تحيه للانوس

[shooda2020]

اللانوس عربيه بجد بكن ليها كل احترااااااااااااااااااام لانها انضف بتكير من الفيرنا الصراحه
انا قرفت من الفيرنا و اكتر حاجه مضايقاني ضيق الصالون عن اللانوس ... اللانوس اوسع بكتيييييييييييير نفسي افهم هما كانوا بيصنعوا الفيرنا للكوريين بس مش للعالم و غلطوا و ادوها لمصر لانهم قصيريين جدا
لكن عندنا ماينفعش نركبها خالص يعني اعتقد ان العربيه دي مش هاتنفع في روسيا لان الروس عجوووووووووووووول
هههههههههههههههههههههههه

[Akram]

متهيألي الفرق مش كبير للدرجة , لكن لو بتتكلم عن النوبيرا يبقى آه فيه فرق كبير.

[AHMEDCAR]

متهيألي الفرق مش كبير للدرجة , لكن لو بتتكلم عن النوبيرا يبقى آه فيه فرق كبير.

الراجل غالبا ركب لانوس انهارده الصبح و لا حاجه فحس بالفرق بينها و بين الفيرنا فى وسع الصالون اللى هو وسع بسيط بس يعينى انبهر و قاعد من الصبح عمال يعمل مواضيع :)

احب اقوله ممكن تبيع الفيرنا و تشترى لانوس و الفرق مش هيكون كبير و ممكن تاخد فرق كمان :)

[zago]

لو على الوسع اركب فيات تمبرا
:)

[mailo]

أنا ركبت فرنا قبل العيد على طول لفيت بيها حلوان ولفرق بين ال 2 كان كالاتي

الفرنا معزولة من تحت أحسن من اللانوس
زراير الإزاز قدام شوية مش زي عندنا تحت في نص الباب
لمبة الصالون فرنا بتقفل ببطء :)

الدواسات بتاعت الفرنا مشوارها قصير قوي قوي
عشان اركب العربية بقى كان لازم أجيب الكرسي كتير ورا وانزله للأرض عشان أعرف أقعد
حاولت اركب ورايا معرفتش اخش العربية أصلا
محستش إن العربية متورها مفيش زيه قوي زي ماكله بيقول يمكن عشان صاحبها مش مسخنها بس أنا كبست عليها شويتين مش العفريتة يعني
الفتيس بتاعها مش ناعم مثلا زي ال sunny ولا ناشف زي ال لانوس حسيته مايع كده مش مسترجل

بس overall عربية حلوة برده بس اللانوس أحسن بالنسبالي برده

[tarek_2005]

لو على الوسع اركب فيات تمبرا
:)

مين قال كده اللانوس اوسع بكتير من التمبرا

[friendship7897]

أحييك على تقديرك للانوس يا Shooda2020، وأنا كمان بحب عربيتي اللانوس جداً

[zaza2002]

انا كمان بموت فى عربيتى ربنا يحفظها ويديمها نعمة على يارب

[zago]

مين قال كده اللانوس اوسع بكتير من التمبرا

ههههههههههه
متأكد ؟

[Dodo2009]

العربيه اللانوس عربيه حمالة أسيه وتعيش معاك وقطع غيارها كويسه ومتوفره ربنا يحفظها ويديمها نعمه

[Ahmed Nasser]

اللى بيكلم على التمبرا
وسعها زى وسع النوبيرا

[mahmoudysf]

مين قال كده اللانوس اوسع بكتير من التمبرا

اتاكد من المعلومة دي يا عزيزي
لا يوجد مقارنة بين صالون التمبرا واي عربية تانية
انا مشوفتش وسع صالون زي كدة
انا عندي الاتنين لانوس ونوبيرا
وصالون التمبرا اوسع من النوبيرا بمراحل

[mero100]

فيرنا او لانوس .... او سيات .... نحمد ربنا اننا راكبين ... و ياااااااااااااارب يستتر من الحرااميه االاايام دي .... سرقه العربيات انتشرت .....كل وااحد يدعي يا جماعه ان ربنا يسترها علينا و علي عربيااتنا ..... دول بيسرقوا العربيات و بيطلبواا فديه .....استر يا رب .