الحقونى هيضحك عليا كالعاده

[ehabpopo]

انا فعلا نزلت الحرفين ولقيت ماتور لانوس 1600 عدد 2 كامه اوتوماتك بالضفيره والكمبيوتر وكامل والكابالن والريديتير كمان وطالب منى 4500 بجانب الحاجة بتاعتى مع العلم ان الماتور بتاعى بايظ وجايب سبايك والكرنك بايظ والميكانيكى قالى ان الماتور شاكله نضيف والتجربه 15 يوم لان المحل هو ال هيركب لضمان الموتور 15 يوم وهيبقى ليا حوالى 1000 او 750 لحين تجهيز الاوراق كده الاتفاق معقول ولا اضحك عليا كالعادة وهل اخد البلوك القديم ال عليه رقم الماتور القديم ولا مش هيبقى ليه لزمة افيدونى الله يكرمكم

[misho2008]

انا شا يف انو كدة السعر كتير
الشورت بلوك - من 1500 الى 1800
فتيس 900-1000
الريداتير ب 300
الكمبيوتر والضفيرة بتاعت الموتور 700 -1000 جنية
يعنى كلة 4100 من غير ما يا خد الحاجة القديمة بتاعتك
الموتور عندك بايظ وكمان الفتيس ولا اية يا ريت توضح الحاجة اللى هياخدها منك وتكون شغالة كويس عشان نحسب قيمتها

[ehabpopo]

اولا شكرا لردك واهتمامك ميشو ثانيا الماتور عايز سبايك وكرنك جديد ووش السلندر كله بايظ لانه مشروخ والكامه اتقطمت الفتيس عايز ديسك واسطوانه والرديتير طبعا مش هينفه يركب على الماتور الجديد ولا الكمبيوتر ولا الضفيره ولا الكنسوله والعصايه دى المارش شغال والدينمو كويس
ثالثا انا بردو عايز رايك فى الماتور الجديد 1600 و2 كامه اتوماتك

[misho2008]

انا تحت امرك يا باشا بص الحاجات اللى شغالة دية بفلوس لازم يخصمها من تمن الجديد
بالنسبة للموتور 1600 هو حلو طبعا مشكلة اكتر من الانوس شوية
المهم انك تسأل كذا مكان قبل ما تشترى والضمان بتاع الموتور والفتيس مفهوش فصال يعنى اى مكان تشترى منة لازم تقولة الضمان اد اية
فى واحد اسمة الشيخ مكى فى الوكالة اسأل عندو وبعد كدة قرر

[misho2008]

ودة لينك لموضوع حد من زميلنا فى المنتدى غير من مانيوال الى اتوماتيك

http://www.nilemotors.net/Nile/145435-a.html

[ehabpopo]

اشكرك جدا على الاهتمام وهشوف اللينك حالا

[MMamdouh]

الشورت بلوك - من 1500 الى 1800

ألراجل بيتكلم على مكنة كاملة حسب ما فهمت... دى مش اقل من 2500 جنية

MMamdouh

[misho2008]

ألراجل بيتكلم على مكنة كاملة حسب ما فهمت... دى مش اقل من 2500 جنية

mmamdouh

السعر كدة غالى طالما انو هياخد منة الحاجات القديمة( الفتيس -الماتور القديم كامل - ريداتير - ضفيرة+كنترول-دواسات-كنسول وعصاية الفتيس القديمو) كل دة بفلوس

[ehabpopo]

الله يكرمك افيدونى انا محتار اركب واعمل التغير ده ولا اركب ماتور العربيه 1500استعمال بردو حاسس انهم بيشتغلونى فى الحرفيين وانا بكلمك من الموبيل رجاء حد يرد عليا الماتور بتعها بيعمل 2800 وكلو مثبت السعر ده

[misho2008]

رأى الشخصى هات موتور 1500 شورت بلوك تمنة لو مية مية 1800 + ديسك واسطوانة قول 500 جنية
وتركيب 300 وترجع العربية زى ما كانت زيرو

[misho2008]

بص يا باشا الشورت بلوك بدون رشاشات ولا كمبروسور تكييف ولا دينامو ولا مارش لانو كل دة عند شغال احسن حاجة والله دية النصيحة لله رقم تليفونى 0122281142

[ahmedezzat78]

توكل على الله وفاصل فى 500جنيه مثلا أو احتفظ بالدينامو و الكومبريسور القدام و اديلو الموتور بالفتيس بالضفيره بالمارش و الردياتير

طالما الموتور بتاعك وصل للمرحله دى يبقى العربيه أكيد ماشيه كتير و بالتالى الفتيس بتاعك هتلاقيه برضو تعبان فبالمره بقى تغير الفتيس و فى الحاله دى يبقى اتوتوماتيك أحسن طبعا بس خد بالك من موضوع قاعده الفتيس المشروح فى اللينك + خزنه الزيت

بس اعمل حسابك انك تعدل الفرامل الأماميه فى أقرب وقت بعد تركيب الموتور الكبير

[ehabpopo]

الف شكر يا جماعه بجد والله انا نزلت امبارح وقررت اجيب مكنه العربيه لما عرفت ان فى تغير فى القواعد او تعديل فيها على الرغم انى كنت هموت على 1600 بس الحمدلله قدر الله وما شاء فعل

[TarekNova]

معلش ليا استفسار .. حضرك متأكد من ان لازم تعدل القواعد لو جبت مكنة 1600 ؟؟ اصل انا كنت سألت أ/ممدوح من فترة قالي لا لازم تعديل فرامل بس

[MMamdouh]

لو هتجيب موتور 1600 بتاع نوبيرا تركبة فى لانوس هتبدل اماكن القاعدة الامامية و طلمبة الباور... دة تغيير مكان فقط مش "تعديل"

MMamdouh