ياااخسااارة لانوس2011

[masmad]

سؤالى ياجماعة يمكن يكون مستفز شوية او مش مفهوم انا عربيتى لانوس 2011 زيرو بقالها معايا سنة وشهر والسحب من اول مجبتها مش عاجبنى لدرجة عمرى مشديت مح حد الا وتكسفنى والكل بيعدينى والعربية بحسها مخنوقة وصوتها بيطلع ع الفاضى روحت التوكيل قالوا مفيهاش حاجة وروحت ليمكانيكى قالى مش وحشة شغالة مع ان ليا واحد صحبى عربيتوا لانوس 2011 برضوة واشتريناها مع بعض بسى اية بلا مبالغة كانى راكب فيرنا لكن عندى الوضع سيء وبقالى سنة بحاول معاها من فلتر الى بوجيهات 2 شمعة وشيل علبة البيئة ورجعتها تانى واحيانا العربية حرير واحيانا لأ والغالبية خشنة ... ولسة برضوة مازالت مخنوقة
اسف ع الاطالة
وارجو الرد

[osama.m]

اخر سرعة لكل غيار كام ؟

[MMamdouh]

لينت الموتور ازاى؟

MMamdouh

[masmad]

لينت الموتور ازاى؟

MMamdouh

والله يااستاذى عداد rbm مكنش بيعدى 3 والسرعة لاتتجاوز 100ك/س ومكنتش مثبت السرعة ع سرعة معينة فى المسافات الطويلة ودة لغاية معملت 1000 ك بس

[masmad]

اخر سرعة لكل غيار كام ؟

مباخدش بالى من الموضوع دة بس ممكن اجيت ع التالت 100

[lanos_power]

تالت 120 رابع 160

[mero100]

أولا : تشيل فيشه الاوكتان
ثانيا : تحط بنزين 92
ثالثا : غالبا الموتور عاوز يفتح ....يعني حاول توصل بكل غيار لغايه 4 rpm .....تحرق شويه علي كل غيار
و ان شاء الله حتحس بفرق
بس خلي بالك : سحب الفيرنا مثلا افضل من اللانوس و دة في الاول ...يعني في الغيار الاول والتاني والثالت ....حتلاقي الفيرنا تسبقك ....لكن بعدها حتحصله و ممكن تسبقه .....و لكن من وجهه نظري دة موضوع ملوش لازمه ل 3 اسباب :
1- الفيرنا 1600 cc ....وزن العربيه الفيرنا الاجمالي أقل من اللانوس بحوالي 100 كيلو تقريبا ....و بالتالي اللي بيشد بالفيرنا بيشتكي من عدم الثبات و العومان عالطريق و الفرامل مبتسعفكش لقوة الموتور و خفه وزن العربيه و في رأيي دي عيوب قاتله قاتله قاتله لمحبي السرعات و الجري ..... ف من وجهه نظري اللانوس عربيه متوازنه
جرب اللي قولتلك عليه في عربيتك و حتحس بفرق كبير .
تحياتي
عمرو ابراهيم

[asom_6]

كويس ان الموضوع ده اتفتح علشان عندى تسأل مهم فى نفس الموضوع وهو :
هل العبرة بالنقل للغيار الاعلى بعدد اللفات ولا السرعة ... بمعنى ان انا بنقل للغيار الاعلى على rpm من 2.5 الى 3 بالكتير ومش بازود عن كده لكن ده فى اوقات كتير السرعة مبتكونش وصلت للمرحلة اللى المفروض انقل عندها ((( مثلاً التالت مبيلحقش يجيب 80 كم/س بس بغير للرابع علشان عدد اللفات ميعديش 3000 لفة))) فهل ده هو الصح ؟؟؟؟
على فكرة المعلومة دى خدتها من كتالوج العربية ان احسن وقت للنقل للحفاظ على المحرك من 2500 الى 3000

[masmad]

