلك كلمنا عربي
بس كده كده الصوت ده كان موجود قبل الشغل ده مايتعمل

او يبيع العربيه افضل :))) وده بناء علي توصيات مستشارنا

مالكش فيه عاجباني وإيه اللي جاب ممدوح فالموضوع
عموما المقابلة قربت وهصفي حساباتي كلها معاه فيها إن شاء الله

[ahmed_mido1889]

فك المروحه وتنختبرها زي ما استاذ طارق قالي في التليفون

وعندي الكمبروسيسور في الجراج :)) نديها هو في وشها ونشوف السبب منها والا حاجه تانيه

[mailo]

و كومبرسور إيه ده بقى اللي هايدي ضغط سرعة 160 في وش الهوا
ماأنا أجيب سرعتي دي على الدائري وأنا فاصل المروحة لو عملت الصوت يبقى مش منها ولا إيه يا .... ميدو