أولا : تشيل فيشه الاوكتان
ثانيا : تحط بنزين 92
ثالثا : غالبا الموتور عاوز يفتح ....يعني حاول توصل بكل غيار لغايه 4 rpm .....تحرق شويه علي كل غيار
و ان شاء الله حتحس بفرق
بس خلي بالك : سحب الفيرنا مثلا افضل من اللانوس و دة في الاول ...يعني في الغيار الاول والتاني والثالت ....حتلاقي الفيرنا تسبقك ....لكن بعدها حتحصله و ممكن تسبقه .....و لكن من وجهه نظري دة موضوع ملوش لازمه ل 3 اسباب :
1- الفيرنا 1600 cc ....وزن العربيه الفيرنا الاجمالي أقل من اللانوس بحوالي 100 كيلو تقريبا ....و بالتالي اللي بيشد بالفيرنا بيشتكي من عدم الثبات و العومان عالطريق و الفرامل مبتسعفكش لقوة الموتور و خفه وزن العربيه و في رأيي دي عيوب قاتله قاتله قاتله لمحبي السرعات و الجري ..... ف من وجهه نظري اللانوس عربيه متوازنه
جرب اللي قولتلك عليه في عربيتك و حتحس بفرق كبير .
تحياتي
عمرو ابراهيم

مشكور استاذ عمرو بس هل الحرق دة علطول قلبى ميطوعنيش دى عليها قساط
هههههههههههههه

[mero100]

مشكور استاذ عمرو بس هل الحرق دة علطول قلبى ميطوعنيش دى عليها قساط
هههههههههههههه

لا مش علطول .... حتلاقي النتيجه سريعه و اللي بتشتكي منه مش موجود

[tarek_2005]

يا صاحب الموضوع فتح موتور عربيتك
خذها مشوار سفر (( وهات اخرها )) يعني لغاية العربية ما تجيب معاك سرعة 160 او 170 او 180 كم / ساعة لمدة خمس دقائق وبعدين احكم عليها بعد كده
الاستاذ asom_6 دي قيادة اقتصادية وممتاذة للحفاظ علي السيارة والمحرك وتوفير فلوس كمان
الي صاحب الموضوع بيقوله دي القيادة الرياضية

[asom_6]

الاستاذ asom_6 دي قيادة اقتصادية وممتازة للحفاظ علي السيارة والمحرك وتوفير فلوس كمان
الي صاحب الموضوع بيقوله دي القيادة الرياضية

شكراً لحضرتك يا استاذ طارق على الرد ... أنا الحقيقة مش محتاج من العربية اكتر من المشاوير البسيطة العائلية والرحمة من بهدلة المواصلات وانا لا بتاع شد ولا جرى بالعربية واخرى قوى 100 كم/س فى اوقات نادرة ولو موتوسيكل بيشد جنبى بسيبه يعدينى ولا باخد فى بالى ... وطبعا اجمل حاجة موضوع توفير الفلوس ((ما اعتقدش حد يكره التوفير)).
لكن بعض الناس يقعدوا يقولولى حرام عليك العربية جديدة ولازم تفتح البساتم وكلام من ده ... فهل هما عندهم حق ؟؟؟ هل لازم كل مده كده اخد العربية فى مشوار سفر واجيب آخرها 180 كم/س ولا أيه رأيك ؟؟؟
معلش صدعتك

[MMamdouh]

والله يااستاذى عداد rbm مكنش بيعدى 3 والسرعة لاتتجاوز 100ك/س ومكنتش مثبت السرعة ع سرعة معينة فى المسافات الطويلة ودة لغاية معملت 1000 ك بس

اذا اللى بيحصل معاك طبيعى

MMamdouh

[MMamdouh]

كويس ان الموضوع ده اتفتح علشان عندى تسأل مهم فى نفس الموضوع وهو :
هل العبرة بالنقل للغيار الاعلى بعدد اللفات ولا السرعة ... بمعنى ان انا بنقل للغيار الاعلى على rpm من 2.5 الى 3 بالكتير ومش بازود عن كده لكن ده فى اوقات كتير السرعة مبتكونش وصلت للمرحلة اللى المفروض انقل عندها ((( مثلاً التالت مبيلحقش يجيب 80 كم/س بس بغير للرابع علشان عدد اللفات ميعديش 3000 لفة))) فهل ده هو الصح ؟؟؟؟
على فكرة المعلومة دى خدتها من كتالوج العربية ان احسن وقت للنقل للحفاظ على المحرك من 2500 الى 3000

اللى انت بتعملة صح بالنسبة للاستخدام الاقتصادى... خلليك بين 2000 الى 3000 RPM

الحرق و الجرى قصة تانية

MMamdouh

[masmad]

يعنى انا محتاج كل فترة اعمل موضوع انى اجيب اخر العربية ولادة مرة واحدة وتظبط